Přidajće startowej wobrazowce na swojim graće iOS asistenty Firefox. Asistenty Firefox wam zmóžnjeja, spěšnje nowe pytanja započeć a přistup k wašim najlubšim websydłam z wašeje startoweje wobrazowki.

Kak móžeće asistent Firefox přidać

1. Podótkńće so prózdneho městna na startowej wobrazowce a dźeržće jo.
2. Tłóčće plusowy symbol + horjeka nalěwo na startowej wobrazowce.

   

3. Kulće dele a wubjerće nałoženje Firefox z lisćiny.
4. Šmórajće nalěwo a naprawo, zo byšće po asistentach kulił, kotrež su k dispoziciji. Hdyž asistent namakaće, kotryž chceće přidać, podótkńće so tłóčatka + Asistent přidać.

Typy asistentow

Asistent „Spěšny napohlad“

W dwěmaj wulkosćomaj k dispoziciji. Tutón asistent waše wočinjene rajtarki direktnje k startowej wobrazowce přinjese a zmóžnja wam, so spěšnje k wašim wočinjenym rajtarkam wróćić.

Asistent zwjazanjow websydłow

W jednej wulkosći k dispoziciji. Tutón asistent wašu lisćinu husto a njedawno wopytanych sydłow na wašej startowej wobrazowce za lochki přistup pokazuje. Je kaž byšće nałoženski symbol za swoje najlubše websydła měł. Móžeće tutej lisćinje z nastajenjom Zwjazanjam přidać sydło přidać.

Asistent zwjazanjow Fiefox

W jednej wulkosći k dispoziciji. Tutón asistent wašej startowej wobrazowce wjacore zwjazanja za zwučene nadawki wobhladowaka přidawa. Móžeće nowe pytanje w Firefox přewjesć, w priwatnych rajtarkach pytać, priwatne rajtarki začinić abo kopěrowane wotkazy direktnje z asistenta do wašeje startoweje wobrazowki wopytać.

Asistent Spěšne akcije

W jednej wulkosći k dispoziciji. Přidajće swojej startowej wobrazowce jednotliwe zwjazanje Firefox. Zwjazanja nowe pytanje w Firefox přewjesć, kopěrowany wotkaz wopytać, nowe priwatne pytanje přewjesć a priwatne rajtarki zhašeć. Po tym zo sće asistent přidał, dótkńće so jeho a dźeržće jón, zo byšće jón wobdźěłał a wubjerće druhe zwjazanje.