Pśizjawśo se pla Firefox Accounts, aby swóje cytańske znamjenja, historiju, pśizjawjenja a wócynjone rejtariki mjazy rědami synchronizěrował.

Pla Firefox Accounts pśizjawiś

Móžnosć 1: Zwěžćo swój mobilny wobglědowak z desktopowym Firefox

Aby swóje cytańske znamjenja, historiju, pśizjawjenja a wócynjone rejtariki z Firefox Sync z pomocu eksistěrujucego konta Firefox a QR-koda synchronizěrował:

1. Pótusniśo menijowy tłocašk.

2. Pótusniśo Nastajenja.
3. Pótusniśo Pśizjawiś.
4. Pótusniśo Zwězowański kod w desktopwem Firefox skannowaś.
5. Mějśo pśistup k firefox.com/pair na swójom desktopje.
6. Pótusniśo Kamera wócyniś dołojce na wobrazowce Sync zmóžniś w nałoženju Firefox Preview.
7. Wusměŕśo kameru swójogo rěda na QR-kod na swójom desktopje.

Móžnosć 2: Z pśizjawjeńskimi datami pśizjawiś

Pśizjawśo se jadnorje pla swójogo eksistěrujucego konta, aby swóje cytańske znamjenja, historiju, pśizjawjenja a wócynjone rejtariki z Firefox Sync synchronizěrował:

1. Pótusniśo menijowy tłocašk.

2. Pótusniśo Nastajenja.
3. Pótusniśo Pśizjawiś.
4. Zapódajśo swóje pśizjawjeńske daty konta Firefox.

Jolic eksistěrujuce konto Firefox njamaśo, pótusniśo Konto załožyś, aby konto załožył. Za dalšne informacije glejśo Access Mozilla Services with a Firefox Account.

Wubraś, což ma se synchronizěrowaś

1. Pótusniśo menijowy tłocašk.

2. Pótusniśo Nastajenja.
3. Pótusniśo swóju e-mailowu adresu.
4. Stajśo kokulku do kašćika pódla informacijow, kótarež cośo synchronizěrowaś:
   • Cytańske znamjenja
   • Historija
   • Pśizjawjenja
   • Wócynjone rejtariki