Witajśo slědk! Toś ta aktualizacija pśinjaso dalšne pólěpšenja, aby wam gładše, wěcej integrěrowane pśeglědowańske dožywjenje bitowała. Pśidajśo wašej wobrazowce Źinsa nowy wóźeński element Firefox a mějśo hyšći malsnjejšy pśistup na swóje nowe rejtarki a kopěrowane wótkaze. Z pomocu pytańskego póla maśo teke malsnjejšy pśistup na swóje cytańske znamjenja. Bitujomy wam teke wěcej kontrole nad certifikatowymi warnowanjami.
Zapis wopśimjeśa
Firefox na wobrazowce Źinsa
Jolic swójej wobrazowce Źinsa wóźeński element Firefox pśidawaśo, móžośo nowe rejtarki malsnjej wócyniś abo se k wótkazam woglědaś, kótarež sćo do swójogo mjazyskłada kopěrował.
Jolic waš rěd jo zastajony, jo tłocašk Ku kopěrowanemu wótkazoju we wobrazowce Źinsa schowany, aby se waša priwatnosć šćitała.
Pśistup na waše cytańske znamjenja z pomocu pytańskego póla (inteligentnego adresowego póla)
Gaž tekst do pytańskego póla zapodawaśo, Firefox pśigódne wuslědki z wašych cytańskich znamjenjow a wuslědkow pytnice pokazujo. Zapišćo jadnorje swój pytański wuraz a waše cytańske znamjenja se z gwězdku pódla sebje pokažu.
Certifikatowe zmólki wobejś
Pó standarźe Firefox was warnujo, gaž websedłowy zwisk njejo wěsty, aby waše daty šćitał. Jolic sćo se wěsty, až cośo se pópšawem njewěste websedło woglědaś, Firefox něnto móžnosć bitujo, toś te warnowanje wobejś.
Webboki śišćaś
Pótusniśo tłocašk Źěliś 
dołojce na wobrazowce a pótom symbol Śišćaś, aby webboki do swójich śišćakow Airprint śišćał.
