Gaž e-mailowe konto konfigurěrujośo, móžo Thunderbird cesto nejwěcej konfiguracije awtomatiski cyniś. (Glejśo Awtomatiska kontowa konfiguracija za dalšne informacije.) Musyśo pak swójo konto manuelnje konfigurěrowaś, jolic waš e-mailowy póbitowaŕ njejo w datowej bance awtomatiskeje konfiguracije Thunderbird, abo jolic njestandardnu e-mailowu konfiguraciju maśo. Toś ten bok buźo wam zakładne nastajenja pokazowaś, kótarež trjebaśo, aby mejlki pósłał a dostał.

Jolic konto, kótarež sćo awtomatiski załožył, jo se pśipokazał IMAP-serweroju město POP-serwera, glejśo nastawk FAQ Changing IMAP to POP.

Aby konto manuelnje konfigurěrował, trjebaśo slědujuce drobnostki, kótarež móžo wam waš e-mailowy póbitowaŕ daś.

• serwer a port za dochadajucu e-mail (na pśikład "pop.example.com" a port 110 abo "imap.example.com" a port 143)
• serwer a port za wuchadajucu e-mail (na pśikład "smtp.example.com" a port 25)
• wěstotne nastajenja za zwisk ze serwerom (na pśikład "STARTTLS" abo "SSL/TLS" a lěc se ma wěstna awtentifikacija wužywaś abo nic)

Wócyńśo nejperwjej kontowe nastajenja: Klikniśo w menijowej rědce Thunderbird na meni RědyWobźěłaś a wubjeŕśo Kontowe nastajenja, abo klikniśo na tłocašk nałožeńskego menija a wubjeŕśo NastajenjaNastajenja a Kontowe nastajenja z pódmenija. Kužde e-mailowe konto abo konto diskusijneje kupki, kótarež jo se skonfigurěrowało, se nalěwo w dialogu kontowych nastajenjow nalicyjo. Toś te konta zarědnikam na nejwušej rowninje wótpowěduju, kótarež se w lisćinje „Wšykne zarědniki“ pokazuju.

Klikniśo dołojce w lěwem wobceŕku na tłocašk Kontowe akcije a wubjeŕśo E-mailowe konto pśidaś….

Zapódajśo drobnostki swójogo e-mailowego konta a klikniśo na Dalej. Thunderbird buźo wopytowaś, waše kontowe nastajenja na zakłaźe źělneje domeny wašeje e-mailoweje adrese póstajiś (to jo źěl za symbolom „@“). Klikniśo pón na Manuelna konfiguracija a wobźěłajśo serwerowe mjenja, porty a IMAP/POP, aby konto manuelnje konfigurěrował. Klikniśo na Znowego testowaś, aby swóje manuelne nastajenja testował; wy měł malsne wótegrono dostaś, kótarež pódawa, až nastajenja su płaśiwe. Jolic nic, klikniśo na tłocašk Zastajiś, aby pytanje pśetergnuł, wobźěłajśo pón serwerowe mjenja, porty a IMAP/POP a klikniśo znowego na Znowego testowaś. (Abo móžośo pytanjeju dowóliś, standardne kontowe drobnostki wužywaś a pón pózdźej nastajenja manuelnje změniś.)

Wuchadny serwer konfigurěrowaś

Někotare e-mailowe konta mógu samski wuchadny SMTP-serwer wužywaś. Togodla se SMTP-serwery separatnje wót e-mailowych kontow napóraju. Wubjeŕśo w dialogu Kontowe nastajenja w lěwem wobceŕku Wuchadny serwer (SMTP) dołojce w lisćinje. Buźo snaź zapisk w slědujucej lisćinje, kótaryž se napórajo, gaž sćo zapódał swóje kontowe drobnostki. Wobźěłajśo pak ten zapisk pak pśidajśo nowy zapisk.

Dalšny pśikład: Gmail-konto se ako slědujo konfigurěrujo:

• Serwerowe mě: smtp.gmail.com
• Port: 587
• Wužywaŕske mě a gronidło: zmóžnjonej
• Wužywaŕske mě: Waš wužywaŕski ID Gmail bźez sufiksa „@gmail.com“ (na pśikład jolic waša e-mailowa adresa jo serb@gmail.com, pón jo wašo wužywaŕske mě „serb“). Jolic Google Apps za domeny wužywaśo, wužywajśo swóju adresu (na pśikład „serb@wašadomena.de").
• Zwiskowa wěstota: STARTTLS

Za tym až sćo składował informacije wó nowem wuchadnem serwerje, wubjeŕśo swóje nowe e-mailowe konto z lisćiny. Wubjeŕśo w pólu Wuchadny serwer (SMTP) SMTP-serwer z wuběrańskeje lisćiny. Druge zapiski na boku su se awtomatiski napórali, gaž sćo zapódał kontowe drobnostki - změńśo a rozšyŕśo je, jolic trjeba.

Klikniśo na nastajenje Serwerowe nastajenja pód swójim nowym kontom. Pśeznańśo se, až zapiski w slědujucych pólach nastajenjam wótpowěduju, kótarež jo wam dał waš e-mailowy póbitowaŕ:

Za tym až sćo składował toś te změny, móžośo mejlki słaś a dostawaś. Druge aspekty kontoweje konfiguracije su opcionalne a samowujasnjujuce.

Glejśo teke

• 13. Account Setup w pśirucce FLOSS Thunderbird.