Created: 04/03/2021
Firefox za Android wam wjele nastajenjow za wothrawanje widejow a awdiow na wašim telefonje skići, inkluziwnje wothrawanje w pozadku, podpěru za wobraz-we-wobrazu a nastajenja za awtomatiske wothrawanje.
Zapis wobsaha
Modus wobraz-we-wobrazu
Modus wobraz-we-wobrazu wam zmóžnja, dale widejo z websydła hladać, mjeztym zo druhe rajtarki wopytujeće. Móžeće samo widejo dale hladać, hdyž druhe nałoženja wužiwaće.
- Startujće widejo a přeńdźće k modusej połneje wobrazowki.
- Tłóčće startowe tłóčatko na swojim telefonje, mjeztym so widejo wothrawa. Widejo so powjetši a móžeće jo hladać, mjeztym zo druhe sydła abo nałoženja wužiwaćwe.
Gratowe nastajenja: Jeli tuta funkcija njefunguje, přepruwujće gratowe nastajenja, zo byšće hladał, hač sće modus wobraz-we-wobrazu w Fiefox zmóžnił.
Awtomatiske wothrawanje widejow zmóžnić a znjemóžnić
Jeli Firefox awtomatiske wothrawanje wideja na sydle blokuje, budźeće módry dypk na zawrjenski symbol w adresowym polu widźeć.
Podótkńće so tutoho symbola, zo byšće sej nastajenja za te sydło wobhladać. Klikńće na Awdio a widejo blokować a wubjerće nastajenje za awtomatiske wothrawanje, kotrež chceće wužiwać.
Móžeće Nastajenja wopytać, zo byšće nastajenja za awtomatiske wothrawanje w Firefox za Android změnić. To wam tež pomha, čas fungowanja baterije podlěšić.
-
Podótkńće so menijoweho tłóčatka.
- Podótkńće so Nastajenja.
- Podótkńće so Sydłowe prawa.
- Podótkńce so Awtomatiske wothrawanje.
- Wubjerće swoje preferowane nastajenje:
- Awdio a widejo za mobilny zwisk blokować: Awdio and widejo so hišće we WLAN wothrawatej.
- Jenož awdio blokować: Widejo budźe so bjez zynka wothrawać.
- Awdio a widejo blokować: Zadźěwa tomu, zo so awdio kaž tež widejo wohtrawatej.
Nastajenja za awtomatiske wothrawanje za wěste websydła změnić
Móžeće sydłowe prawa změnić, zo byšće awtomatiske wothrawanje jenož w dowěryhódnych websydłach dowolił.
- Podótkńće so Nastajenja.
- Podótkńće so Sydłowe prawa.
- Podótkńće so Wuwzaća
- Podótkńće so mjena websydła, zo byšće za jeho aktualnymi prawami hladał a zo byšće změny přewjedł.
Nimo toho móžeće nastajenja za awtomatiske wothrawanje za wěste websydło spěšnje ze symboloweje lajsty změnił, hdźež móžeće prawa za wěste websydło z wuběranskeje lisćinje změnił.
Na wideja w pozadku słuchać
Jeli Firefox miniměrujeće, mjeztym zo widejo/awdio wothrawaće, so widejo/awdio w pozadku dale wothrawa, tak móžeće na swojim telefonje wjacore nadawki naraz spjelnić.
Wothrawanje medijow přez wokno Zdźělenki wodźić
Hdyž widejo abo awdio wothrawaće, so wodźenske elementy we wašim woknje Zdźělenki jewja, zo byšće móhł tam wothrawanje wodźić, bjez toho zo by dyrbjał Firefox wočinić.
Zynk wothrawace rajtarki pokazać a zastajić
Waš wotrězk Wočinjene rajtarki so na startowej wobrazowce Firefox za Android wam pokaza, hač rajtarki runje awdio abo widejo wothrawaja abo nic, hromadźe z tłóčatkom Zastajić, zo byšće móhł wothrawanje zastajić, bjeztoho zo byšće dyrbjał stronu wočinić.
