Priwatny modus Firefox wam přehladowanje přez web na wašim iPhone abo iPad zmóžnja bjez toho, zo by wašu historiju składował. Wočińće tak wjele priwantych rajtarkow kaž chceće a přepinajće lochko mjez priwatnym modusom a normalnym přehladowanjom.
Zapis wobsaha
Wo priwatnym modusu
Priwatny modus historiju, placki, hesła, sydłowe nastajenja abo nachwilne internetne dataje njeskładuje. Wobchowuje zapołožki, kotrež sće w priwatnym modusu składował.
Priwatny modus wužiwać
Zo byšće priwatny modus wužiwał, wočińće prosće priwatny rajtark ze slědowacymi krokami:
Podótkńće so rajtarkoweho symbola deleka na wobrazowce.
- Podótkńće so maskoweho tłóčatka horjeka srjedźa na wobrazowce, zo byšće do priwatneho modusa přešoł.
- Podótkńće so plusoweho symbola deleka na wobrazowce, zo byšće nowy priwatny rajtark wočinił.
Hdyž priwatny modus wužiwaće, změje rajtarkowy symbol deleka na wobrazowce masku. Nimo toho so pytanske polo purpurowe wuzběhnje. Tutej stej wužitnej znamjeni, kotrejž wam zdźěletej, hač sće w priwatnym modusu abo nic.
Rajtarki:
Pytanske polo:
Wočinjene priwatne rajtarki sej wobhladać
Zo byšće sej lisćinu swojich wočinjenych priwatnych rajtarkow wobhladował:
Podótkńće so rajtarkoweho symbola deleka na wobrazowce.
- Jeli hišće w priwatnym modusu njejsće, podótkńće so maskoweho tłóčatka horjeka srjedźa na wobrazowce, zo byšće k priwatnemu modusej přešoł
- Budźeće lisćinu wočinjenych priwatnych rajtarkow widźeć.
- Podótkńće so rajtarka, zo byšće sej stronu wobhladował abo podótkńće so symbola x, zo byšće rajtark začinił. Rajtarki wostanu wočinjene, doniž so symbola x njepodótknjeće, zo byšće je začinił.
Priwatny modus wopušćić
Zo byšće so k normalnemu modusej wróćił, podótkńće so čorneho maskoweho tłóčatka horjeka srjedźa na wobrazowce znowa.
