Posledni raz zaktualizowany:
1 tydźeń, 2 dnjej ago
Tutón nastawk wopisuje, kak móžeće Thunderbird na Mac instalować. Za druhe dźěłowe systemy hlejće Thunderbird na Windows instalować a Thunderbird na Linux instalować. Prjedy hač Thunderbird instalujeće, kontrolujće, hač waš ličak systemowym žadanjam wotpowěduje.
Wočińće sćehnjensku stronu Thunderbird a klikńće na tłóčatko „Sćahnyć“, zo byšće Thunderbird za swoju platformu a rěč za swój ličak sćahnył. Jeli chceće Thunderbird w druhej rěči sćahnyć hač so namjetuje, klikńće na Sćehnjenske a rěčne nastajenja za lisćinu wersijow, kotrež su k dispoziciji. Klikńće na instalaciju macOS swojeje wólby, zo byšće pokročował.
Hdyž sćehnjenje je dokónčene, so wobraz kruteje tačele (disk image) awtomatisce wočini a wutworja nowe běhadło, kotrež nałoženje Thunderbird wobsahuje. Jeli nowe běhadło njewidźiće, klikńće dwójce na symbol dmg Thunderbird, zo byšće jo wočinił. Wokno Finder so zjewi, kotrež nałoženje Thunderbird wobsahuje. Ćehńće symbol Thunderbird do rjadowaka Programme. Wubjerće disk image we woknje Finder a tłóčće tasće cmd ⌘+E abo wužiwajće meni w Finder a wubjerće , zo byšće disk image wumjetał.
Thunderbird je nětko hotowy za wužiwanje. Wočińće rjadowak Programme a startujće Thunderbird z dwójnym klikom na symbol Thunderbird. Dóstanjeće snano wěstotne warnowanje, zo je so Thunderbird z interneta sćahnył. Dokelž sće Thunderbird wot oficielneho sydła sćahnył, móžeće na kliknyć, zo byšće pokročował.
Prěni raz, hdyž Thunderbird startujeće, dóstanjeće snano warnowanje, zo Thunderbird waše standardne e-mejlowe nałoženje njeje. (Standardne e-mejlowe nałoženje je program, kotryž so wočinja, hdyž na přikład na wotkaz webstrony k e-mejlowej adresy klikaće.) Jeli chceće, zo Thunderbird je standardne e-mejlowe nałoženje, klikńće na , zo byšće jón jako swój standardny e-mejlowy program nastajił. Jeli nic (na přikład, jeli Thunderbird jenož wupruwujeće), klikńće na .
Huste problemy
- Jeli so wam njeradźi, Thunderbird do rjadowaka Programme instalować a kóždy raz, hdyž so Thunderbird startuje, so nastajenja předchadneho posedźenja zhubjeja - proša was e-mejlowe konta załožić abo dóstawaće druhe pokazy, zo daty faluja. Dyrbiće dataju/symbol dmg Thunderbird do rjadowaka Programme ćahnyć.
