Kachlički, kotrež so we wotrězkach Zwjazanja (najhusćišo wopytane sydła), Wot Pocket doporučeny a Najnowša aktiwita (sydła, kotrež su so njedawno wopytali abo jako zapołožku składowali) strony noweho rajtarki pokazuja, so na zakładźe přehladowanskeho zadźerženja měnjeja, ale móžeće zwjazanja připjeć abo tute kachlički wotstronić.

Waše zwjazanja přiměrić

Waše zwjazanja su sydła, kotrež husto wopytujeće a sydła, kotrež chceće za lóši přistup připjeć. Tute sydła so tež zjewja, hdyž do adresoweho pola klikaće, zo byšće pytanje započał.

1. Pohibujće pokazowak myški nad zwjazanje.

   

2. Klikńće na třidypkowy meni, kotryž so horjeka naprawo na zwjazanju jewi.
3. Wubjerće tam, hač chceće zwjazanje připjeć, wobdźěłać abo zaćisnyć (wotstronić).

Zwjazanje přidać

Jeli prózdnu kachličku maće:

1. Pohibujće pokazowak myški nad prózdnu kachličku a klikńće na Tute sydło wobdźěłać (pisakowy symbol).

   

2. Zapodajće titul a URL (webadresu) za sydło a klikńće na Přidać.
3. Kachlička ze symbolom sydła so we wašich zwjazanjach zjewi.

Jeli prózdnu kachličku nimaće: Móžeće eksistowce zwjazanje wobdźěłać, zo byšće nowy titul a URL pokazał.

1. Pohibujće pokazowak myški nad eksistowace zwjazanje, kotrež hižo njetrjebaće.
2. Klikńće na třidypkowy meni, kotryž so horjeka naprawo w zwjazanju jewi a wubjerće Wobdźěłać.

   

3. Zapodajće nowy titul a URL w dialogu Zwjazanje wobdźěłać, kotryž so wočinja a klikńće na Składować.

Zwjazanje připjeć, wotpjeć abo wotstronić

Zwjazanje připjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Připjeć.
3. Symbol připinawki so na wašim připjatym zwjazanju pokaza.

   

Zwjazanje wotpjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Wotpjeć.

Zwjazanje wotstronić:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Zaćisnyć.

Zwjazanja přerjadować

Klikńće a dźeržće kachličku a ćehńće ju do druheho městna.

Wjace abo mjenje zwjazanjow pokazać

1. Klikńće na swojej stronje noweho rajtarka na tłóčatko Personalizować.
2. Wubjerće we wotrězku Zwjazanja z wuběranskeho menija ličbu linkow zwjazanjow, kotrež chceće widźeć.

   

Kachlički we wotrězkach Najhusćišo wopytane sydła, Wot Pocket doporučeny a Wjerški (sydła, kotrež su so njedawno wopytali abo jako zapołožki składowali) strony noweho rajtarka so na zakładźe přehladowanskeho zadźerženja změnja, ale móžeće woblubowane sydła připjeć abo kachlički wotstronić.

Wotrězk přesunyć abo wotstronić

1. Pohibujće kursor myški něhdźe do wotrězka kachličkow a klikńće na na třidypkowy meni, kotryž so horjeka naprawo we wotrězku jewi.

   

2. Wottud móžeće wotrězk přesunyć, schować abo wotstronić.

Waše najhusćišo wopytane sydła přiměrić

Waše najhušćišo wopytane sydła su sydła, kotrež najhusćišo wopytujeće a sydła, kotrež za lochki přistup připinaće. Tute sydła so tež zjewja, hdyž do adresoweho pola klikaće, zo byšće pytanje startował.

Husto wopytane sydło přidać

1. Pohibujće kursor myški něhdźe we wotrězku Najhusćišo wopytane sydła kachličkow a klikńće na třidypkowy meni, kotryž je horjeka naprawo.
2. Klikńće na Woblubowane sydło přidać.

   

3. Zapodajće titul a URL za sydło a klikńće potom na Přidać.
4. Kachlička z prěnim pismikom titula so we wotrězku „Najhusćišo wopytane sydła“ zjewi.

Wažne sydło připjeć, wotpjeć abo wotstronić

Wažne sydło připjeć:

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Připjeć.
3. Symbol připinawki so nalěwo deleka pod kachličku wašeho sydła zjewi.

   

Wažne sydło wotpjeć

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Wotpjeć.

Wažne sydło wotstronić

1. Pohibujće kursor myški nad kachličku, doniž so meni (tři dypki) njezjewi.

   

2. Klikńće na Zaćisnyć.

Husto wopytane sydła přerjadować

Klikńće a dźeržće kachličku a ćehńće ju do druheho městna.

Wjace abo mjenje husto wopytanych sydłow pokazać

1. Pohibujće kursor myški nad wotrězk Najhusćišo wopytane sydła, doniž so wotkaz Wobdźěłać njezjewi.

   

2. Wubjerće jednu ze slědowacych móžnosćow:
   • Wjace pokazać přidawa dalšu linku husto wopytanych sydłow
   • Mjenje pokazać wotstronja linku husto wopytanych sydłow.
   • Přidać wam zmóžnja, wěste sydło wašim husto wopytanym sydłam přidać, hdyž wotkaz a mjeno za sydło zapodawaće. Sydła, kotrež přidawaće, so awtomatisce připinaja.
3. Klikńće na Dokónčene, hdyž sće hotowy.

Wjerški

Wjerški su sydła, kotrež sće njedawno wopytał abo jako zapołožki składował. Firefox poda, hač sydło je wjeršk, dokelž sće jo jako zapołožku składował abo wopytał.

Wjeršk składować abo jako zapołožku składować

1. Pohibujće kursor myški, doniž so meni (tři dypki) njezjewi.

   

2. Klikńće na meni a wubjerće jednu ze slědowacych akcijow:
   • Zapołožkii składować: Dajće swojej zapołožce mjeno a znački.
   • Do Pocket składować: Registrujće so za darmotne konto Pocket abo přizjewće so, jeli maće eksistowace konto.
3. Klikńće na Dokónčene, hdyž sće hotowy.

Wjeršk w nowym woknje wočinić

1. Pohibujće kursor myški, doniž so meni (tři dypki) njezjewi.

   

2. Klikńće na W nowym woknje wočinić abo W nowym priwatnym woknje wočinić, jeli nochceće jón w swojej přehladowanskej historiji składować.

Wjeršk wotstronić

1. Pohibujće kursor myški, doniž so meni (tři dypki) njezjewi.

   

2. Klikńće na meni a potom na Zaćisnyć, zo byšće jón ze swojich wjerškow wotstronił. Móžeće tež na Z historije zhašeć kliknyć, zo byšće wjerški ze swojeje přehladowanskeje historije wotstronić.

Najnowša aktiwita

Wotrězk Najnowša aktiwita sydła pokazuje, kotrež sće njedawno wopytał, jako zapołožku składował abo do Pocket składował. Firefox budźe w kóždej kachličce symbol Pocket, hwěžku zapołožki abo časnikowy symbol njedawneho wopyta pokazować.

Sydło z wotrězka Najnowša aktiwita składować abo jako zapołožku składować

1. Pohibujće kursor myški, doniž so meni (tři dypki) njezjewi.

   

2. Klikńće na meni a wubjerće jednu ze slědowaceju móžnosćow:
   • Jako zapołožku składować: Dóstanjeće namołwu, mjeno a znački za swoju zapołožku zapodać. Klikńće na Składować, hdyž sće hotowy.
   • Do Pocket składować: Jeli přizjewjeny njejsće, dóstanjeće namołwu, so za darmotne konto Pocket registrować abo so přizjewić, jeli hižo konto maće. Hdyž sće přizjewjeny, so sydła hnydom do Pocket składuja.
3. Klikńće na Dokónčeny, hdyž sće hotowy.

Sydło z wotrězka Najnowša aktiwita w nowym woknje wočinić

1. Pohibujće kursor myški, doniž so meni (tři dypki) njezjewi.

   

2. Klikńće na W nowym woknje wočinić abo W nowym priwatnym woknje wočinić, jeli nochceće, zo so sydło we wašej přehladowanskej historiji składuje.

Sydło z wotrězka Najnowša aktiwita wotstronić

1. Pohibujće kursor myški, doniž so meni (tři dypki) njezjewi.

   

2. Klikńće na meni a potom na Zaćisnyć, zo byšće jo z wotrězka Najnowša aktiwita wotstronił.
   Móžeće tež na Z historije zhašeć kliknyć, zo byšće wuzběhnjene strony ze swojeje přehladowanskeje historije wotstronił.