Firefox za Android wam zmóžnja, standardnu pytawu přidać, wotstronić a změnić. Su wšelake pytawy, kotrež móžeće wubrać, na přikład Google a Bing. Móžeće tež druhe pytawy manuelnje přidać a jednu z nich jako standardnu pytawu nastajić.

Standardnu pytawu změnić

1. Podótkńće so menijoweho tłóčatka.

2. Podótkńće so Nastajenja (dyrbiće so snano najprjedy menija Wjace podótknyć) .
3. Wubjerće wotrězk Powšitkowne a podótkńće so Pytać.
4. Podótkńće so jednoho z opciskich tłóčatkow, zo byšće swoju standardnu pytawu wubrał.

Pytawu za jednotliwe pytanje změnić

1. Podótkńće so pytanskeho pola, zo byšće pytanje započał.

   

2. Podótkńće so Pytawa.
   Lisćina pytawow so zjewi.
3. Wubjerće pytawu, kotruž chceće za tute pytanje wužiwać.
   To wašu standardnu pytawu njezměni.

Pytanske nastajenja wobdźěłać

1. Podótkńće so menijoweho tłóčatka.

2. Podótkńće so Nastajenja.
3. Podótkńće so Pytać z wotrězka Powšitkowne.
4. Zmóžńće we wotrězku Adresowe polo jedne abo wjacore ze slědowacych nastajenjow:
   • Pytawy pokazać: Pokazuje waše pytawy, hdyž so adresoweho pola podótkaće a zmóžnja wam, druhu pytawu hač standardnu pytawu wužiwać.
   • Namjety z mjezyskłada pokazać: Jeli sće wotkaz jako poslednju wěc do mjezyskłada kopěrował, so nastajenje „Wotkaz z mjezyskłada zasadźić“ pokazuje, hdyž so adresoweho pola w nowym rajtarku podótkaće.
   • Přehladowansku historiju přepytać: Zapřijima tež přehladowansku historiju do pytanjow z adresoweho pola.
   • Zapołožki přepytać: Zapřijima zapołožki do pytanjow z adresoweho pola.
   • Pytanske namjety pokazać: Pokazuje pytanske namjety z wašeje standardneje pytawy, hdyž URL abo klučowe słowo do adresoweho pola zapodawaće.
   • W priwatnych posedźenjach pokazać: Pokazuje pytanske namjety, hdyž w priwatnych posedźenjach z adresoweho pola pytaće.

Pytawu přidać

1. Podótkńće so menijoweho tłóčatka.

2. Podótkńće so Nastajenja.
3. Podótkńće so Pytać we wotrězku Powšitkowne.
4. Podótkńće so Pytawu přidać.

   Lisćina dalšich předdefinowanych pytawow so pokaza.

5. Podótkńće so opciskeho tłóčatka Druhe, zo byšće pytawu přidał, kotraž hišće w předdefinowanej lisćinu njeje a čińće tole:
   • Zapodajće mjeno za pytawu do tekstoweho pola Mjeno.
   • Zapodajće pytanski wuraz (URL z parametrom) do tekstoweho pola Pytanski wuraz, kotryž so ma wužiwać.
6. Podótkńće so wobkrućenskeho tłóčatka horjeka naprawo na wobrazowce.

   Jeli pytanski wuraz je jako njepłaćiwy markěrowany, so zmylkowa zdźělenka pokaza, zo by wam pomhała, płaćiwy URL podać.

Prošu zawěsćće, zo so naprašowanski wuraz z “%s” wuměnja, na přikład:
https://www.google.com/search?q=%s
https://www.startpage.com/sp/search?q=%s
https://search.brave.com/search?q=%s
https://www.ecosia.org/search?q=%s

Jeli njewěsće, kotry pytanski wuraz dyrbiće za wěstu pytawu wužiwać, móžeće w nowym rajtarku jeje websydło wopytać, pytanje přewjesć a namakany URL jako referencu wužiwać. Jeli na přikład ecosia.org wopytujeće a za firefox pytaće, budźe namakany URL w adresowym polu https://www.ecosia.org/search?q=firefox. Pytanski wuraz dyrbi potom https://www.ecosia.org/search?q=%s być. Naprašowanje so z "%s" wuměnja.

Pytawa so předdefinowanej lisćinje pytawow w alfabetiskim porjedźe přidawa.

Pytawu wotstronić

1. Podótkńće so menijoweho tłóčatka.

2. Podótkńće so Nastajenja.
3. Podótkńće so Pytać we wotrězku Powšitkowne .
4. Podótkńće so třoch dypkow naprawo pódla pytawy.
5. Podótkńće so Zhašeć.

Pytawa so nětko hižo w lisćinje njepokazuje. Deleka na wobrazowce so wobkrućenje pokazuje. Móžeće so COFNYĆ podótknyć, jeli chceće pytawu zaso předdefinowanej lisćinje přidać. Tuta pytawa so tež nětko pod Pytawu přidać jewi, jeli chceće ju pozdźišo zaso přidać.