Posledni raz zaktualizowany:
Wjedźće priwatne přehladowanje do přichodneje runiny. Firefox Klar je dedikowany wobhladowak z priwatnosću ze slědowanskim škitom a blokowanjom wobsaha. Móžeće Firefox Klar jako samostatny wobhladowak wužiwać, abo jako blokowak wobsaha za Safari na podpěranych gratach iPhone, iPad a iPod touch.
Zapis wobsaha
Firefox Klar instalować
Firefox Klar je w App Store darmo k dispoziciji. Hdyž sćehnjenje je so dokónčiło, hladajće za symbolom na swojej startowej wobrazowce.
Firefox Klar jako wobhladowak wužiwać
Wužiwajće Firefox Klar jako wobhladowak, kotryž je za wašu priwatnosć a wěstotu mysleny. Zhašejće lochko swoju přehladowansku historiju, hesła, zapołožki a placki a zadźěwajće tomu, zo njewitane wabjenje wam slěduje.
Startujće Firefox Klar, hdyžkuli chceće priwatne dožiwjenje bjez přesćěhowakow. Firefox Klar da so lochko wužiwać. Zapodajće prosće swój pytanski wuraz abo adresu websydła do pola.
Zo byšće sej stronu w normalnym Firefox, w swojim standardnym wobhladowaku wobhladał, abo zo byšće jón z druhim nałoženjom dźělił, podótkńće so menijoweho tłóčatka deleka naprawo a wubjerće přihódne nastajenje, , abo .
Zo byšće wšě informacije wo swojim posedźenju kóždy raz zhašał, podótkńće so hašenskeho symbola w symbolowej lajsće.
Firefox Klar ze Safari wužiwać
Wužiwajće škit přećiwo wabjenju, socialnym přesćěhowakam, přeśćěhowakam wobsaha abo analyzowanskim přesćěhowakam, bjeztoho zo byšće Safari wopušćił. Přewjedźće tutej krokaj, zo byšće Firefox Klar za Safari zmóžnił:
Krok jedyn: Safari dowolić, wobsahowe blokowaki wužiwać (trjebaće to jenož jedyn raz činić
- Wočińće nałoženje Nastajenja w swojim iPhone abo iPad.
- Kulće dele do a podótkńće so jeho.
- Podótkńće so Rozšěrjenja we wotrězku Powšitkowny.
- Stajće hóčku podla Firefox Klar pod Tute wobsahowe blokowaki dowolić. Jeli zmóžnjene njeje, podótkńće so jeho .
- Začińće nałoženje Nastajenja.
Krok dwaj: Firefox Klar za Safari zmóžnić
- Wočińće Firefox Klar.
- Podótkńće so menijoweho tłóčatka horjeka naprawo.
- Podótkńće so .
- Podótkńće so pódla Safari pod Safari Integration, zo byšće jón zmóžnił .
- Optimujće nastajenja priwatnosće, zo byšće je swojim potrěbnosćam přiměrił.
- Začińće Firefox Klar.
Sće nětko hotowy, zo byšće ze Safari ze škitom Firefox Klar přehladował!
Škitne nastajenja wašeho Firefox Klar přiměrić
Přiměrće runinu blokowanja wobsaha a slědowanskeho škita, kotruž trjebaće.
- Wočińće Firefox Klar.
- Podótkńće so menijoweho tłóčatka.
- Podótkńće so .
- Podótkńće so pod Priwatnosć.
- Podótkńće so suwaka pódla , zo byšće jón zmóžnił abo znjemóžnił.
- Podótkńće so suwaka pódla kóždeje funkcije, zo byšće ju zmóžnił abo znjemóžnił.
- Anonymne wužiwanske daty pósłać: Wužiwamy powšitkowne wužiwanske daty, zo bychmy sej pomhali, Firefox Klar polěpšić. Móžeće to kóždy čas wopokazać.
- Podótkńće so tłóčatka Wróćo abo začińće Firefox Klar. Firefox Klar budźe waše změny awtomatisce składować.
Kak Firefox Klar funguje?
Priwatnosć
Firefox Klar wam zmóžnja, znate přesćěhowaki websydłow slědowacych kategorijow blokować a skići wam tak přidatnu priwatnosć:
- Wabjenje, analyzowe daty a socialne přesćěhowaki.
- Druhe přesćěhowaki wobsaha – tuta kategorija zasadźene wideja, fotogalerije a zasadźenja w nowinskich nastawkach, kotrež móhli wam slědować, wobsahuje. Hdyž druhe přesćěhowaki wobsaha blokujeće, snano wjele websydłow hižo korektnje njefunguje.
Wukon
Firefox Klar začitowanje někotrych dźělow webstronow blokuje. Hdyž mjenje sćahuja, webstrony husto z Firefox Klar husćišo začituja. Wužiwanje mobilnych datow móže tež niše być.
- Webpisma – pisma, kotrež so ze serwera sćahuja (móže webstrony spomałšić). Webpisma su pisma, kotrež so wužiwaja, zo bychu tekst na wěstych webstronach wuhotowili. Hdyž webpisma blokujeće, so napohlad teksta na stronach změni, hdźež so webpisma wužiwaja, ale tekst hišće čitajomny wostanje.
