Rejtarikowe nastajenja

Toś ten nastawk NastajenjaNastajenjaNastajenja Firefox nastupajucy źěło z rejtarikami wopisujo.

Aby rejtarikowe nastajenja pśeglědował abo změnił:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Wubjeŕśo wokno Powšykne a źiśo k wótrězkoju Rejtariki.

• Strg+Tab rejtariki pó tuchylu póstajonem pórěźe: Wubjeŕśo toś to nastajenjenastajenje, jolic cośo tastowu skrotconku Strg + Tabcontrol + tab wužywaś, aby wócynjone rejtariki w tom pórěźe pśejś, ako sćo se je woglědał, a nic w pórěźe, ako se we woknje Firefox pokazuju. To jo standardne nastajenje w nowych profilach Firefox.
  Glědajśo: Jolic cośo Strg + Tabcontrol + tab wužywaś, aby k rejtarikoju pódla aktualnego pśejšeł a Strg + ⇧ + Tabcontrol + ⇧ + tab, aby k pjerwjejšnemu rejtarikoju pśejšeł, znjemóžniśo toś to nastajenje (wótwónoźćo kokulku z kontrolnego kašćika).

• Wótkaze w rejtarikach město nowych woknow wócyniś: Toś to nastajenjenastajenje wóźi, lěc wótkaze z drugich nałoženjow abo z webbokow, kótarež kśě se w nowych woknach wócyniś, se w nowem woknje abo w nowem rejtariku w nejnowšem woknje wócynjaju.
  Glědajśo: Jolic sćo rozsuźił, boki w nowych rejtarikach wócyniś, buźo Firefox toś to nastajenjenastajenje ignorěrowaś a wócynijo nowe wokno z wótkaza, jolic awtor boka pódajo, až nowe wokno měło wěstu wjelikosć měś, dokulaž někotare boki daju se jano z wěsteju wjelikosću zwobrazniś.

• (Jolic nałožujobne) Warnowaś, gaž se někotare rejtariki zacynjaju: Toś to nastajenjenastajenje se jano pokazujo, jolic sćo znjemóžnił warnowański dialog, kótaryž Firefox pokazujo, aby waš rozsud za zacynjanje někotarych rejtarikow (glejśo dołojce) wobkšuśił. Zmóžniśo toś to nastajenjenastajenje, aby warnowanje zasej zmóžnił, aby se wobinuł, až mimo wóle cełe wokno zacynjaśo, lěcrownož jano cośo aktualny rejtarik zacyniś.

• (Jolic nałožujobne) Warnowaś, gaž mógło wócynjanje někotarych rejtarikow Firefox spómałšyś: Toś to nastajenjenastajenje se jano pokazujo, jolic sćo znjemóžnił warnowański dialog, kótaryž Firefox pokazujo, aby waš rozsud za wócynjanje někotarych rejtarikow naraz wobkšuśił (glejśo dołojce). Zmóžniśo toś to nastajenjenastajenje, aby warnowanje zasej zmožnił, aby se wobinuł, až se Firefox mimo wóle spómałšujo, mjaztym až wjele rejtarikow zacytujo.

• Ned na wótkaz pśešaltowaś, kótaryž jo se w nowem rejtariku wócynił: Gaž kliknjośo ze srjejźneju tastu myški na webwótkaz (abo źaržyśo tastu Strgcmd ⌘ tłoconu, mjaztym až kliknjośo z lěweju tastu myški), buźo se bok w nowem rejtariku wócynjaś. Toś ten bok njebuźo se pokazowaś a buźo se w slězynowem rejtariku zacytowaś. Zmóžniśo toś to nastajenjenastajenje, aby bok město togo w prědkowem rejtariku zacytał a zwobraznił.