Zo byšće spěšne, spušćomne a wěste přehladowanske dožiwjenje měł, Firefox tykače NPAPI kaž Adobe Flash po standardźe njeaktiwizuje. Město toho Firefox wam rozsud přewostaja, hač tykač ma so na websydle wuwjesć abo nic.
Kak aktiwizowanje přez kliknjenje funguje?
Jeli Firefox tykač blokuje, město zo by wobsah pokazał, widźiće zdźělenku, kotraž was namołwja, kliknyć, zo by tykač kaž Adobe Flash startował.
Na někotrych sydłach widźiće jenož prózdny praworóžk a symbol tykačoweho zdźělenja so nalěwo w adresowym polu jewi.
Jeli na zdźělenku abo zdźělenski symbol klikńće, zo byšće tykač aktiwizował, budźe wam Firefox slědowacej móžnosći skićeć:
- Dowolić: Aktiwizuje tykač na websydle, jenož za jenički wopyt. Zo byšće tykač za wšě přichodne wopyty na sydle awtomatisce aktiwizował, stajće hóčku do kontrolneho kašćika Rozsud sej spomjatkować.
- Njedowolić: Zaćisnje zdźělensku namołwu, bjez toho zo by so tykač aktiwizował.
Jeli kliknjeće, zo byšće tykač aktiwizował a dowolił, falowacy wobsah so normalnje začita. (Jeli nic, klikńće na aktualizowanske tłóčatko 
w symbolowej lajsće, zo byšće stronu znowa začitał a spytajće hišće raz.)
Hdy je w porjadku tykač aktiwizować?
Rozsudźće so w tajkej situaciji wotwisujo wot aktualneho nadawka za jednu ze slědowaceju móžnosćow:
- Jeli dowěry hódne sydło wužiwaće, kaž na přikład wosebite sydło za dźěło abo šulu, čujeće so snano wěsty dosć, zo byšće tykač zmóžnił, zo byšće sej wobsah sydła wobhladał.
- Jeli sydłu dospołnje njedowěrjeće, sće na přikład k wotkazej slědował, zo byšće so k sydłu dóstał, nochceće najskerje tykač aktiwizować.
Móžu tykač na přeco aktiwizować?
Zo byšće Firefox nastajił, zo tykač na přeco aktiwizuje:
Klikńće na menijowe tłóčatko , potom na a wubjerće .
Pytajće tykač a klikńće na třidypkowy symbol a wubjerće potom z wuběranskeho menija. To budźe tykač awtomatisce aktiwizować a njebudźeće žane zdźělenki widźeć, zo maće tykač aktiwizować.
