Waša organizacija abo internetny słužbowy poskićowar móže poskićić abo žadać, zo proksy wužiwaće. Proksy jako posrědnik mjez wašim ličakom a internetom funguje. Wotpopaduje wšě naprašowanja na internet, zo byšće widźał, hač móže naprašowanje z pomocu pufrowaka spjelnić. Proksy so wužiwa, zo by wukon polěpšił, naprašowanja filtrował a waš ličak před internetom schował, zo by so wěstota polěpšiła. Proksy je husto dźěl firmowych wohnjowych murjow.

Zwiskowe nastajenja, kotrež maja proksy wužiwać, dadźa so w Firefox NastajenjaNastajenjaNastajenja takle nastajić:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Přeńdźće k wotrězkej Syćowe nastajenja we woknje Powšitkowny.
3. Klikńće na Nastajenja…. Dialog Zwiskowe nastajenja so wočini.

   

• Žadyn proksy: Wubjerće to, jeli nochceće proksy wužiwać.
• Nastajenja proksy za tutu syć awtomatisce wotkryć: Wubjerće to, jeli chceće, zo Firefox ma proksyjowe nastajenja za wašu syć awtomatisce wotkryć.
• Systemowe nastajenja proksy wužiwać: Wužiwajće to, jeli chceće proksyjowe nastajenja wužiwać, kotrež su skonfigurowane za waš dźěłowy system.
• Manuelna konfiguracija proksy: Wubjerće to, jeli maće lisćinu proksyjowych serwerow. Prašejće so swojeho systemoweho administratora za konfiguraciske informacije. Kóždy proksy sej hostmjeno a portowe čisło wužaduje.
  • Jeli so samsne proksyjowe mjeno a portowe čisło za wšě protokole wužiwatej, markěrujće Tež tutón proksy za HTTPS wužiwać.
• URL awtomatiskeje konfiguracije: Wubjerće to, jeli maće dataju za proksyjowu konfiguraciju (.pac). Zapodajće URL a klikńće na W porjadku, zo byšće změny składował a proksijowu konfiguraciju začitał. Šemy file: a data: dadźa so tež tu wužiwać (na př.) file:///c:/proxy.pac abo data:,function FindProxyForURL(){return "HTTPS example.com:3443";}).
  • Znowa: Tłóčatko Znowa proksiju konfiguraciju začita, kotraž je tuchwilu k dispoziciji.
• Žadyn proksy za: Lisćina hostmjenow abo IP-adresow, kotrež proksy njewužiwaja. Wužiwajće <local>, zo byšće proksy za wšě hostmjena wobešoł, kotrež dypki njewobsahuja.

Podobny wobsah

Zo byšće zwiskowe nastajenja DNS přez HTTPs (DoH) konfigurował, hlejće Škitne schodźenki DNS přez HTTPS w Firefox konfigurować.