Funkcija „Rajtark pósłać“ (Send Tab) wam zmóžnja, strony wot wašeho ličaka do druhich gratow (na přikład iPhone, iPad abo grat Android) pósłać.

Rajtarki wot wašeho ličaka pósłać

1. Přizjewće so najprjedy pola konta Firefox na swojim ličaku. Jeli hišće konto nimaće, móžeće konto Firefox załožić. Dóstanjeće spěšny přistup k synchronizowanym rajtarkam, składowanym hesłam a wjace!
2. Přizjewće so pola swojeho konta Firefox na swojim druhim graće.
3. Klikńće z prawej tastu myškiDźeržće tastu control stłóčenu a klikńće na rajtark na swojim ličaku, wubjerće Rajtark na grat pósłać, a wubjerće grat, na kotryž so ma rajtark pósłać.

Grat podaty njeje

Móžeće rajtarki na graty pósłać, kotrež sće Firefox Accounts přidał. Jeli žadyn grat njewidźiće, přewjedźće slědowace kroki, zo byšće tón grat přidał:

1. Wočińće Firefox na graće, z kotrymž chceće zwjazać.
2. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił.
3. Wubjerće Pola Sync přizjewić abo Pola Firefox přizjewić (we wotwisnosći wot grata abo wersije Firefox).
4. Slědujće namołwam, zo byšće so přizjewił abo swoje konto załožił.

Firefox Accounts budźe waše graty synchronizować a lisćinje přidać.

Kak móžu stare graty z lisćiny gratow fubkcije „Rajtark pósłać“ wotstronić?

W běhu časa je móžno, zo lisćina gratow funkcije „Rajtark pósłać“ graty hišće wobsahuje, kotrež hižo njewužiwaće.

Zo byšće swoju lisćinu gratow funkcije „Rajtark pósłać“ zrumował:

1. Přeswědčće so, zo sće pola swojeho konta Firefox přizjewjeny a wopytajće https://accounts.firefox.com/settings.
2. Klikńće pod Zwjazane słužby na Wotzjewić za graty, kotrež chceće wot konta Firefox dźělić.

Hlejće Graty z Firefox Accounts rjadować za dalše informacije.