DRM-wopśimjeśe se na Firefox woglědaś

Digitalne zastojanje pšawow (engelski: Digital Rights Management, skrotka DRM) jo technologija, kótaraž zmóžnja wideo- a awdiosłužbam wunuźiś, až wopśimjeśe, kótarež stajaju k dispoziciji, wužywa se wótpowědujucy jich pótrěbnosćam. Toś ta technologija móžo wěste wěcy wobgranicowaś, kótarež howac móžośo we wobglědowaku cyniś. Wjele słužbow něnto HTML5-wideo wužywa, kótarež trjebaju drugi DRM-mechanizm z mjenim Content Decryption Module (CDM).

DRM-wóźone wopśimjeśe w Firefox wótgraś

Glědajśo: Pódpěra Google Widevine jo se skóńcyła za 32-bitowy Linux 31. maja 2021. Jano 64-bitowy Linux se pódpěra.

Firefox za desktop Google Widevine CDM za wótgrawanje wopśimjeśa, kótarež se pśez DRM wóźi, pódpěra. Firefox Google Widevine CDM pó standarźe ześěgujo a zmóžnja, aby wužywarjam běžne dožywjenje na sedłach bitował, kótarež se DRM pominaju. Firefox Google Widevine CDM, jolic trjeba, ześěgujo a zmóžnja, z dowolnosću wužywarja, aby wužywarjam běžne dožywjenje na sedłach zmóžnił, kótarež se DRM pominaju. CDM w separatnem kontejnerje z mjenim „pěskowy kašćik“ (sandbox) běžy a dostanjośo powěźeńku, gaž se CDM rowno wužywa. Móžośo teke CDM znjemóžniś a pśichodne aktualizacije wótpokazaś, gaž slědujucym kšacam slěduju. Gaž pak CDM znjemóžnjaśo, snaź sedła, kótarež toś ten typ wužywaju, wěcej pórědnje njefunkcioněruju.

Google Widevine CDM bźez wótinstalěrowanja znjemóžniś

Gaž Google Widevine w zastojniku dodankow znjemóžnjaśo, njeběžy wěcej na wašom licadle a pśichodne aktualizacije njedaju se wěcej ześěgnuś. Aby toś ten CDM-tykac znjemóžnił:

  1. Klikniśo na menijowy tłocašk Fx89menuButton pótom na Dodanki a drastwy a wubjeŕśo Tykace.
  2. Klikniśo we woknje „Tykace“ na tśidypkowy symbol zastojnika dodankow pódla Widevine Content Decryption Module provided by Google Inc. a wubjeŕśo Nigda njeaktiwěrowaś z wuběrańskego menija.
    Fx89WidevineMenu

Starcyjośo snaź na sedła, źož wótgrawanje wopśimjeśa bźez zmóžnjonego Google Widevine njejo móžne. Móžośo Google Widevine pśecej zasej zmóžniś, gaž wuběraśo Pśecej aktiwěrowaś w meniju pódla Widevine Content Decryption Module provided by Google Inc..

CDM-wótgrawanje wušaltowaś, CDM wótinstalěrowaś a wšykne CDM-ześěgnjenja zastajiś

Móžośo DRM-wótgrawanje pśez HTML5 globalnje wušaltowaś. Gaž to cyniśo, wulašujo Firefox wšykne ześěgnjone DRM z twardeje platy, skóńcyjo wšykne pśichodne CDM-ześěgnjenja a znjemóžnijo DRM-wótgrawanje. To płaśi jano za pśez DRM wóźone awdio- a wideodataje za HTML5. Aby DRM-wótgrawanje za HTML5 dopołnje wušaltował, wuwjeźćo slědujuce kšace:

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Źiśo we woknje Powšykne k wótrězkoju Wopśimjeśe Digital Right Management (DRM).
  3. Wótwónoźćo kokulku pódla Wopśimejśe wóźone pśez DRM wótgraś.

Starcyjośo snaź na sedła, źož wótgrawanje wopśimjeśa bźez DRM njejo móžne. Móžośo DRM pśecej zasej aktiwěrowaś, gaž wokno NastajenjaNastajenjaNastajenja Powšykne a pód Wopśimjeśe Digital Rights Management (DRM) kokulku pódla Wopśimjeśe wóźone pśez DRM wótgraś zasajźujośo. Pótom jo wótgrawanje DRM za HTML5 zasej zmóžnjone a Google Widevine CDM se awtomatiski ześěgnjo.

Pódpěrane platformy

Google Widevine

  • Windows Vista a nowšy
  • Mac OS X 10.11 a nowšy
  • x64 Linux

Pódobne móžnosći za wušaltowanje su na wšych platformach k dispoziciji, na kótarychž Firefox DRM pódpěra.

Rozwězowanje problemow

Jolic se wopśimjeśe DRM w Firefox njewótgrawa, pśeznańśo se, až wopśimjeśe DRM jo zmóžnjone:

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Źiśo we woknje Powšykne do wótrězka Wopśimjeśe Digital Right Management (DRM).
  3. Pśeznańśo se, až kašćik pódla Wopśimjeśe wóźone pśez DRM wótgraś kokulku wopśimujo.

Pśeznańśo se teke, až tykac Google Widevine jo zaktiwěrowany:

  1. Klikniśo na menijowy tłocašk Fx89menuButton pótom na Dodanki a drastwy a wubjeŕśo Tykace.
  2. Klikniśo we woknje Tykace zastojnika dodankow na elipsowy symbol (tśi dypki) pódla Widevine Content Decryption Module provided by Google Inc.
  3. Zawěsććo, až jo Pśecej aktiwěrowaś we wuběrańskem meniju wubrane.

Jolic sćo wokšuśił toś te nastajenja a wopśimjeśe DRM se weto njewótgrawa, wopytajśo slědujuce rozwězanja:

Wopśimjeśe DRM znjemóžniś a pón zasej zmóžniś

Wuwjeźćo slědujuce kšace górjejce, aby kokulku pódla Wopśimjeśe wóźone pśez DRM wótgraś we wótrězku Wopśimjeśe Digital Right Management (DRM) nastajenja Firefox wótwónoźeł, a pśidajśo kokulku pón znowego. Pśez to Firefox zasej DRM-komponenty zacytajo.

Avast AntiTrack znjemóžniś

Jo znate, až Avast AntiTrack z wopśimjeśim DRM w Firefox problemy zawinujo. Cytajśo toś ten nastawk wót Avast za instrukcije wó tom, kak móžośo AntiTrack znjemóžniś.

Useragent wróćo stajić

Slědkstajanje useragenta móžo problem teke rozwězaś. Glejśo How to reset the default user agent on Firefox.

Jo toś ten nastawk wužytny był?

Pšosym cakajśo…

Slědujuce wjelicne luźe su pomogli, toś ten nastawk pisaś:

Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije