Konta Mozilla wam přistup k słužbam Mozilla na wšěch wašich gratach z jeničkim přizjawjenjom zmóžnjeja. Hdyž konto Mozilla z Firefox Sync wužiwaće, móžeće swoje zapołožki, hesła, wočinjene rajtarki a wjace direktnje na wšěch wašich gratach synchronizować. Zo byšće wjace wo tym zhonił, kak so waše daty rjaduja, hlejće prošu zdźělenku priwatnosće za konta Mozilla.

Kontowe daty sej wobhladać a aktualizować

Zo byšće daty swojeho konta Mozilla rjadował:

1. Wopytajće https://accounts.firefox.com/settings/, zo byšće so pola wašeho konta Mozilla přizjewił.
2. Na wašej stronje kontowych nastajenjow móžeće sej swoje wosobinske informacije wobhladać a aktualizować, na přikład swój profilowy wobraz, swoje pokazowanske mjeno, swoju e-mejlowu adresu a swoje hesło. Zo byšće změny přewjedł, klikńće prosće na tłóčatko Změnić pódla pola, kotrež chceće wobdźěłać.

   

Nastajenja za dźělenje datow aktualizować

Mozilla je zwajazany, wašu priwatnosć škitać. Jako dźěl tutoho zawjazka, móžeće daty kontrolować, kotrež z Mozilla přez swoje kontowe nastajenja dźěliće. Tak móžeće swoje nastajenja za dźělenje datow aktualizować:

1. Kulće dele k wotrězkej Hromadźenje a wužiwanje datow na stronje wašich kontowych nastajenjow.
2. Zmóžńće abo znjemóžńce nastajenja za dźělenje datow na zakładźe wašich preferencow.

   

Zdźělenka priwatnosće za konta Mozilla

Chcemy tež zawěsćić, zo sće dospołnje wo tym informowany, kak so waše daty rjaduja. Zdźělenka priwatnosće za konta Mozilla podrobne informacije wo našich datowych praktikach skići. Wopytajće zdźělenku priwatnosće abo wuslědźće móžnosće, kotrež su na swojej stronje kontowych nastajenjow k dispoziciji, zo byšće wjace wo rjadowanju swojich datow zhonił.

HSP

Kotre daty so z mojeho konta hromadźa?

Trěbne informacije:

• E-mejlowa adresa
• Hesło
• Staroba

Opcionalne informacije:

• Profilowy wobraz
• Pokazowanske mjeno
• Sekundarna e-mejlowa adresa
• Nastajenja dwukročeloweje awtentifikacije

Kak móžu swoje kontowe daty zhašeć?

Jeli chceće swoje konto zhašeć, klikńće na tłóčatko Konto zhašeć deleka na wašej stronje kontowych nastajenjow. Za podrobne instrukcije hlejće How do I delete my Mozilla account?

Kak dołho so moje kontowe daty składuja?

Wobchowujemy waše kontowe daty, dołhož waše konto aktiwne wostawa.