Firefox móžo se markowaś, což sćo do formularow, kótarež gronje se teke tekstowe póla, na websedłach zapódał. Za tym až sćo něco do formulara na webboku (ako na pś. do pytańskego póla) zapódał, buźo wam toś ten zapisk zasej k dispoziciji, gaž woglědujośo se k toś tomu bokoju pśiducy raz. Toś ten nastawk wopisujo, kak móžośo awtowudopołnjenje wužywaś, a kak móžośo formularne póla wuprozniś abo składowanjeju formularnych zapiskow zajźowaś.

Awtowudopołnjenje formularow wužywaś

Aby pjerwjejšne zapiski we formularje wužywał:

1. Zapódajśo prědny pismik zapiska do formularnego póla. Firefox pokažo wuběrański meni ze zapiskami, kótarež sćo do togo zapódał.
   • Móžośo lisćinu wšych zapiskow wiźeś, kótarež su se za wěste formularne pólo składli, gaž tłocyśo tastu ↓, gaž pólo jo prozne.
2. Tłocćo tastu ↓, aby zapisk wubrał, kótaryž cośo zasej wužywaś. Tłocćo EnterReturn, gaž wótpowědny zapisk jo wuzwignjony. Tekst zapiska buźo se we formularnem pólu pokazowaś. Móžośo teke myšku wužywaś, aby na zapisk kliknuł.

Jadnotliwe formularne zapiski lašowaś

Jolic cośo jadyn ze swójich pjerwjejšnych formularnych zapiskow z historije Firefox wótpóraś:

1. Klikniśo na formularne pólo a tłocćo tastu ↓, aby skłaźone zapiski pokazał. Móžośo prědne pismiki zapiska zapódaś, aby licbu pokazanych zapiskow wobgranicował.
2. Wužywajśo tastu ↓ abo kursor myški, aby zapisk wuzwignuł, kótaryž cośo wulašowaś.
3. Tłocćo Umsch+Entf. Zapisk se wótpórajo.

Wóspjetujśo proces za kuždy zapisk, kótaryž cośo wulašowaś.

Formularnu historiju wuprozniś

Jolic cośo, až Firefox zabywa wšykne waše formularne zapiski:

1. Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił. Klikniśo na tłócašk biblioteki w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..)
2. Klikniśo na meni Historija a pótom na Aktualnu historiju wuprozniś….
3. Wubjeŕśo we wuběrańskem meniju Cas za wuproznjenje: Wšykno.
4. Wobswěsććo se, lěc zapisk Historija formularow a pytanja jo zmóžnjony.
5. Klikniśo na W pórěźe, aby swóju formularnu historiju wuproznił a zacyńśo dialogowe pólo.

Awtowudopołnjenje formularow znjemóžniś a Firefox składowanje dalšnych formularnych zapiskow zawoboraś

Jolic njocośo, až Firefox se markujo, což sćo do formularnych pólow zapódał, móžośo funkciju awtowudopołnjenje znjemóžniś:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Wubjeŕśo wokno Priwatnosć a wěstota.
3. Wubjeŕśo we wuběrańskem meniju pódla Firefox buźo Swójske nastajenja za historiju wužywaś.
4. Wótpórajśo kokulku pódla Pytańsku a formularnu historiju se spomnjeś.
5. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.

Gaž znjemóžnjośo formularnu historiju, zajźujo se Firefox teke pśi składowanjeju pytańskeje historije za pytańske pólo w nawigaciskej rědce.

Rozwězowanje problemow

Jolic zawupytajośo, až Firefox njeskładujo swóje formularne zapiski a njamóžośo je zasej wužywaś, cytajśo pšosym nastawk Firefox doesn't save web form entries.

Bazěrujo na informacijach z nastawka Deleting autocomplete entries (mozillaZine KB)