Toś ten nastawk wopisujo nejwažnjejše změny, kótarež pokazuju se wužywarjam w Thunderbird 38.0. Dopołnu lisćinu toś tych změnow namakajośo na boku release notes (engelski).
Zapis wopśimjeśa
Chat pódpěra Yahoo Messenger
Chat w Thunderbird pódpěra něnto Yahoo Messenger.
Pósłane a archiwěrowane powěsći filtrowaś
Móžośo něnto pósłane a archiwěrowane powěsći filtrowaś.
Někotare adresniki pśepytowaś
Móžośo něnto někotre adresniki pśepytowaś!
Rozšyrjone słupy wobcerka zarědnikow
We wobcerku zarědnikow (lisćina zarědnikow nalěwo) móžośo něnto słupowy wuběrk za rozšyrjone móžnosći (Njepśecytany, Dogromady a Wjelikosć) pokazaś bźez togo, aby musył rozšyrjenje Extra Folder Columns wužywaś, kótarež jo něnto inkompatibelne. Aby słupowy wuběrk z pomocu tradicionelneje menijoweje rědki pokazał, wužywajśo . Abo kliknjośo na menijowy tłocašk 
na symbolowej rědce a wubjeŕśo .
Google OAuth2
Thunderbird 38 pódpěra něnto protokol OAuth 2.0, kótaryž wužywa se něnto wót Google za awtentifikaciju.
Integrěrowany kalender
Wót Thunderbird 38 jo kalendrowe rozšyrjenje Lightning w Thunderbird integrěrowane.
Pólěpšenja pśi pisanju mejlkow
Někotare swójoraznosći pśi pisanju powěsćow su něnto wótpórane: Pismo se wěcej njezgubijo, za tym až sćo hynźi w powěsći kliknuł a wrośaśo se pótom ke kóńcoju smužki zapódanego teksta. Pismo se ani njezgubijo, gaž zasajźaśo wobraz z mjazywótkłada. Zatwarjona pšawopisna kontrola njezgubijo wěcej cerwjene pódšmarnjenja.
Pšawopisna kontrola nowych powěsćow pśewjeźo se něnto pśecej w rěcy, kótaraž jo w , abo > , wubrana, a nic w ako slědna wužytej rěcy ako do togo. Pšawopisna rěc jo něnto pśecej ta samska za temu a tekst. Móžośo samo powěsći w rozdźělnych rěcach naraz pisaś bźez togo, aby musył słowniki změniś.
Wužywanje pismow na Linux
Linux staja systemowe pisma "sans-serif", "serif" a "monospace" k dispoziciji. Toś te pismowe mjenja su w konflikśe z powšyknymi mjenjami pismowych familijow CSS. Togodla a kompatibelnosći z drugimi źěłowymi systemami dla su se toś te tśi pisma na Linux wótpórali. Wužywarje, kótarež su jadno z toś tych pismow ako swójo standardne pismo za pisanje powěsćow wubrali, muse něnto druge pismo wubraś. Město "sans-serif", "serif" abo "monospace" by měli wužywarje "Helvetica, Arial", "Times" abo "Courier" (abo "kšutu šyrokosć") wubraś.
Tśi górjejce naspomnjete systemowe pisma na Linux daju se hyšći ako standardne zwobraznjeńske pisma wužywaś.
