Firefox za Android wam zmóžnja, sydła w priwatnych rajtarkach wočinić, zo byšće móhł pytać a přehladować, bjez toho zo byšće historiju składował.

Tuta funkcija wam zmóžnja:

• Startujće priwatny modus direktnje ze swojeje startoweje wobrazowki, bjez toho zo byšće normalny modus Firefox do toho wočinił.
• Začińće wšě priwatne rajtarki.
• Wočińće wotkazy po standardźe w priwatnym modusu.

Posedźenje priwatneho modusa startować

Zo byšće posedźenje priwatneho modusa startował:

1. Podótkńće so startoweje wobrazowki Firefox a potom maskoweho tłóčatka horjeka na wobrazowce, zo byšće do priwatneho modusa přepinał.

   

2. Zapodajće na startowej wobrazowce priwatneho modusa swój pytanski wuraz abo adresu websydła do adresoweho pola.

Abo wočińće lisćinu rajtarkow, zo byšće nowy rajtark we woknje priwatneho modusa wočinił.

1. Podótkńće so ličbneho symbola pódla adresoweho pola.

   

2. Podótkńće so maskoweho symbola, zo byšće sej priwatne rajtarki wobhladał.

   

3. Podótkńće so tłóčatka + PRIWATNY, zo byšće nowy rajtark w swojim posedźenju priwatneho modusa wočinił.

Do normalneho modusa přepinać

1. Podótkńće so ličbneho rajtarkoweho symbola pódla adresoweho pola, zo byšće lisćinu rajtarkow wočinił.

   

2. Priwatne rajtarki so pod maskowym symbolom nalistuja. Zo byšće do normalneho modusa přepinał, podótkńće so kwadratiskeho symbola.

   

3. Tu móžeće wšě rajtarki (normalne abo priwatne) začinić, kaž deleka wujasnjene, abo so tłóčatka + podótknyć, zo byšće so k startowej wobrazowce wróćił.

Zwjazanje za priwatny modus přidać

Hdyž swojej startowej wobrazowce zwjazanje za priwatny modus přidawaće, móžeće Firefox po standardźe w priwatnym modusu startować.

Hdyž prěni raz do priwatneho modusa přepinał, so móžnosć pokaza, zwjazanje přidać, zo byšće priwatne rajtarki ze swojeje startoweje wobrazowki wočinił.

Podótkńće so prosće Zwjazanje přidać a slědujće nawodej swojeho grata.

Móžeće to tež manuelnje činić:

1. Podótkńće so menijoweho tłóčatka.

2. Podótkńće so menija Nastajenja
3. Wubjerće Priwatny modus pod Priwatnosć a wěstota.
4. Podótkńće so Zwjazanje za priwatny modus přidać.
5. Slědujće nawodej, zo byšće swojej startowej wobrazowce symbol přidał.

Wotkazy po standardźe w priwatnych rajtarkach wočinić

Móžeće Firefox tak nastajić, zo přeco wotkazy z druhich nałoženjow w priwatnym modusu wočinja:

1. Podótkńće so menijoweho tłóčatka.

2. Podótkńće so menija Nastajenja
3. Wubjerće Priwatny modus pod Priwatnosć a wěstota.
4. Zmóžńće Wotkazy w priwatnym rajtarku wočinić.

Foto wobrazowki w priwatnym modusu dowolić

Móžeće wutworjenje fotow wobrazowki w priwatnym modusu zmóžnić abo znjemóžnić.

1. Podótkńće so menijoweho tłóčatka.

2. Podótkńće so menija Nastajenja
3. Wubjerće Priwatny modus pod Priwatnosć a wěstota.
4. Přepinajće Fota wobrazowki w priwatnym modusu dowolić.

Wšě priwatne rajtarki začinić

1. Podótkńće so ličby pódla adresoweho pola, zo byšće lisćinu rajtarkow wočinił. Tuta ličba pokazuje, kelko wočinjenych rajtarkow maće:

   

2. Podótkńće so třidypkoweho menijoweho tłóčatka w lisćinje rajtarkow.

   

3. Wubjerće Wšě rajtarki začinić
4. Zdźělenka Rajtarki su začinjene so krótko zjewi, podótkńće so COFNYĆ, zo byšće tute rajtarki znowa wočinił.