Hdyž wjele chwile nimaće, Firefox za Android wam zmóžnja, nastawki w za čitarja přećelnym napohledźe bjez mylacych elementow składować. Mějće přistup na swoje nastawki kóždy čas a wšudźe, hdźež je internetny zwisk k dispoziciji.
Nastawk wašej čitanskej lisćinje přidać
Nimaće chwile? Čitajće nastawk pozdźišo, składujo jón w swojej čitanskej lisćinje.
- Podótkńće so symbola čitanskeho napohlada
w adresowym polu.
- Podótkńće so menijoweho tłóčatka (pak na někotrych gratach pod wobrazowku pak w prawym hornim róžku wobhladowaka) .
- Podótkńće so symbola čitanskeje lisćiny , zo byšće nastawk składował.
Nimaće chwile? Čitajće nastawk pozdźišo, składujo jón w swojej čitanskej lisćinje.
- Podótkńće so menijoweho tłóčatka (pak na někotrych gratach pod wobrazowku pak w prawym hornim róžku wobhladowaka) .
- Podótkńće so hwěžki, zo by so módriła.
Nastawk so we wašim rjadowaku čitanskeje lisćiny we wotrězku Zapołožki na wašej startowej wobrazowce pokaza. Podótkńće so adresoweho pola, zo byšće so k swojej startowej wobrazowce dóstał.
Nastawk z wašeje čitanskeje lisćiny wotstronić
- Podótkńće so menijoweho tłóčatka (pak na někotrych gratach pod wobrazowku pak w prawym hornim róžku wobhladowaka) .
- Podótkńće so hašenskeho symbola .
- Podótkńće so nastawka a dźeržće jón na wašej čitanskej lisćinje, doniž so meni njezjewi.
- Podótkńće so na meniju.
Přistup na wašu čitansku lisćinu
Wočińće swoju čitansku lisćinu zwotkelžkuli.
- Podótkńće so adresoweho pola abo wočińće nowy rajtark, zo byšće swoju startowu wobrazowku pokazał.
- Trějće nalěwo na swojej startowej wobrazowce, doniž we wotrězku Čitanska lisćina njejsće.
- Podótkńće so nastawka, kotryž chceće čitać. Nastawki, kotrež sće hižo přečitał, so ze šěrym naličenskim znamješkom nalěwo pokaza.
Móžeće nětko status „přečitany/nječitany“ w čitanskej lisćinje změnić. Podótkńće so dołho někajkeho nastawka, zo byšće kontekstowy meni pokazał. Wubjerće wottam za status „přečitany“ a za status „nječitany“. Z pomocu tuteje funkcije móžeće tutón nastawk za dalše čitanje podać.
- Podótkńće so adresoweho pola abo wočińće nowy rajtark, zo byšće swoju startowu wobrazowku pokazał.
- Trějće dolěwa na swojej startowej wobrazowce, doniž we wotrězku Zapołožki njejsce.
- Podótkńće so čitanskeje lisćiny we wotrězku Zapołožki.
- Podótkńće so nastawka, kotryž chceće čitać. Nastawki, kotrež sće hižo přečitał, budu so ze šěrym naličenskim znamješkom nalěwo pokazować.
