Kalender swěźenjow wšykne zjawne swěźenje kraja nalicyjo, a pokazujo je w Thunderbird.

Stej dwě metoźe, kótarejž kalender swěźenjow pśidawatej.

• Na licadle składowaś - Kalendrowa dataja se na wašom licadle składujo a buźo teke k dispoziciji, gaž sćo offline. Móžośo jen teke změniś (móžośo na pśikład narodnemu kalenderoju swěźenjow regionalne swěźenje zwězkowego kraja pśidaś).
• W interneśe aboněrowaś - Z toś teju metodu aboněrujośo kalendrowu dataju, kótaraž se w interneśe wózjawja. Kalender buźo se wót swójogo wobgóspodarjowarja aktualny źaržaś.

Na licadle składowaś

1. Woglědajśo se k bokoju z kalenderami swěźenjow Thunderbird abo druge sedło, kótarež narodne kalendery swěźenjow póbitujo.
2. Klikniśo z pšaweju myškoweju tastuŹaržćo tastu ctrl tłoconu, a klikniśo na wótkaz kalendera swěźenjow, kótaryž cośo instalěrowaś a wubjeŕśo Wótkaz składowaś ako.
   POKAZ: Kalenderowe dataje maju datajowu kóńcowku ics.
3. W Thunderbird klikaśo na menijowy tłocašk Wobraz "Fx57menu" njeeksistěrujo. a wuběraśo Dataja > Wócyniś > Kalendrowa dataja….
4. Wubjeŕśo kalendrowu dataju, kótaruž sćo składł w kšacu 2.

Buźośo wiźeś, až nowy kalender jo pśidał kalendrowemu naglědoju wšykne waše swěźenje.

W interneśe aboněrowaś

1. Woglědajśo se k bokoju z kalenderami swěźenjow Thunderbird (abo druge sedło, kótarež narodne kalendery swěźenjow póbitujo).
2. Klikniśo z pšaweju myškoweju tastuŹaržćo tastu ctrl tłoconu, a klikniśo na wótkaz kalendera swěźenjow, kótaryž cośo aboněrowaś a wubjeŕśo Wótkaz kopěrowaś.
3. W Thunderbird tłocyśo tastu Alt, aby menijowu rědku pokazał a wuběraśo Dataja > Nowy > Kalender….
4. Wubjeŕśo W seśi a klikniśo na Dalej.
5. Wubjeŕśo z lisćiny Format iCalendar (ICS).
6. Klikniśo z pšaweju myškoweju tastuŹaržćo tastu ctrl tłoconu, a klikniśo do póla Adresa a wubjeŕśo Zasajźiś, aby městno kalendera zapódał, kótaryž sćo kopěrował w kšacu 2 a klikniśo pón na Dalej.
7. Dajśo kalenderoju swěźenjow mě a pśipokažćo jomu barwu, z kótarejuž se wšykne swěźenje wuzwiguju. Klikniśo na Dalej.
8. Klikniśo na Dokóńcyś.