Signowanje přidatkow
Wersijowe informacije
- Wersijowy ID: 114366
- Wutworjeny:
- Awtor: milupo
- Komentar: corrections
- Přepruwowany: Haj
- Přepruwowany:
- Přepruwowany wot: milupo
- Je schwaleny? Haj
- Je to aktualna wersija? Ně
- Hotowy za přełožowanje: Ně
Žórłowy kod wersije
Wobsah wersije
Je přeco wjace přidatkow, kotrež nastajenja wašeho wobhladowaka bjez wašeje dowolnosće měnjeja abo waše daty kradnu. Někotre přidatki přidawaja njewitane symbolowe lajsty abo tłóčatka, měnjeja waše pytanske nastajenja abo smykaja wabjenje abo škódne programy do wašeho ličaka nutř. Tutón nastawk wujasnja, kak signowanje přidatkow funguje a po standardźe instalaciju škódneje softwary poćežuje.
Zapis wobsaha
Što je signowanje přidatkow?
Mozilla přepruwuje a „signuje“ přidatki, kotrež maja so po wěstotnych směrnicach. Wšě přidatki, kotrež so na addons.mozilla.org hosća, podleža tutomu procesej, zo bychu so signowali. Přidatki, kotrež so na druhich sydłach hosća, dyrbja so po samsnych směrnicach měć, zo by je Mozilla signował.
Signowanje přidatkow so jenož na škódnu softwaru a manipulowanje wobhladowaka wusměruje. Wobsah, kotryž sej wobhladujeće, so njekontroluje abo njecensěruje.
Kotre typy přidatkow dyrbja so signować?
Rozšěrjenja (přidatki, kotrež Firefox funkcije přidawaja) dyrbja so signować. Drasty, rěčne pakćiki a tykače njetrjebaja so signować.
Hdźe móhł ja na njesignowane přidatki storčić?
Přidatki, kotrež wot oficielneho sydła přidatkow Firefox pochadźeja, přeběža wěstotne kontrole, prjedy hač so wozjewjeja. Tute přidatki su přepruwowane a signowane. Hdyž přidatk wot druheho websydła instalujeće, přepruwuje Firefox, hač přidatk je digitalnje signowany, prjedy hač móžeće jón instalować.
{warnowanje}Instalujće přidatki jenož wot wuwiwarjow, kotrymž dowěrjeće. Njepřepruwowane přidatki móža škódnu softwaru wobsahować abo waše nastajenja manipulować a waše daty kradnyć.{/warnowanje}
Započinajo z wersiju 43, Firefox haći was při instalowanju njesignowanych přidatkow a znjemóžnja njesignowane přidatki, kotrež su hižo instalowane. Jeli njesignowany přidatk je znjemóžnjeny, njemóžeće jón wužiwać a zrjadowak přidatkow pokaza zdźělenku, zo přidatk njeda so za wužiwanje w Firefox wobkrućić a je so znjemóžnił.
Što móžu činić, jeli Firefox instalowany přidatk znjemóžnja?
Móžeće přidatk z Firefox wotstronić a potom signowanu wersiju wot sydła přidatkow Mozilla instalować, jeli tajka je k dispoziciji.
Jeli signowana wersija k dispoziciji njeje, stajće so z wuwiwarjom přidatka do zwiska, zo byšće zhonił, hač wón móže zaktualizowanu a signowanu wersiju toho přidatka poskićić. Móžeće tež jeho prosyć, zo by swój přidatk signował.
Wunuzowanju signowanja přidatkow zadźěwać (nazhonjeni wužiwarjo)
Móžeće wunuzowanju signowanja přidatkow zadźěwać: Stajće nastajenje xpinstall.signatures.required w konfiguraciskim editorje Firefox (strona about:config) na false. Za změny w konfiguraciskim editorje podpěra njeje, dyrbiće to na swoje riziko činić. Nimo toho planuje Mozilla, tute nastajenje w jednej z přichodnych wersijow Firefox wotstronić, t. r. tuta móžnosć je jenož nachwilne rozrisanje.