DNS over HTTPS (DoH) je doporučena funkcija, kotraž priwatnosć za kóždeho polěpšuje. Hdyž webadresu do wašeho adresoweho pola zapodawaće, Firefox wěste naprašowanje DNS sćele, zo by IP-adresu za tute websydło přez internet wopytał. Škit DNS přez HTTPS da so na štyri wašnja konfigurować.

Škitne nastajenja DoH konfigurować

Standardny škit so w Firefox awtomatisce zmóžnja, hdyž so DNS přez HTTPS (DoH) aktiwizuje. Jeli chceće nastajenja změnić abi druhi škitny schodźenk wubrać, přewjedźće slědowace kroki:

1. Klikńće na menijowe tłóčatko horjeka naprawo na wobrazowce.
2. Klikńće na Nastajenja.
3. Klikńće na Priwatnosć a wěstota nalěwo.
4. Kulće dele k wotrězkej DNS přez HTTPS.

Škitne schodźenki wujasnjene

Standardny schodźenk

Standardny škit awtomatisce wěsty DNS w regionach zmóžnja, hdźež to je k dispoziciji a pada na standardne resolwery wróćo, jeli su problemy. Standardny škit wam zmóžnja, lokalnych poskićowarjow wužiwać, jeli móžno. Znjemóžnja DoH, hdyž VPN, staršiska kontrola abo předewzaćelske prawidła su aktiwne abo hdyž syć Firefox zdźěla, zo nima wěsty DNS wužiwać.

Powyšeny škit

Hdyž powyšeny škit je zmóžnjeny, je DoH stajnje z poskićowarjom aktiwny, kotrehož wuběraće. Přeńdźemy jenož k zawěsćenskemu nastajenju, jeli su porblemy z wašim wubranym poskićowarjom.

Maksimalny škit

Maksimalny škit přeco wěsty DNS wužiwa a wěstotne warnowanje pokaza, hač njemóžemy z resolwerom wěsteho DNS zwjazować, abo hač resolwer wěsteho DNS tam podawa, zo adresy za domenu njejsu, ke kotrymž chceće přistup dóstał. Warnowanska strona wam móžnosć dawa, wuwzaće za tu domenu přidać, jeli chceće systemowy resolwer DNS wužiwać.

Wupinjeny

Hdyž wěsty DNS je znjemóžnjeny, budźeće swój standardny resolwer DNS wužiwać.

Lisćinje wuwzaćow sydła přidać

1. Klikńće na menijowe tłóčatko horjeka naprawo na wobrazowce.
2. Klikńće na Nastajenja.
3. Klikńće nalěwo na Priwatnosć a wěstota.
4. Kulće dele k wotrězkej DNS přez HTTPS.
5. Klikńće na tłóčatko Wuwzaća rjadować….

Husto stajene prašenja

Što je lokalny poskićowar?

Lokalny poskićowar, w normalnym padźe w lokalnej syći wužiwarja abo pola jeho internetneho słužbneho poskićowarja (ISP) naprašowanja DNS za wěsćiši internetny přistup zawěsćuje. Zo by so lokalny poskićowar namakał, so wěste heuristiki wužiwaja, kotrež syćowu konfiguraciju a wotmołwne mustry DNS přepytuje. Dźiwajće na to, zo so lokalni poskićowarjo jenož w modusu Standardny škit nastajenjow DNS wužiwaja. Wužiwaja so jenož, hdyž su wšě heuristiske kriterije spjelnjene, štož zaručuje, zo resolwer DNS je lokalny a přihódny za wěste, eficientne naprašowanske rozpušćenja.

Čehodla by syć Firefox zdźěliła, zo nima wěsty DNS wužiwać?

Někotre organizacije přistup k wěstym websydłam wobmjezuja. Jeli organizacija ma swójski wěsty DNS, budźe Firefox prosyć, zo njeby so jemu wuhibał.

Za přidatne informacije wo DNS přez HTTPS móžeće někotre husto stajene prašenja (HSP) čitać.

Što mój status DoH woznamjenja?

Status DoH pokazuje, hač Firefox wěste naprašowanja DNS wuwjedźe. Na zakładźe škitneho schodźenka, kotryž wuběraće, statusowy indikator pak aktiwny, pak njeaktiwny, pak wupinjeny wotbłyšćuje.

• Aktiwny: Hdyž status je aktiwny, Firefox wěsće naprašowanja DNS sćele, zo by zaručił, zo so waše aktiwity online škitaja.
• Njeaktiwny: Firefox zmylki abo wěste syćowe wuměnjenja kaž VPN, staršiske kontrole, předewzaćelske směrnicy namaka, kotrež Firefox zdźěleja, zo nima DoH wužiwać.
• Wupinjeny: DoH je znjemóžnjeny.

Čehodla so wěsty status DNS jako aktiwny njepokazuje?

Jeli sće wěsty DNS zmóžnił a status je „Njeaktiwny“, su časte přičiny:

• Firefox njemóže z poskićowarjom zwjazać.
• Zwisk z poskićowarjom dlěje traješe hač wočakowany.
• Njejsće z internetom zwjazany.
• Je problem z poskićowarjom nastał.
• Wobhladowak je za Standardny škit skonfigurowany, ale syć je Firefox signalizował, zo nima DNS přez HTTPS zmóžnić (wo podrobnosćach hlejće Što su heuristiki DoH?)