Tutón nastawk wopisuje, kak móžeće Thunderbird na Windows instalować.

Jeli wot předchadneje wersije Thunderbird aktualizujeće, hlejće Thunderbird aktualizować.

Tutón nastawk jenož za Windows płaći.

Prjedy hač Thunderbird instalujeće:

Hačrunjež Thunderbird na Windows XP Service Pack 2 (SP2) abo nowšim běži, sej najnowše instalowanske programy za Thunderbird Windows XP ze Service Pack 3 (SP3) wužaduja. Jeli Windows XP SP2 wužiwaće, slědujće prošu tutym instrukcijam, kak móžeće najnowši Thunderbird na swojim systemje instalować.

Njeinstalujće Thunderbird z pomocu wobmjezowaneho konta Windows XP. Za dalše informacije hlejće Gewusst wie: Bestimmen Sie den Typ des Benutzerkontos in Windows na microsoft.com.

Wopytajće sćehnjensku stronu Thunderbird w někajkim wobhladowaku (na př. Firefox abo Microsoft Internet Explorer). Strona awtomatisce najlěpše wersije Thunderbird za was poruča.
Klikńće na zeleny sćehnjenski wotkaz, zo byšće instalowanski program Thunderbird sćahnył. Wotwisujo wot wašeho zwiskoweje spěšnosće, móže sćehnjenje někotre mjeńšiny trać. Dźakujemy so za wašu sćerpliwosć … Wupłaći so čakać!
Klikńće na tłóčatko Dataju składować, zo byšće proces startował.
Slědujće potom krokam (smy proces bjez prócy kaž móžno činił).

Zbožopřeće, sće instalaciju Thunderbird dokónčił!
Klikńće na symbol Thunderbird, hdyžkuli chceće komunikować.