Firefox móžo wšykne wokna a rejtariki wótnowis, kótarež su wócynjone byli, gaž Firefox jo se napśisko zacynił abo skóńcył. Toś ten nastawk wopisujo wobstojnosći, pód kótarymiž Firefox wótnowja waše pjerwjejšne pósejźenje a kak móžośo to konfigurěrowaś.

Gaž pósejźeńske wótnowjenje se wótměwa

Gaž wuběraśo „Pjerwjejšne pósejźenje wótnowiś“ w meniju Firefox

Tak dostanjośo swóje rejtariki a wokna z pomocu menija Firefox z pjerwjejšnego pósejźenja slědk:

1. Klikniśo na menijowy tłocašk Wobraz "Fx57menu" njeeksistěrujo. napšawo w symbolowej rědce.
2. Klikmiśo na Historija a wubjeŕśo pón Pjerwjejšne pósejźenje wótnowiś.

   

Pó aktualizaciji Firefox

Aby aktualizacije na Firefox nałožował, kótarež su se ześěgnuli, musyśo Firefox znowego startowáś. Aby znowego startował, klikniśo na Za aktualizaciju Firefox znowego startowaś.

Pó znowegostartowanju Firefox w modusu za rozwězowanje problemow

Gaž znowego w modusu za rozwězowanje problemow startujośo, aby problemy Firefox diagnosticěrował, se waše rejtariki a wokno znowego wócynjaju.

Po wowalenju

Njewócakowanych problemow dla, ako na pśikład problemy z websedłom, softwarowymi zmólkami abo napśiskim wupadom miliny, móžo se Firefox naraz zacyniś. W toś tych situacijach móžo Firefox pśi znowegostartowanju boki wótnowiś, ku kótarymž sćo se woglědał. Prědny raz, gaž startujośo Firefox pó wowalenju, buźo se wašo pjerwjejšne pósejźenje awtomatiski wótnowjaś.

Jolic Firefox wowalujo drugi raz, pokažo bok pósejźeńskego wótnowjenja, gaž startujośo Firefox pśiducy raz.

• Aby swójo pjerwjejšne pósejźenje wótnowił, wubjeŕśo wokna abo rejtariki, kótarež cośo wótnowiś a klikniśo na Pósejźenje wótnowiś.
• Jolic Firefox dalej pokazujo zmólki, gaž wokna a rejtariki se znowego wócynjaju, móžośo Firefox startowaś bźez togo, aby toś te elementy wótnowił. Aby nowe pósejźenje startował, klikniśo na Nowe pósejźenje startowaś.

Gaž sćo Firefox nastajił, aby pjerwjejšne pósejźenje pśi startowanju wótnowił

Móžośo Firefox tak nastajiś, až pokazujo pśecej waše wokna a rejtariki wašogo pjerwjejšnego pósejźenja kuždy raz, gaž startujośo Firefox. Aby nastajenja za start změnił, glejśo Pósejźeńske wótnowjenje konfigurěrowas dołojce.

Pósejźeńske wótnowjenje konfigurěrowaś

Gaž Firefox startujo, se pó standarźe jadnotliwe wokno wócynja, kótarež wašu nastajony startowy bok zwobraznjujo. Jolic cośo, móžośo Firefox tak konfigurěrowaś, až wokna a rejtariki z wašogo pjerwjejšnego pósejźenja wócynja:

Problemy priwatnosći

Pósejźeńske wótnowjenje wóstaja was pla sedłow pśizjawjonego, pla kótarychž sćo se do togo pśizjawił, nježli až sćo Firefox zacynił. Jolic něchten drugi jo wašo licadło pó was wužył, změjo snaź pśistup na wašo konto pśi toś tych sedłach. Jolic to pśitrjefijo, njeby wy měł Firefox konfigurěrowaś, aby wšykne wokna a rejtariki z wašogo pjerwjejšnego pósejźenja wócynił.

Cośo snaź pósejźeńske wótnowjenje pó programowem wowalenju znjemóžniś, kótarež jo pó standarźe zmóžnjone. To zajźujo wótnowjanjeju pjerwjejšnego pósejźenja, gaž Firefox startujo se pó njewócakanem zacynjanju abo programowem wowalenju:

1. Zapódajśo about:config do adresowego póla a tłocćo ↩↩.
   Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
2. Zapódajśo browser.sessionstore.resume_from_crash do kašćika Pytaś:.
3. Klikniśo dwójcyKlikniśo na tłocašk Pśešaltowaś pódla browser.sessionstore.resume_from_crash, aby jen na false stajił.

Rozwězowanje problemow

Pjerwjejšne pósejźenje njejo se korektnje zacyniło

Aby swóje rejtariki a wokna z pjerwjejšnego pósejźenja slědk dostał, by wy měł Firefox pśez meni zacyniś:

Klikniśo na meni Firefox a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox a wubjeŕśo Skóńcyś.

Nastajenja su snaź wopak

Za druge problemy pósejźeńskego wótnowjenja musyśo snaź swóje nastajenja Firefox korigěrowaś:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Wubjeŕśo wokno Priwatnosć a wěstota.
3. Pśeznańśo se, lěc zapisk we wuběrańskem meniju Firefox buźo stoj na pak Se historiju spomnjeś pak Swójske nastajenja za historiju wužywaś.
   • Jolic Firefox buźo stoj na Swójske nastajenja za historiju wužywaś, zawěsććo, až Pśecej priwatny modus wužywaś njejo wubrany.
   • Jolic Firefox buźo stoj na Swójske nastajenja za historiju wužywaś a Historiju wuprozniś, gaž se Firefox zacynja jo wubrany, klikniśo na tłocašk Nastajenja a zawěsććo, až Se pśeglědowańsku a ześěgnjeńsku historiju spomnjeś njejo wubrany.
4. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.

Bazěrujo na informacijach z nastawka Session Restore (mozillaZine KB)