Wozjewjenje z přimjenom Firefox Daylight wam najnowšu wersiju Firefox za Android přinjese, dospołnje předeźěłane wobhladowak, kotryž je spěšniši, lochko wužiwajomny, přiměrjomny a priwatny. Tutón nastawk rjad hustych prašenjow wobjednawa, kotrež snano nastupajo aktualizaciju nay Firefox za Android maće.
Dźěłamy ćežko, zo bychmy kóždu wersiju polěpšili. Namakaće tu dospołnu lisćinu polěpšenjow, na kotrychž dźěłamy. Prosymy naležnje wo wašu sćerpliwosć, dokelž ćežko dźěłamy, zo bychmy Firefox za Android wjace polěpšili.
Zapis wobsaha
- 1 Što je zaktualizowany Firefox za Android? Što je lěpše a hinak na starši Firefox for Android?
- 2 Kak móžu aktualizować?
- 3 Što so za aktualizaciju stawa?
- 4 Što dóstanu po aktualizaciji?
- 5 Někotre funkcije su w nowym wobhladowaku hinaše/faluja. Přidawaja so?
- 6 Móžu so po aktualizaciji k staremu wobhladowakej Firefox za Android wróćić?
- 7 Što budźe, hdyž chceće staršu wersiju dale wužiwać?
- 8 Kak dóstanu najnowše wersije Firefox po aktualizaciji?
Što je zaktualizowany Firefox za Android? Što je lěpše a hinak na starši Firefox for Android?
zaktualizowany Firefox nowe funkcije kaž na přikład polěpšeny slědowanski škit, zběrki a přiměrjenske nastajenja kaž ćmowy modus a móžnosć, symbolowu lajstu na wašej wobrazowće horje abo dele přesunyć. Jeho nowa architektura, kodowa baza, mašina GeckoView a komponenty Android wam lěpši wukon, nastajenja za sylnišu priwatnosć a funkcije skića, kotrež nam zmóžnjeja, was ze spěšnymi polěpšenjemi zastarać.
Kak móžu aktualizować?
Jeli slědowacym žadanjam wotpowědujeće, dóstanjeće awtomatisku aktualizaciju - njetrjebaće ničo činić:
- Awtomatiske aktualizacije nałoženjow su za Firefox za Android zmóžnjene
- Wužiwaće Android 5+
- Wužiwaće Firefox za Android 59 a nowše
Jeli staršu wersiju Firefox za Android (59 abo starše) wužiwaće, njedóstanjeće aktualizaciju. Jeli staršu wersiju Android wužiwaće, poručamy, waš dźěłowy system aktualizować abo grat kupić, kotryž nowši dźěłowy system Android podpěruje, zo byšće móhł nowy wobhladowak wužiwać.
Što so za aktualizaciju stawa?
Časowy wotrězk
Jeli žadanjam wotpowědujeće (Android 5+ a Firefox za Android 59+), přestajenje wot testoweje wersije Firefox za Android Nightly do Firefox je na spočatku 2020 započało. Betawersija Firefox za Android a powšitkowne přestajenja wersijow a kóčne přestajenje so wot julija a awgusta 2020 wozjewjeja.
Jeli staršu wersiju Firefox za Android (starše hač wersiju 59) wužiwaće, njepřestajeće so dospołnje. Starše wersije (starše hač Android 5) so docyła njepřestajeja.
Elementy, kotrež so přestajeja
- Wočinjene rajtarki
- Historija
- Zapołožki
- Konto Firefox (waše přizjewjenjeso do noweho wobhladowaka přećahnje)
- Placki a dźělny pufrowak wobhladowaka
- Wažne sydła
- Přizjewjenja (jenož, jeli sće swoje hłowne hesło znjemóžnił. Zo byšće swoje hłowne hesło wotstronił, čitajće tutón nastawk)
- Podpěrane přidatki (kedźbu: tuchwilu so jenož wobmjezowana ličba doporučenych rozšěrjenjow podpěruja. Tež su přidatki po standardźe w priwatnym modusu znjemóžnjene, ale móžeće je zmóžnić, hdyž tute instrukcije čitaće)
- Standardne pytawy. Swójske pytawy dyrbiće manuelnje konfigurować. (Dalše informacije)
Što dóstanu po aktualizaciji?
Nimo lěpšeho wukona a wěstoty, dóstanjeće někotre z woblubowanych funkcijow ze stareho Firefox za Android hromadźe z někotrymi čisće nowymi, kotrež su jenož w nowym Firefox k dispoziciji. Pokazka: Stawiznički Pocket budu hnydom po wašej aktualizaciji k dispoziciji.
Přez zaktualizowany krótši wozjewjenski cyklus móžeće nowe funkcije spěšnje a lóšo dóstać. Tele su nětko k dispoziciji (dalše su po puću):
- Firefox jako standardny wobhladowak na Android nastajić
- Polěpšeny slědowanski škit
- Zběrki
- Ćmowy modus a druhe nastajenja za přiměrjenje drastow
- Symbolowu lajstu na wašej wobrazowce horje abo dele přesunyć
Někotre funkcije su w nowym wobhladowaku hinaše/faluja. Přidawaja so?
Wozjewimy z kóždej hłownej wersiju nowe funkcije, předewšěm tajke, kotrež su woblubowane.
Móžu so po aktualizaciji k staremu wobhladowakej Firefox za Android wróćić?
Ně, hdyž sće na nowy wobhladowak zaktualizował, njemóžeće so k staršemu wobhladowakej wróćić. Poručamy na nowy wobhladowak aktualizować, dokelž stary wobhladowak hižo wot 2020 aktualizacije njedóstawa. Nowy wobhladowak ma krótši wozjewjenski cyklus, tohodla móžeće nowe polěpšenja husćišo dóstać. Jeli staršu wersiju Android (starša hač Android 5) wužiwaće, njemóžeće nowu aktualizaciju Firefox za Android sćahnyć.
Što budźe, hdyž chceće staršu wersiju dale wužiwać?
Jeli chceće staršu wersiju dale wužiwać, njedóstanjeće wěstotne aktualizacije, dalšu podpěru abo nowe funkcije.
Kak dóstanu najnowše wersije Firefox po aktualizaciji?
Namjetujemy, zo swój wobhladowak z přičinow wěstoty a polěpšenjow wukona aktualne dźeržiće. Hlejće Na najnowšu wersiju Firefox za Android aktualizować, zo byšće zhonił, kak móžeće aktualizować.
