Funkcija rajtarkowych skupinow (Panorama) so we wersiji 45 z Firefox wotstroni. Wěmy, zo to je njepřijomne za was, wodajće prošu. Wotstronjenje funkcije rajtarkowych skupinow nam wosnadnja, Firefox polěpšić. Bohudźak je zhromadźenstwo Mozilla hižo wulkotne alternatiwy k rajtarkowym skupinam k dispoziciji stajiło. Tutón nastawk waše móžnosće wobjedna. Funkcija rajtarkowych skupinow (Panorama) je so z Firefox wotstroniła. Wěmy, zo to je njepřijomne za was, wodajće prošu. Wotstronjenje funkcije rajtarkowych skupinow nam wosnadnja, Firefox polěpšić. Bohudźak je zhromadźenstwo Mozilla hižo wulkotne alternatiwy k rajtarkowym skupinam k dispoziciji stajiło. Tutón nastawk waše móžnosće wobjedna.
Što so z mojimi eksistowacymi rajtarkowymi skupinami stanje?
Hdyž na Firefox 45 zaktualizujeće, budźeće wosebity rajtark widźeć, kotryž wujasnja, štož je so stało. Wšě waše rajtarkowe skupiny budu so awtomatisce jako zapołožki wotkładować a w rjadowaku zapołožkow składować. Změjeće na nje přistup, hdyž na zapołožkowe tłóčatko 
w symbolowej lajsće kliknjeće.
Potom změjeće móžnośc, pozadkowe skupiny w separatnych woknach wobnowić, jeli to chceće.
Skónčnje Firefox jónkróćne zawěsćenje datow wašich rajtarkowych skupinow přewjedźe, kotrež budu so we wašim profilowym rjadowaku składować. Přidatki móhli tute daty wužiwać, zo bychu waše rajtarkowe skupiny wobnowili.
Hdźe su moje rajtarkowe skupiny?
Wšě waše rajtarkowe skupiny su so jako zapołožki wotkładli a w rjadowaku zapołožkow składowali. Změjeće na nje přistup, hdyž na zapołožkowe tłóčatko w symbolowej lajsće kliknjeće.
Firefox je tež jónkróćne zawěsćenje datow wašich rajtarkowych skupinow přewjedł, kotrež su so we wašim profilowym rjadowaku składowali. Přidatki móhli tute daty wužiwać, zo bychu waše rajtarkowe skupiny wobnowili.
Přidatki, kotrež rajtarkowe skupiny narunuja
Přidatk Tab Groups/Tabgruppen
Jeli chceće direktne narunanje za funkciju rajtarkowych skupinow, wupruwujće přidatk Tab Groups/Tabgruppen. Je so direktnje ze žórłoweho koda Firefox wutworił a funguje kaž tuchwilna funkcija. Budźe so wam zdać, kaž njeby so funkcija z Firefox wotstroniła. Tutón přidatk chce rajtarkowe skupiny w Firefox dopołnje narunać, skići podobne a nadźijomnje samo polěpšene dožiwjenje. Móžeće přidatk Tab Groups/Tabgruppen wot websydła přidatkow Mozilla instalować.
- Waše rajtarkowe skupiny Firefox so do přidatka přewozmu.
- Firefox waše skupiny na horjeka wopisane wašnje njepřetworja.
Druhe přidatki
- OneTab: Hdyžkuli měniće, zo maće přewjele rajtarkow, klikńće na symbol OneTab, zo byšće wšě z wašich rajtarkow do lisćiny konwertował. Hdyž zaso přistup na rajtarki trjebaće, móžeće je pak po jednym pak wšě naraz wobnowić.
- Tree Style Tab: Tutón přidatk skići rajtarkowu bóčnicu w podobje štoma, kaž je rjadowakowy štom we Windows Explorer. Nowe rajtarki, kotrež so z wotkazow wočinjeja, so awtomatisce aktualnemu rajtarkej přidawaja.
- Wobhladajće sej dalše móžnosće na websydle přidatkow.
Přidatk Tab Groups/Tabgruppen
Jeli chceće direktny narunanje za funkciju rajtarkowych skupinow, wupruwujće přidatk Tab Groups/Tabgruppen. Je so direktnje ze žórłoweho koda Firefox wutworił a funguje kaž tuchwilna funkcija. Budźe so wam zdać, kaž njeby funkcija z Firefox wotstroniła. Tutón přidatk chce rajtarkowe skupiny w Firefox dopołnje narunać, skići podobne a nadźijomnje samo polěpšene dožiwjenje.
- Móžeće přidatk Tabgruppen wot websydła přidatkow Mozilla instalować.
Hdyž přidatk je so instalował, móžeće stare rajtarkowe skupiny ze zawěsćenskeje dataje importować, kotraž je so składowała, hdyž sće na Firefox 45 zaktualizował:
- Wočińće napohlad přidatka Tab Groups/Tabgruppen z pomocu tłóčatka na symbolowej lajsće abo z tastowej skrótšenku Strg + ⇧ + E.
- Klikńće na symbol zubateho koleska horjeka naprawo w napohledźe přidatka Tab Groups/Tabgruppen, zo byšće stronu nastajenjow wočinił.
- Wubjerće Backup / Restore (Zawěsćić / Wobnowić) z bóčnicy strony nastajenjow.
- Klikńće na tłóčatko (Migraciske zawěsćenje začitać).
- Klikńće skónčnje na (Wubrane elementy do tutoho wokna importować) a waše stare rajtarkowe skupiny so importuja.
Móžeće nětko rajtarkowe skupiny dale wužiwać, kaž njeby so funkcija Firefox wotstroniła.
Druhe přidatki
- Simplified Tab Groups: Přidatk Firefox, kotryž podobne funkcije za rajtarkowe skupiny poskića, ale z druhim wužiwarskim powjerchom.
- OneTab: Hdyžkuli měniće, zo maće přewjele rajtarkow, klikńće na symbol OneTab, zo byšće wšě z wašich rajtarkow do lisćiny konwertował. Hdyž zaso přistup na rajtarki trjebaće, móžeće je pak po jednym pak wšě naraz wobnowić.
- Tree Style Tab: Tutón přidatk skići rajtarkowu bóčnicu w podobje štoma, kaž je rjadowakowy štom we Windows Explorer. Nowe rajtarki, kotrež so z wotkazow wočinjeja, so awtomatisce aktualnemu rajtarkej přidawaja.
- Wobhladajće sej dalše móžnosće na websydle přidatkow.
Zapołožki za rjadowanje rajtarkow wužiwać
Maće přewjele wočinjenych rajtarkow? Móžeće dwaj jednorej přikazaj za zapołožki wužiwać, zo byšće wšitko organizował.
- Wšě rajtarki jako zapołožki składować
- Jeli maće wokno z rajtarkami, kotrež chceće na pozdźišo składować:
- Klikńće z prawej tastu myškiDźeržće tastu ctrl stłóčenu, mjeztym zo klikaće na rajtark a wubjerće .
- Podajće we wočinjacym so woknje swój rjadowak zapołožkow a wubjerće, hdźež maja so składować (meni zapołožkow abo lajsta zapołožkow stej dobrej wuběraj).
- Wšě w rajtarkach wočinić
- Hdyž chceće skupinu rajtarkow wočinić, kotrež sće jako zapołožki składował:
- Podajće rjadowak zapołožkow, kotrež sće składował.
- Klikńće na rjadowak, zo byšće lisćinu zapołožkow pokazał. Wubjerće nastajenje deleka w lisćinje.
