Hesło wašeho konta Firefox z wobnowjenskimi klučemi wróćo stajić

Wersijowe informacije
  • Wersijowy ID: 301722
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Haj
  • Hotowy za přełožowanje: Ně
Žórłowy kod wersije
Wobsah wersije

Móžeće swój kontowy wobnowjenski kluč wužiwać, zo byšće so pola swojeho konta Mozilla přizjewił, zo byšće zaso přistup k swojim datam dóstał, jeli swoje hesło zabywaće.

Wažny: Jeli njejsće swój wobnowjenski kluč składował, njemóžeće swoje synchronizowane daty po wróćostajenju swojeho hesła wobnowić.

Čehodla so moje daty wróćo stajeja, hdyž so hesło wróćo staja?

Konta Mozilla waše hesło wužiwa, zo bychu waše synchronizaciske daty (na přikład zapołožki, hesła a nastajenja) na serwerach Mozilla zaklučowali. Jeli swoje hesło zabywaće a dyrbiće jo wróćo stajić, so daty wěstoty dla zhašeja – chibazo maće wobnowjenski kluč. Jónkróćny kontowy wobnowjenski kluč wam zmóžnja, waše hesło wróćo stajić, bjeztoho zo byšće synchronizowane zaklučowane daty zhubił.

Waš kontowy wobnowjenski kluč generować a składować

Wažny: Čińće to, zo byšće kontowy wobnowjenski kluč měł, hdyž dyrbiće swoje hesło wróćo stajić.
  1. Klikńće na menijowe tłóčatko Wobraz "fx57menu" njeeksistuje.Fx89menuButton, zo byšće menijowe wokno wočinił.
  2. Klikńce na mjeno swojeho konta Mozilla horjeka (abo přizjewće so, jeli hišće njejsće přizjewjeny).
    Firefox_Mozilla Account Fx139_Menu account option
  3. Klikńće na Konto rjadować.
    • Strona konta Mozilla so w nowym rajtarki wočini.
  4. Klikńće pod Wěstota pódla Kontowy wobnowjenski kluč na Wutworić.
  5. Klikńće w přijimanskej namołwje na Prěnje kroki.
  6. Zapodajće swoje hesło a klikńće potom na Kontowy wobnowjenski kluč wutworić.
  7. Waš kontowy wobnowjenski kluč je so wutworił! Klikńće na Sćahnyć a dale, zo byšće dataju z nim sćahnył.
    Mozilla Account_Recovery key created
    • Móžeće tež swój kluč kopěrować a potom na Dale bjez sćehnjenja kliknyć. Zawěsćće w tym padźe, zo jón manuelnje składujeće.
    • Składujće swój kontowy wobnowjenski kluč na wěstym městnje, hdźež njemóže so zhubić.
  8. Na přeće móžeće pokaz zapodać, kotryž wam wosnadnja, sej spomjatkować, hdźež sće swój kluč składował. Pokaz so pokaza, mjeztym zo hesło wróćo stajeće.
  9. Klikńće na Dokónčić.

Kak móžeće swój kontowy wobnowjenski kluč změnić

Jeli waš kontowy wobnowjenski kluč je so wotkrył, abo so wy prosće hižo na to njedopominaće, hdźež sće jón składował, móžeće kóždy čas nowy wutworić. Předchadny kluč swój skutk zhubi.

  1. Přewjedźće najprjedy tři kroki we wotrězku Waš kontowy wobnowjenski kluč generować a składować, zo byšće k stronje konta Mozilla přešoł.
  2. Klikńće pod Wěstota, pódla Kontowy wobnowjenski kluč na Změnić.
  3. Klikńće znowa na Wotstronić na wobkrućenskej namołwje.
  4. Přewjedźće zbytne kroki we předchadnym wotrězku Waš kontowy wobnowjenski kluč generować a składować, zo byšće nowy kontowy wobnowjenski kluč wutworił.

Waš kontowy wobnowjenski kluč zhašeć

  1. Přewjedźće zbytne kroki we wotrězku Waš kontowy wobnowjenski kluč generować a składować, zo byšće k stronej konta Mozilla přešoł.
  2. Klikńće pod Wěstota pódla Kontowy wobnowjenski kluč na tłóčatko Zhašeć Mozilla Account_Delete account recovery key button.
  3. Klikńće we wobkrućenskej namołwje na Wotstronić.

Kak waše hesło z wašim kontowym wobnowjenskim klučom wróćo stajić

Dźiće k přizjewjenske stronje konta Mozilla, klikńće na Sće hesło zabył? a slědujće namołwam. Hlejće Kak hesło wašeho konta Mozilla změnić abo wróćo stajić pod wotrězkom Hesło z wobnowjenskim klučom wróćo stajić za podrobne instrukcije.

Nimaće swój wobnowjenski kluč?

Jeli waš wobnowjenski kluč k dispoziciji njeje abo chceće swoje hesło bjez njeho wróćo stajić, hlejće instrukcije Wróćostajenje hesła bjez wobnowjenskeho kluča w Kak hesło wašeho konta Mozilla změnić abo wróćo stajić.