Pśizjawśo se pla Firefox Accounts, aby swóje cytańske znamjenja, historiju, pśizjawjenja a wócynjone rejtariki mjazy rědami synchronizěrował.

Jolic eksistěrujuce konto Firefox njamaśo, musyśo konto załožyś. Za dalšne informacije glejśo Access Mozilla Services with a Firefox Account.

Pla Firefox Accounts pśizjawiś

Móžnosć 1: Zwěžćo swój mobilny wobglědowak z desktopowym Firefox

Aby swóje cytańske znamjenja a/abo historiju z Firefox Sync z pomocu eksistěrujucego konta Firefox a QR-koda synchronizěrował:

1. Pótusniśo menijowy tłocašk.

2. Pótusniśo Nastajenja.
3. Pótusniśo Synchronizaciju zmóžniś.
4. Woglědajśo se k firefox.com/pair na swójom desktopje.
5. Pótusniśo tłocašk Gótowy za skannowanje na wobrazowce Synchronizaciju zmóžniś w nałoženju.
6. Wusměŕśo kameru swójogo rěda na QR-kod na swójom desktopje.

Móžnosć 2: Z pśizjawjeńskimi datami pśizjawiś

Pśizjawśo se jadnorje pla swójogo eksistěrujucego konta, aby swóje cytańske znamjenja a/abo historiju z Firefox Sync synchronizěrował:

1. Pótusniśo menijowy tłocašk.

2. Pótusniśo Nastajenja.
3. Pótusniśo Synchronizaciju zmóžniś.
4. Pótusniśo tłocašk E-mail město togo wužywaś na wobrazowce Synchronizaciju zmóžniś w nałoženju.
5. Zapódajśo swóje pśizjawjeńske daty.

Wubraś, což se ma synchronizěrowaś

1. Pótusniśo menijowy tłocašk.

2. Pótusniśo Nastajenja.
3. Pótusniśo e-mailowu adresu.
4. Stajśo kokulku pódla informacijow, kótarež cośo synchronizěrowaś:
   • Cytańske znamjenja
   • Historija
   • Pśizjawjenja
   • Rejtariki