Awtomatiske konwertěrowanje kontow Google mail do awtentifikacije OAuth 2.0

Thunderbird 91.8.0, wózjawjony 5. apryla 2022, awtentifikacisku metodu Gmail-kontow do OAuth 2.0 konwertěrujo, aby wužywarjam pomagał, aby pominanjeju Google za OAuth 2.0 za pśizjawjenja Gmail wótpowědowali. Toś te změny Google pomina.

Kak dajo se OAuth-njeraźenje wobinuś abo pórěźiś, kótarež jo se zawinowało pśez wótpokazane cookieje

Pśeglědajśo nejpjerwjej swóje powšykne nastajenje za cookieje w Thunderbird:

• Źiśo do ≡ > Nastajenja > Priwatnosć a wěstota > Webwopśimjeśe.
• Pytajśo za kontrolnym kašćikom Cookieje ze sedłow akceptěrowaś.

Jolic nastajenje Cookieje ze sedłow akceptěrowaś njejo zmóžnjone, pśewjeźćo jaden ze slědujucych kšacow a pśejźćo pśizjawjeński proces OAuth znowego:

• Napórajśo wuwześe, aby cookieje wót Google akceptěrował:
  • Klikniśo pódla tłocaška Wuwześa…, aby dialog Wuwześa - Cookieje wócynił.
  • Zapódajśo https://accounts.google.com do zapódawańskego póla Adresa websedła.
  • Wubjeŕśo Dowóliś a pón Změny składowaś.
• Abo akceptěrujśo wšykne cookieje:
  • Stajśo kokulku pśed Cookieje ze sedłow akceptěrowaś.

Za tym až sćo pśejšeł OAuth-proces, móžośo, jolic cośo, cookieje zasej wótpokazaś, dokulaž dostawanje a słanje mejlkow z wótpokazanymi cookiejami funkcioněrujotej. Ale, gaž wšykne cookieje wótpokazujośo a wuwześe wótwónoźujośo, ma to njelěpšynu, až, gaž OAuth-token za Gmail-proces spadnjo, se OAuth-dialog pokažo a se zasej njeraźijo, daniž trěbne cookieje njeakceptěrujośo.

Za wěcej drobnostkow wó cookiejach, glejśo nastawk Privacy panel - Remote content and cookie settings in Thunderbird.

Kak móžośo se njeraźenja OAuth wobinuś abo jo pórěźiś, kótarež se pśez znjemóžnjony JavaScript zawinujo

• Źiśo k ≡ > Nastajenja > Powšykne > Konfiguraciski editor….
• Zapódajśo slědujucy tekst do pytańskego póla Mě nastajenja pytaś: javascript.allow.mailnews.
  • Jolic smužku pytańskego wuslědka z gódnotu javascript.allow.mailnews wiźiśo, kótaruž false wopśimujo, musyśo gódnotu do true změniś - klikniśo na tłocašk Pśešaltowaś napšawo.
  • Jolic smužku z javascript.allow.mailnews wiźiśo, kótaraž gódnotu true abo tłocašk + na kóńcu smužki wopśimujo, njetrjebaśo nic změniś.

Pśeglědowaś, lěc pšawe awtentifikaciske tokeny su se składli

• Źiśo k ≡ > Nastajenja > Priwatnosć a wěstota > Gronidła > Skłaźone gronidła.
  • Jolic kontowa awtentifikacija jo se stajiła na OAuth2 a OAuth-pśizjawjenje jo było wuspěšne, měł wy zapiski za kužde wužywaŕske mě (Gmail-konto) w slědujucej formje wiźeś

oauth://accounts.google.com (https://mail.google.com/ …)

Glědajśo: Oauth-zapisk jo awtentifikaciski token OAuth2, a nic gronidło.

• Jolic kontowa awtentifikacija jo se stajiła na OAuth2 a OAuth-pśizjawjenje njejo było wuspěšne, pśeglědujśo swóje gronidłowe zapiski za póbitowarjow ze slědujuceju formu a lašujśo je:

imap://imap.gmail.com (imap://imap.gmail.com)

smtp://smtp.gmail.com (smtp://smtp.gmail.com)

Jolic hyšći problemy maśo, móžośo w pomocy Thunderbird pšašanje stajiś.