Posledni raz zaktualizowany:
Priwatny modus wam zmóžnja přehladować, bjeztoho zo bychu so waša historija, waše placki abo waše hesła składowali. Zapołožki a sćehnjene dataje so hišće składuja.
Zapis wobsaha
Mjez normalnym a priwatnym modusom přepinać
Zo byšće k priwatnemu modusej přešoł:
Podótkńće so rajtarkoweho symbola deleka na wobrazowce.
- Podótkńće so maskoweho tłóčatka horjeka wosrjedźa na wobrazowce.
- Zo byšće so k normalnemu modusej wróćił, podótkńće so čorneho maskoweho tłóčatka hišće raz.
Zhonić, hač sće w priwatnym modusu
Sće w priwatnym modusu, jeli:
- Symbol rajtarkow purpurowu masku pokazuje.
- Pytanske polo je w purpurje wuzběhnjene.
Priwatne rajtarki wočinić a začinić
- Přeńdźće k priwatnemu modusej (hlejće horjeka).
- Podótkńće so tłóčatka plus (+), zo byšće nowy priwatny rajtark wočinił.
- Zo byšće priwatny rajtark začinił, podótkńće so x w přehledźe rajtarka.
HSP
Móžu priwatny modus k standardnemu modusej w Firefox za iOS činić?
Ně. Firefox za iOS tuchwilu po standardźe startowanje w priwatnym modusu njepodpěruje. Dyrbiće kóždy raz manuelnje přepinać.
Blokuje priwatny modus přesćěhowanje dospołnje?
Ně. Priwatny modus tomu zadźěwa, zo Firefox waše lokalne daty přehladowanja składuje, ale njeblokuje přesćěhowanje online dospołnje. Wužiwajće Polěpšeny slědowanski škit za wjace škita, kotryž je přeco w priwatnych woknach.
Čehodla njemóžu nastajenje za priwatny modus namakać?
Jeli maskowy symbol njewidźiće, zawěsćće, zo sće na wobrazowce rajtarkoweho napohlada. Maska so jenož w rajtarkowym napohledźe jewi, nic mjeztym zo webstrona je wočinjena.
