Compare Revisions

Zhońće wjace wo tym, kak pytanske namjety w Firefox funguja.

Hdyž do [[Search with the Firefox address bar|adresoweho pola]] abo pytanskeho pola pisaće, Firefox relewantne pytanske wurazy abo rozrisanske tłóčatka nastupajo nadawk abo wotmołwu, za kotrejž pytaće, namjetuje. Hdyž su pytanske namjety zmóžnjene, so tekst, kotryž zapodawaće, na standardnu pytawu sćele. Tuta pytawa słowa analyzuje a pokazuje na zakładźe pytanskeho wuraza lisćinu woblubowanych wuslědkow. [[Image:SearchSuggestions75]] __TOC__ =Kak pytanske namjety funguja= Jeli pytanski namjet widźiće, kotryž wašemu pytanskemu wurazej wotpowěduje, klikńće na njón, zo byšće wuslědki za tutón pytanski wuraz widźał. To móže čas lutować a wam pomhać, to namakać, za čimž pytaće bjez toho, zo byšće dyrbjał wjele pisać. Hdyž pytanske namjety zmóžnjeće, budu so klučowe słowa, kotrež do pytanskeho pola zapisujeće, na standardnu pytawu słać - ''chibazo'' zda so, zo URL abo hostmjeno zapisujeće. Pytanja dadźa so zapodać do: * adresoweho pola * [[Add the Search bar to your Firefox toolbar|pytanskeho pola, jeli je w symbolowej lajsće zmóžnjene]] * pytanskeho pola na [[About the New Tab page|stronje noweho rajtarka]] Standardna pytawa móže tute informacije po swojich prawidłach priwatnosće hromadźić. Wužiwarjo, kotřiž su přez tute zhromadźene informacije potrjecheni, nochcedźa, zo so pytanske namjety zmóžnjeja abo chcedźa snano druhu standardnu pytawu wužiwać, kotraž ma druhe prawidła priwatnosće. {note}Namjety we wuběranskej lisćinje tež wotpowědne wuslědki za wašu přehladowansku historiju, zapołožki, wočinjene rajtarki a synchronizowane rajtarki pokazuja. Hlejće [[Address bar autocomplete in Firefox]] za dalše informacije.{/note} Pytanske namjety su po standardźe w [[Private Browsing - Use Firefox without saving history |priwatnym modusu]] znjemóžnjene. Dyrbiće tutu funkciju we woknje priwatneho modusa eksplicitnje zmóžnić, zo byšće je w priwatnym modusu wužiwał. Móžeće pytanske namjety za wšě priwatne wokna we woknje „Pytać“ w nastajenjach Firefox (hlejće deleka) zmóžnić. =Pytanske namjety zmóžnić abo znjemóžnić= Móžeće pytanske namjety kóždy čas zmóžnić abo znjemóžnić. [[T:optionspreferences]] Wubjerće wokno {menu Pytać} a stajće hóčku do kontrolneho kašćika '''Pytanske namjety podać''' abo wotstrońće ju z njeho w swojich [[Change your default search settings in Firefox|pytanskich nastajenjach Firefox]]. [[Image:Fx73SearchSettings-Suggestions]] *Zo byšće pytanske namjety w adresowym polu widźał, stajće hóčku do kašćika pódla ''Pytanske namjety we wuslědkach adresoweho pola pokazać.'' *Zo byšće pytanske namjety před přehladowanskej historiju pokazał, stajće hóčku pódla ''Pytanske namjety před přehladowanskej historiju we wuslědkach adresoweho pola pokazać.'' {/for} *Zo byšće pytanske namjety w priwatnych wokach pokazał, stajće hóčku do kašćika pódla ''Pytanske namjety w priwatnych woknach pokazać''. {note}'''Kedźbu:''' w někotrych padach móže nastajenje ''Namjet Firefox w adresowym polu pokazać (namjetowane a sponsorowane wuslědki)'' k dispoziciji być. Zo byšće wjace zhonił, hlejće [[Navigate the Web faster with Firefox Suggest]].{/note} =Namjety pytanskeje historije= Hdyž Firefox wustupowanje ww wašich předchadnych pytanjach namaka, móže namjety pytanskeje historije nad namjetami pokazać, kotrež je sej runje z wašeho pytanskeho sydła wobstarał. Namjety so z časnikowym symbolom markěruja. ;[[Image:Search bar history suggestions]] Hdyž pytanski wuraz do adresoweho pola zapodawaće a awtowudospołnjenje přihódne wustupowanja namaka, móže Firefox do dweju namjetow pytawy z namjetami z pytanskeje historije wuměnić. Dynamiske namjety so z lupowym symbolom markěruja. ;[[Image:URL bar search history and dynamic search suggestions]] Čitajće [[Clear recent searches from the Search bar]], jeli chceće wědźeć, kak so jednotliwe namjety abo wšě namjety z pytanskeje historije zhašeć. Jeli nochceće přechadne pytanske wurazy w pytanskej historiji składować, móžeće formularnu a pytansku historiju znjemóžnić. Sćěhujće krokam w nastawku [[Control whether Firefox automatically fills in forms]] („Awtomatiske wudospołnjenje znjemóžnić a Firefox při składowanju dalšich formularnych zapiskow haćić“). =Namjety za rozrisanske tłóčatko Firefox= Hdyž wěste nadawki do adresoweho pola zapodawaće, kaž na přikład Firefox sćahnyć abo aktualizować, móža namjety rozrisanske tłóčatko pokazać, zo byšće tón nadawk direktnje z pytanskeho pola wuwjedł. Jeli na přikład „update firefox“ zapodawaće, so rozrisanske tłóčatko pokaza, zo byšće aktualizował. [[Image:UpdateActionButton]] {note}'''Kedźbu:''' Rozrisanske tłóčatka Firefox su tuchwilu jenož jendźelsce k dispoziciji.{/note} {/for}