Što je Firefox Klar za iOS?

Wersijowe informacije
  • Wersijowy ID: 229192
  • Wutworjeny:
  • Awtor: milupo
  • Komentar: translation completed
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Ně
  • Hotowy za přełožowanje: Ně
Žórłowy kod wersije
Wobsah wersije

Tuta strona někotre nowe funkcije w Firefox Focus/Klar wopisuje. Jeli waš Firefox Focus/Klar hinak wupada, njehněwajće so. Móžeće bórze nowu wersiju dóstać.

Sće žiwy w Němskej, Awstriskej abo Šwicarskej? Firefox Klar je němskorěčna wersija Firefox Focus. Hlejće I can't find Firefox Focus in Germany, Austria or Switzerland.
Pokaz přełožowarja: Dokelž so hornjoserbšćina tež w Němskej rěči, Firefox Focus w hornjoserbskej rěči tež Firefox Klar rěka.

Wjedźće priwatne přehladowanje do přichodneje runiny. Firefox Klar je dedikowany wobhladowak z priwatnosću ze slědowanskim škitom a blokowanjom wobsaha. Móžeće Firefox Klar jako samostatny wobhladowak wužiwać, abo jako blokowak wobsaha za Safari na podpěranych gratach iPhone, iPad a iPod touch.

Firefox Klar instalować

Firefox Klar je w App Store darmo k dispoziciji. Hdyž sćehnjenje je so dokónčiło, hladajće za symbolom na swojej startowej wobrazowce.

focus icon v3

Firefox Klar jako wobhladowak wužiwać

Wužiwajće Firefox Klar jako wobhladowak, kotryž je za wašu priwatnosć a wěstotu mysleny. Zhašejće lochko swoju přehladowansku historiju, hesła, zapołožki a placki a zadźěwajće tomu, zo njewitane wabjenje wam slěduje.

  1. Startujće Firefox Klar, hdyžkuli chceće priwatne dožiwjenje bjez přesćěhowakow. Firefox Klar da so lochko wužiwać. Zapodajće prosće swój pytanski wuraz abo adresu websydła do pola:
    focus screen v3
  2. Podótkńće so tłóčatka Dźělić deleka na wobrazowce, zo byšće sej stronu w regularnym Firefox wobhladać abo ju z pomocu druheho nałoženja dźělił.
    focus share v3
  3. Podótkńće so tłóčatka Zhašeć w pytanskim polu, zo byšće wšě informacije wo swojim posedźenju kóždy čas zhašał.
    erase focus v3

Firefox Klar ze Safari wužiwać

Wužiwajće škit přećiwo wabjenju, socialnym přesćěhowakam, přeśćěhowakam wobsaha abo analyzowanskim přesćěhowakam, bjeztoho zo byšće Safari wopušćił. Přewjedźće tute kroki, zo byšće Firefox Klar za Safari zmóžnił:

Krok jedyn: Safari dowolić, zo by blokowaki wobsaha wužiwał (trjebaće to jenož jedyn raz činić):

  1. Podótkńće so nałoženja Nastajenja w swojim iPhone abo iPad.
  2. Kulće dele do Safari a podótkńće so jeho.
    safari
  3. Podótkńće so Blokowaki wobsaha.
    contentblockers
  4. Podótkńće so suwaka pódla Firefox Klar, zo byšće jón zmóžnił greenswitchfocus.
  5. Začińće nałoženje Nastajenja.

Krok dwaj: Firefox Klar za Safari zmóžnić

  1. Wočińće Firefox Klar.
  2. Podótkńće so tłóčatka Meni a potom Nastajenja.
  3. Podótkńće so suwaka pódla Safari, zo byšće jón zmóžnił blue switch.
  4. Začińće Firefox Klar. Sće nětko hotowy, w Safari přehladować!

Škitne nastajenja wašeho Firefox Klar přiměrić

Přiměrće runinu blokowanja wobsaha a slědowanskeho škita, kotruž trjebaće.

Standardna pytawa: Zo byšće swoju standardnu pytawu změnił, hlejće Change the default search in Firefox Focus on iOS.
  1. Wočińće Firefox Klar.
  2. Podótkńće so tłóčatka Meni a potom Nastajenja.
  3. Podótkńće so suwaka pódla kóždeje funkcije, zo byšće ju zmóžnił abo znjemóžnił.
    focus settings v3
    Wužiwanske daty pósłać: Wužiwamy powšitkowne wužiwanske daty, kotrež nam pomhaja, Firefox Klar polěpšić. Móžeće tute nastajenje kóždy čas znjemóžnić.
  4. Podótkńće so tłóčatka Wróćo abo začińće Firefox Klar. Firefox Klar budźe waše změny awtomatisce składować.

Kak Firefox Klar funguje?

Priwatnosć

Firefox Klar wam zmóžnja, znate přesćěhowaki websydłow slědowacych kategorjow blokować a skići wam tak přidatnu priwatnosć:

  • Wabjenje, analyzowe daty a socialne přesćěhowaki
  • Druhe přesćěhowaki wobsaha – tuta kategorija zasadźane wideja, fotogalerijow a zasadźenja w nastawkach nowinow, kotrež móhli wam slědować, wobsahuje. Hdyž druhe přesćěhowaki wobsaha blokujeće, snano wjele websydłow hižo korektnje njefunguje.
Firefox Klar lisćinu za slědowanski škit wužiwa, kotruž Disconnect k dispoziciji staja, zo by přesćěhowaki identifikował a blokował. Zo byšće wjace wo slědowanju a standardach, kotrež Disconnect wužiwa, zo by swoju lisćinu wutworił, hlejće tu.

Wukon

Firefox Klar začitowanje někotrych dźělow webstronow blokuje. Hdyž mjenje sćahuja, webstrony husto z Firefox Klar husćišo začituja. Wužiwanje mobilnych datow móže tež niše być.

  • Webpisma - pisma, kotrež so ze serwera sćahuja (móže webstrony spomałšić). Webpisma su pisma, kotrež so wužiwaja, zo bychu tekst na wěstych webstronach wuhotowili. Hdyž webpsma blokujeće, so napohlad teksta na stronach změni, hdźež so webpisma wužiwaja, ale tekst hišće čitajomny wostanje.

Žadanja

Firefox Klar je w iTunes store za podpěrane graty k dispoziciji. Blokowanje wobsaha je jenož na 64-bitowych gratach k dispoziciji, iOS 9 a nowše, mjez nimi:

  • iPhone 5s a nowše
  • iPad Air a nowše
  • iPad mini 2 a nowše
  • iPod touch 6. generacija

Čehodla so starše produkty Apple njepodpěruja?

Blokowaki wobsaha Safari (mjez nimi Firefox Klar) su jenož na gratach z procesorom A7 (64-bitowe) abo nowšich k dispoziciji. Jenož 64-bitowe procesory móža z přidatnej ćežu blokowanja wobsaha wobchadźeć, kotraž optimalny wukon zawěsćuje. Dokelž, na přikład, iPad 3 ma procesor A5, je Firefox Klar inkompatibelny.