Mozilla Account, Privacy and Security
Mozilla Account, Privacy and Security
Posledni raz zaktualizowany:
Posledni raz zaktualizowany:
Tutón nastawk wam pomha, mócne, wěste hesła wutworić, kotrež móžeće sej lochko spomjatkować, waču identitu w interneće wěstu dźeržał a sensibelne informaije škitać.
Čehodla mócne hesło za waše konto Mozilla wubrać?
Waše konto Mozilla zapołožki a přizjewjenske daty za sydła, kotrež składujeće, wobchowuje, mjez nimi bankowe konta a konta za webmejl, socialne medije, dźěło a šulu.
Jeli so nadpadnik do wašeho konta Mozilla zadobywa, změje přistup k wašim, priwatnym informacijam - wón čita wašu historiju, zapołožki, hesła a přidatki, kotrež sće zainstalował. Nadpadnik móže tež dalše přidatki instalować, kotrež so do wašeho ličaka synchronizuja.
Kotre su kriterije za mócne hesło?
Za konto Mozilla zawěsćamy, zo waše hesło slědowacym kriterijam wotpowěduje:
- Ma znajmjeńša wosom znamješkow.
- Hesło žadyn dźěl e-mejloweje adresy njewobsahuje.
- Hesło wopisanju najhusćišich hesłow (němsce) njewotpowěduje.
Pokiwy za mócne hesło
| Prawje | Wopak |
|---|---|
| Wužiwajće wšudźe rozdźělne hesła. Zrjadowaki hesłow a wjele wobhladowakow móža wěste a jónkróćne hesła generować. | Njewužiwajće warianty samsneho hesła za rozdźělne konta. |
| Kombinujće dwě njezwisowacej słowje abo wjace. Změńće pismiki, ličby abo wosebite znamješka. | Njewužiwajće słowo „hesło“ abo wariantu wot njeho. „H@sło!” móža zadobywarjo runje tak lochko zhódać. |
| Waše hesło měło znajmjeńša 8 znamješkow dołhe być. Wužiwajće radšo 12-15 znamješkow. | Njewužiwajće krótke hesła z jenož jednoho słowa kaž na přikład měsac, Serbja, kopańca. |
| Zaplećće ličby, symbole a wosebite znamješka po hesle rozměstnjene. | Njestajće wosebite znamješka (@, !, 0, atd.) jenož na spočatk abo kónc. |
| Wužiwajće njezwučene słowa, kotrež jenož wy znajeće. Dyrbjeli druhim ludźom njezmyslne zdać. | Njewužiwajće wosobinske informacije kaž waš narodny datum, adresu abo mjena swójbnych. |
| Wobchowajće swoje hesła škitane a wěste, na přikład zaklučowane w zrjadowaku hesłow. | Njedźělće swoje hesło z druhimi wosobami. Njepisajće je na cedlu a njelěpće ju na swój ličak. |
| Rozměstńće rozdźělne ličby a znamješka po swojim hesle. | Njewužiwajće zwučene mustry kaž 111111, abc123 abo 654321. |
| Wužiwajće přidatnu wěstotnu runinu z dwufaktorowej awtentifikaciju (2FA). | Njemyslće sej, zo słabše hesło je wěsćiše, jenož dokelž 2FA wužiwaće. |
