Wočinjene rajtarki we Firefox pytać

Firefox wam zmóžnja, wěsty rajtark namakać, hdyž sće wjele rajtarkow wočinił:

1. Klikńće na tłóčatko Wšě rajtarki nalistować na kóncu rajtarkoweje lajsty.

   

   Kedźbu: Jeli wertikalne rajtarki su zmóžnjene, klikńće na tłóčatko Wšě rajtarki nalistować w symbolowej lajsće.

2. Klikńće na Rajtarki pytać w meniju, kotryž so wočinja.

   

Móžeće tež wěste rajtarki z pomocu adresoweho pola pytać. Zapodajće % před abo za swojim pytanskim wurazom, zo byšće wuslědki na jenož wočinjene rajtarki wobmjezował.

Přikłady:

Wuchadźa, hdyž % před pytanskim wurazom pisaće:

Wuchadźa, hdyž % za pytanskim wurazom pisaće:

Čitajće nastawk namjety awtomatiskeho wudospołnjenja adresoweho pola za dalše móžnosće, kotrež su w adresowym polu k dispoziciji.