Firefox Sync waše daty na serwerach Mozilla składuje a synchronizuje je z wašimi ličakami a gratami. Jeli sće Sync konfigurował, zapodajće e-mejlowu adresu a hesło, zo byšće druhich při přistupje k wašemu kontu haćił. Nimo toho zaklučujemy naše daty z klučom, kotryž so z hesła wotwodźuje, zo byšće jo na serwerje wěste dźeržał. Tutón nastawk wujasnja, štož móžeće činić, jeli wažne z tutych informacijow zabudźeće abo zhubiće a přistup k wašemu kontu Sync nimaće.

Sym hesło swojeho konta Mozilla zabył – kak móžu jo wróćo stajić?

Zo byšće nowe hesło dóstał, přewjedźće slědowace kroki.

1. Klikńće na menijowe tłóčatko a potom na Přizjewić pódla Daty synchronizować a składować.
2. Klikńće na stronje Přizjewić na Sće hesło zabył? Firefox wam wróćostajensku mejlku pósćele.
3. Slědujće instrukcijam w swojej wróćostajenskej mejlce, zo byšće swoje hesło změnił.
4. Po tym zo sće ze swojim nowym hesłom přizjewił, aktualizujće swoje hesło na kóždym ze swojich gratow.

Kedźbu: Jeli tłóčatko přeběžkoweho menija njewidźiće (Dalše nastroje), klikńće na menijowe tłóčatko a potom na Přizjewić pódla Daty synchronizować a składować.

Nimam hižo přistup k e-mejlowej adresy swojeho konta Mozilla

Bohužel njemóžeće e-mejlowu adresu změnić abo wobnowić, kotraž je z kontom Firefox Sync zwjazana (nimo w tym padźe, kotryž je so w pokazce deleka wopisał). Wy dyrbjał nowe konto załožić, hdyž kroki přewjedźeće, kotrež so w tutym nastawku wopisuja.