Posledni raz zaktualizowany:
6 dnjow ago
Zapis wobsaha
Što su wuskakowace wokna?
Wuskakowace wokna su wokna, kotrež so awtomatisce, bjez wašeje dowolnosće, jewja. Wariěruja po wulkosći, ale zwjetša cyłu wobrazowku njezaběraja. Někotre wuskakowanske wokna so nad aktualnym woknom Firefox (prědkowe wokna) wočinjeja, druhe wšak pod woknom Firefox (pozadkowe wokna).
Firefox wam zmóžnja, prědkowe kaž tež pozadkowe wuskakowace wokna we woknje NastajenjaNastajenjaNastajenja wodźić. Blokowanje wuskakowacych woknow je po standardźe zmóžnjene, njetrjebaće so tuž wo jeho zmóžnjenje starać, zo byšće wuskakowace wokna při wočinjenju w Firefox haćił.
Hdyž so wuskakowace wokno blokuje, Firefox infolajstu (chibazo sće infolajstu do toho wupinył — hlejće deleka) kaž tež symbol 
w adresowym polu zwobraznjuje.
Hdyž pak na tłóčatko w infolajsće pak na symbol w adresowym polu klikaće, so meni ze slědowacymi wuběranskimi móžnosćemi zwobrazni:
Nimo toho wobsahuje Firefox tež funkciju blokowanje dalesposrědkowanjow třećich poskićowarjow, so jako woblubowane strony zwonka dowěry hódnych přehladowanskich wobłukow abo woknow wočinić, štož was přećiwo kaprowanju abo kliknjenskemu wobšudstwu škita
Wobě funkciji hromadźe dźěłatej, zo byštej wašu přehladowansku wěstotu polěpšiłoj, mjeztym zo wažne sydłowe funkcije intaktne wostawaja.
Nastajenja blokowanja wuskakowacych woknow
Zo byšće přistup na nastajenja blokowanja wuskakowacych woknow měł:
- Klikńće w menijowej lajsće horjeka na wobrazowce na a wubjerće , (na staršich wersijach macOS ).Klikńće na menijowe tłóčatko a wubjerće .
- Wubjerće wokno .
- Přeńdźće k wotrězkej Prawa.
- Znjemóžńće kašćik pódla Wuskakowace wokna a dalesposrědkowanja třećich poskićowarjow blokować, zo byšće blokowak wuskakowacych woknow dospołnje znjemóžnił.
- Klikńće na naprawo pódla Wuskakowace wokna a dalesposrědkowanja třećich poskićowarjow blokować, zo byšće dialogowe polo wočinił, zo byšće wubrał, kotre sydła smědźa wuskakowace wokna pokazać.
Dialog wam slědowace wuběranske móžnosće skići:
- Zapodajće abo zasadźće adresu websydła a klikńće na tłóčatko , zo byšće jo lisćinje sydłow přidał, kotrež smědźa wuskakowace wokna wočinić.
- Wubjerće websydło z lisćiny a klikńće na tłóčatko , zo byšće jo z lisćiny wuwzaćow wotstronił.
- Klikńće na tłóčatko , zo byšće wšě websydła z lisćiny wuwzaćow wotstronił.
Klikńće na tłóčatko , zo byšće swoje změny nałožił.
Blokowanje dalesposrědkowanja třećich poskićowarjow Firefox rozumić
Blokowanje dalesposrědkowanja třećich poskićowarjow přećiwo wobšudniskim websydłam škita, kotrež pospytuja swoje strony zwonka přizwolenych wokolinow wobhladowaka začitać, přepisuja husto waše rajtarki abo wočinjeja wobsah w połnej wobrazowce abo eksternych woknach.
Tuta škitna naprawa hromadźe z blokowanjom wuskakowacych woknow funguje a wotpopaduje metody, kotrež standardne zadźerženje wokna wobeńdu.
Lěpšiny klučoweho škita su:
- Zadźěwa tomu, zo so wěste rajtarki wułamaja
- Wobeńdźe kaprowane namołwy połneje wobrazowki abo sfalšowane přizjewjenske strony
- Wudospołnja blokowak wuskakowacych woknow přez ewaziwne techniki
Wuskakowace wokna so njeblokuja
Přińdźe wuskakowace wokno z Firefox?
Wuskakowace wokno njemóže poprawom z Firefox přińć. Móžeće po napohledźe wokna spóznać, zwotkelž wuskakowace wokno přińdźe.
- Jeli w adresowym polu tłóčatko Slědowanski škit a tłóčatko sydłoweje identity we wuskakowacym woknje widźiće, wuskakowace wokno z Firefox pochadźa.
- Jeli tutej tłóčatce njewidźiće, maće snano škódnu softwaru na swojim ličaku, kotraž wuskakowace wokna zawinuje. Za pomoc hlejće Problemy Firefox rozrisać, kotrež so přez škódne programy zawinuja.
Je blokowanje wuskakowacych woknow za tute sydło zmóžnjene?
- Klikńće w menijowej lajsće horjeka na wobrazowce na a wubjerće , (na staršich wersijach macOS ).Klikńće na menijowe tłóčatko a wubjerće .
- Wubjerće wotrězk a dźiće k wotrězkej Prawa.
- Přeswědčće so, hač hóčka je w kašćiku pódla Wuskakowace wokno blokować .
- Klikńće na tłóčatko naprawo pódla Wuskakowace wokno blokować. Dialogowe polo so wočini, z lisćinu sydłow, za kotrež wuskakowace wokna su dowolene.
- Jeli sydło, kotrež wuskakowace wokna wočinja, je tu podate, wubjerće jo a klikńće na .
- Klikńće na , zo byšće swoje změny aktualizował.
- Začińće stronu . Wšě změny, kotrež sće přewjedł, budu so awtomatisce składować.
Pokazuje so wuskakowace wokno po kliknjenju z myšku abo tłóčenju tasty?
Wěste akcije, kaž na přikład kliknjenje abo tłóčenje tasty, móža wuskakowace wokna wupłodźić, njedźiwajo na to, hač blokowanje wuskakowacych woknow je zmóžnjene abo nic. To jo otpohladana, zo njeby Firefox žane wuskakowace wokna blokował, kotrež websydła trjebaja, zo bychu fungowali.
Je to woprawdźite wuskakowace wokno?
Druhdy ma wabjenje kaž wokna wupadać, ale poprawom to njejsu. Blokowanje wuskakowacych woknow Firefox njemóže tutomu wabjenju zadźěwać.
Naprašowanja Mozilla
Hdyž websydło Mozilla wopytujeće, budźeće druhdy wuskakowace wokno widźeć, kotrež wam prosy, so na naprašowanju wobdźělić. Jeničke sydło třećeho poskićowarja, kotrež Mozilla za naprašowanja wužiwa, je Alchemer (prjedy SurveyGizmo) kotrež Mozilla je dał přez swoje teamy za prawniske naležnosće a priwatnosć přepruwować. Firefox tute wuskakowace wokna njeblokuje.
