Firefox a Thunderbird instalujotej opcionalnu słužbu, kótaraž groni se wótwardowańska słužba Mozilla (engelski: Mozilla Maintenance Service), kótaraž zmóžnja aktualizěrowanje programow w slězynje bźez togo, aby wy museł we wóźenju wužywarskich kontow (nimski: Benutzerkontensteuerung (UAC), engelski: User Account Control) na Ja kliknuś.

Kak wótwardowańska słužba Mozilla funkcioněrujo

Gaž Firefox abo Thunderbird ześěgujo programowu aktualizaciju, dostawa wótwardowańska słužba Mozilla dowólnosć wót Windows, aktualizaciju nałožyś bźez togo, aby wy museł we wóźenju wužywarskich kontow na Ja kliknuś. Až do togo słužba njeběžy a njepśetrjebujo resurse licadła a słužba se kóńcy, gaž se aktualizěrowański proces zachopina. Cośo wěcej techniskich drobnostkow? Glejśo toś ten bok wikija Mozilla.

Wótwardowańsku słužbu Mozilla znjemóžniś

Jolic cośo, až se was pšašaju, lěc dowólujośo aktualizacije, móžośo wótwardowańsku słužbu Mozilla na slědujucu wašnju znjemóžniś:

Firefox

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Klikniśo na wokno Powšykne.
3. Kulniśo dołoj k Aktualizacije Firefox. (Pokazka: Móžośo teke w pytańskem pólu za aktualizacijami pytaś.)
4. Wótwónoźćo kokulki z kašćika pódla Slězynowu słužbu za instalěrowanje aktualizacijow wužywaś.

Thunderbird

1. Klikniśo górjejce we woknje Thunderbird na meni Rědy a wubjeŕśo NastajenjaKlikniśo w menijowej rědce na meni Thunderbird a wubjeŕśo NastajenjaKlikniśo górjejce we woknje Thunderbird na meni Wobźěłaś a wubjeŕśo Nastajenja, abo klikniśo na menijowy tłocašk Wobraz "fx57menu" njeeksistěrujo. a wubjeŕśo NastajenjaNastajenja.
2. Klikniśo na wótrězk Rozšyrjony.
3. Klikniśo na rejtark Aktualizěrowaś. Aktualizěrowańske nastajenja se pokazuju.
4. Wótwónoźćo kokulku pódla Slězynowu słužbu za instalěrowanje aktualizacijow wužywaś.
5. Klikniśo na W pórěźe, aby swóje změny składował a zacyńśo wokno nastajenjow.

Wótwardowańsku słužbu Mozilla wótinstalěrowaś

Móžośo wótwardowańsku słužbu Mozilla ze swójogo licadła wótinstalěrowaś, jolic cośo.

• Windows 7: Glejśo nastawk Microsoft, Windows 7 – Programme ordnungsgemäß deinstallieren (nimski).
• Windows 8: Glejśo nitku foruma zgromaźeństwa Microsoft, How do I delete or uninstall a program in windows 8 (engelski).
• Windows 10: Glejśo nastawk Microsoft Apps und Programme in Windows 10 deinstallieren oder entfernen (nimski).