Webstrony w Firefox ćišćeć

Zhońće wjace wo tym, kak móžeće webstrony z pomocu ćišćerskich funkcijow Firefox ćišćeć.

Pokiw: Jeli webstrona je w čitanskim napohledźe k dispoziciji, móžeće zjednorjenu wersiju strony ćišćeć, hdyž na symbol čitanskeho napohlada reader mode icon 57 w adresowym polu klikaće, prjedy hač ćišćiće. To papjeru a tintu zalutowa a wotstronjeće mylacy wobsah kaž na přikład wabjenje a pozadkowe wobrazy. Zo byšće wjace zhonił, hlejće Print simplified, clutter-free pages in Firefox.

Webstronu ćišćeć

  1. Klikńće na menijowe tłóčatko fx57menu a potom na Ćišćeć….
  2. To stronu ćišćerskeho přehlada za tu webstronu wočini.
    Fx82PrintUI
  3. Wubjerće swoje ćišćerske nastajenja:
    • Cil: Wužiwajće tutón wuběranski meni, zo byšće grat wubrał, z kotrymž so ma ćišćeć abo wubjerće Jako PDF składować we wuběreanskim meniju, zo byšće pokazany přehlad jako PDF-dataju składował.
    • Kopije: Wubjerće, kelko kopijow so ma ćišćeć (za ćišćaki a faksowe graty k dispoziciji).
    • Wusměrjenje: Zmóžnja wam, mjez wysokim a šěrokim formatom wućišćaneje strony wubrać.
    • Strony: Zmóžnja wam, strony wubrać, kotrež chceće wućišćeć.
    • Barbny modus: To wam zmóžnja rozsudźić, hač maja so w barbje abo čornoběłe ćišćeć (to móže njepřiměrjomne za někotre ćišćaki być).
    • Dalše nastajenja: Rozšěrće tutón wotrězk za dalše nastajenja, na přikład wulkosć papjery, měritko, strony na łopjeno, kromy, format (original abo zjednorjeny, jeli k dispoziciji), ćišćerske hłowy a nohi a ćišćerske pozadki. (Jeli pod Format Zjednorjeny wuběraće, njemóžeće ćišćerske pozadki wubrać.)
  4. Klikńće po přiměrjenju na Ćišćeć, zo byšće z ćišćenjom započał.
Smy tutón polěpšeny ćišćerski meni wot wersije Firefox 82 dodali. Jeli nowy horjeka wopisany ćišćerski meni njewidźiće, sćěhujće tele alternatiwne instrukcije:

Webstronu ćišćeć (alternatiwne instrukcije)

  1. Klikńće na menijowe tłóčatko fx57menu a potom na Ćišćeć….
    Print Fx65 Win
  2. Přiměrće we woknje ćišćerskeho přehlada, kotrež so wočinja, nastajenja za to, kotrež chceće ćišćeć, jeli trjeba. Hlejće nastajenja ćišćerskeho wokna deleka za informacije, kotre nastajenja móžeće změnić.
  3. Klikńće na ĆišćećW porjadku, zo byšće ćišćał.
  1. Klikńće na menijowe tłóčatko fx57menu a potom na Ćišćeć…, zo byšće meni „Ćišćeć“ wočinił.
    Print Fx65 Win
  2. Přiměrće nastajenja. Klikńće za dalše rozšěrjenja na Podrobnosće pokazać. Hlejće wotrězkaj "Standardny meni 'Ćišćeć'" a "meni 'Ćišćeć' z podrobnosćemi" za dalše informacije wo tym, kotre nastajenja dadźa so změnić.

Po tym zo sće nastajenja přiměrił, klikńće na Ćišćeć, zo byšće ćišćeć započał.

Nastajenja ćišćerskeho přehlada

Print Preview 65

Ćišćeć:

Stronu připrawić:

Strony:

  • Zapodajće čisło strony abo wužiwajće šipki, zo byšće k druhim stronam nawigował.

Měritko:

  • Zo byšće so webstrona do mjenje łopjenow papjery hodźi, móžeće měritko přiměrić. Wulkosć strony měritko awtomatisce přiměrja.

Wusměrjenje:

  • Wubjerće Wysoki format za najwjace dokumentow a webstronow.
  • Wubjerće Šěroki format za jara šěroke strony a wobrazy.

Stronu zjednorić:

  • Wubjerće Stronu zjednorić, zo byšće mylacy wosah wotstronił a papjeru a tintu zalutował, hdyž webstrony ćišćeće. Wotstrońće njewitane wabjenje, irelewantny tekst a wobrazy a prózdne městna ze strony, zo byšće swój wobsah na mjenje stronach ćišćał. Jeli to je za webstronu k dispoziciji, kotruž runje wopytujeće, so tute nastajenje čorni a budźe klikajomne. Hewak so zešěri.

Nastajenja ćišćerskeho wokna

The windows 10 print window

Wotrězk Drucker auswählen:

  • Wubjerće čitak z lisćiny, kotryž chceće wužiwać. Móžeće ze suwakom deleka dalše ćišćaki pokazać.
Kedźbu: Standardny ćišćak je powšitkownje Microsoft Print to PDF. Hdyž so webstrona z wubranym ćišćakom ćišći, budźe tón ćišćak standardny ćišćak.
  • Klikńće na Einstellungen..., zo byšće wulkosć papjery, ćišćersku kwalitu a druhe specifiske nastajenja swojeho ćišćaka změnił.

Wobłuk Druckbereich: zmóžnja wam podać, kotre strony atualneje webstrony maja so ćišćeć:

  • Wubjerće Alle, zo byšće wšitko ćišćał.
  • Wubjerće Seiten a zapodajće pak wobwod stronow abo jeničku stronu. "1" na přikład jenož prěnju stronu ćišći a "3-5" strony wot 3 do 5 ćišći.
  • Wubjerće Markierung, zo byšće jenož wuzběhnjeny dźěl aktualneje strony ćišćał.

Wobłuk Exemplare: zmóžnja wam podać, kelko eksemplarow chceće ćišćeć.

  • Jeli wjace hač 1 do pola Anzahl Exemplare zapodawaće, móžeće tež wubrać, hač chceće strony sortěrować. Jeli na přikład chceće dwě kopiji měć a Sortieren wuběraće, budu so strony w porjedźe 1,2,3,1,2,3 ćišćeć. Hewak budu so w porjedźe 1,1,2,2,3,3 ćišćeć.
Kedźbu: Slědowace nastajenja so jako nastajenja Firefox na bazy ćišćaka składuja.

Stronu připrawić

win page setup

Format a opcije

Rajtark Format & Optionen wam zmóžnja změnić:

  • Wusměrjenje:
  • Wubjerće Padorune za najwjace dokumentow a webstronow.
  • Wubjerće Wodorune za jara šěroke strony a wobrazy.

Měritko: Zo byšće so webstrona do mjenje łopjenow papjery hodźi, móžeće měritko přiměrić. Šěrokosći strony přiměrić měritko awtomatisce přiměrja.

Nastajenja: Wubjerće Pozadk ćišćeć (barby a wobrazy), zo byšće ćišćerske pozadki Firefox za webstrony měł. Hewak Firefox pozadki strony běłe wostaja.

Kromy a hłowowa/nohowa linka

print margins 57

Rajtark Kromy a hłowowa/nohowa linka wam zmóžnja změnić:

Kromy: Móžeće šěrokosć kromow strony za hornju, delnju, lěwu a prawu kromu strony separatnje zapodać.

Hłowowe a nohowe linki: Wužiwajće wuběranske menije, zo byšće wubrał, što ma so na wućišćanej stronje jewić. Hódnota wuběranskeho menija horjeka nalěwo so w hornim lěwym róžku strona zjewi; hódnota wuběranskeho menija horjeka wosrjedźa w hornim srjedźnym dźělu strony atd. Wubjerće z:

  • --prózdny--: Ničo so ćišći.
  • Titul: Titul strony so ćišći.
  • URL: Webadresa strony so ćišći.
  • Datum/Čas: Datum a čas so ćišćitej, hdyž so strona ćišći.
  • Strona #: Čisło strony so ćišći.
  • Strona # z #: Čisło strony a ličba stronow so ćišćitej.
  • Swójski...: Zapodajće swójski tekst za hłowowu linku abo nohowu linku. To da so na přikład wužiwać, zo by so mjeno předewzaća abo organizacije horjeka abo deleka na kóždej wućišćanej stronje pokazuje.

Klikńće na W porjadku, zo byšće změnjenje nastajenjow dokónčił a začińće wokno Stronu připrawić.

Standardny dialog "Drucken"

Standardny dialog „Drucken“ so zjewi, prjedy hač na Details einblenden klikaće. To zakładne informacije z tutymi přiměrjomnymi ćišćerskimi nastajenjemi pokazuje:

  • Drucker: Klikńće na wuběranski meni, zo byšće ćišćak wubrał, z kotrymž chceće ćišćeć.
  • Voreinstellungen: Móžeće přednastajenje za swój ćišćak wubrać, kotrež so za ćišćenje wužiwać.
  • Kopien: To wam zmóžnja wubrać, kelko kopijow strony so ma wućišćeć. Stajće hóčku, zo byšće postajił, hač so ma na jednym boku abo na woběmaj bokomaj ćišćeć.
  • Seiten: To wam zmóžnja wubrać, kotre strony maja so wućišćeć.

Standardny dialog „Drucken“ z rozšěrjenimi nastajenjemi (Details einblenden)

To je standardny dialog „Drucken“ ze standardnymi nastajenjemi kaž tež rozšěrjenymi nastajenjemi, kotrež móžeće změnić. Mjeztym zo horni wotrězk standardneho dialoga „Drucken“ samsne wostawa, da so delni wotrězk změnić, zo byšće dalše nastajenja pokazał, hdyž swój wuběr we wuběranskim meniju wosrjedź menija měnjeće. W hornim wotrězku móžeće změnić:

  • Papierformat: Tu móžeće druhi format papjery za ćišćenje wubrać, jeli nochceće standardny format papjery wužiwać.
  • Ausrichtung: Wubjerće mjez „Hochformat“ a „Querformat“.
  • Skalierung: To měnja, kak wulka abo mała so webstrona jewi, hdyž so ćišći.

Dokelž delni wotrězk po tym wariěruje, što je we wuběranskim meniju wubrane, so tute wotrězki deleka rozjasnjeja.

Firefox

Tutón wotrězk nastajenja wobsahuje, kotrež snano Firefox staja:

  • Option: Tu móžeće wubrać, hač so ma jenož wubrany wuběr ćišćeć a móžeće ćišćakej zdźělić, zo ma skalowanje změnić, zo by wućišćany wobraz šěrokosć strony wupjelnił.
  • Erscheinung: Tu móžeće wubrać, hač so maja pozadkowe barby/wobrazy ćišćeć.
  • Kopf-Fußzeilen: To wam zmóžnja, z pomocu wuběrow z wuběranskeho menija hłowowu a nohowu linku strony změnić, kotraž chceće ćišćeć.

Wuhotowanje

Tutón wotrězk ma nastajenja wo tym, kak ćišćak ma webstrony na kóždej stronje ćišćeć:

  • Seiten pro Blatt: To ćišćakej zdźěla, kelko webstronow abo duplikatowych webstronow ma so na kóždym łopjenje papjery ćišćeć.
  • Seitenfolge: To ćišćakej zdźěla, w kotrym porjedźe so maja webstrony ćišćeć.
  • Rahmen: To wam zmóžnja, hač so maja webstrony zaramikować.
  • Beidseitig: To wam zmóžnja, strony na woběmaj bokomaj ćišćeć, jeli waš ćišćak podpěruje. Jeli waše wućišćane strony maja so pozdźišo wjazać, postajće tu poziciju wjazanskeje hrany, zo njeby so pak na lěwej pak hornjej kromje łopjena dźěl poćišćował. Nimo toho móžeće wusměrjenje strony wobroćić abo horicontalnje kiwknyć.

Wobchadźenje z papjeru

Tutón wotrězk wodźi, kak so webstrona ćišći. Ma slědowace nastajenja.

  • Seiten sortieren: Nastajenje, kotrež ćišćakej zdźěla, hač ma strony po signaturje organizował.
  • Zu druckende Seiten: Wubjerće, kotre strony maja so ćišćeć.
  • Seitenfolge: Nastajenje postaja, w kotrym porjedźe so maja strony ćišćeć.
  • Dem Papierformat anpassen: Postajće tu format papjery, kotremuž so ma strona přiměrić.

Deckblatt

Tutón wotrězk wam zmóžnja, zwjeršnu stronu před abo za stronami ćišćeć, kotrež so maja ćišćeć.

Wasserzeichen

Tutón wotrězk wam zmóžnja, wašim stronam wódne znamjo přidać, wubrać, kotre wódne znamjo to ma być a wubrać, hdźež na stronach so ma wódne znamjo być.

Füllstände

Jeli waš ćišćak móže wašemu ličakej tute informacije zdźělić, dóstanjeće tu informacije wo aktualnym pjelnjenskim stawje tintowych patronow swojeho ćišćaka.

Přidatne pokiwy

  • Jeli chceće wobsah webstrony wobdźěłać, prjedy hač ju ćišćiće, móžeće rozšěrjenje z přidatkow Firefox wužiwać, na přikład Print Edit WE.
  • Zo byšće jednotliwy wobraz ze strony ćišćał, móžeće zwjetša z prawej tastu na njón kliknyć a Wobraz pokazaćWobraz w nowym rajtarku wočinić abo Pozadkowy wobraz pokazać wubrać a potom po instrukcijach horjeka postupować.
  • Webstrony móža so tak konfigurować, zo na papjerje hinak hač na wobrazowce wupadaja. Njebudźće tuž překwapjeny, hdyž někotre změny widźiće.

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije