Firefox wam wěsty a optimizowany přizjewjenski proces za waše najlubše websydła skići, zo by wašu nawigaciju online polěpšił. Rozžohnujće so z njepřijomnosću, zo dyrbiće sej hesła spomjatkować. Z Firefox móžeće lochko swoje přizjewjenske daty přidać, wobdźěłać abo zhašeć, jeli trjeba.

Hesłowe informacije składować

1. Podótkńće so menijoweho tłóčatka deleka na wobrazowce (meni budźe horjeka naprawo, jeli iPad wužiwaće):
   

2. Podótkńće so Nastajenja w menijowym woknje.
3. Wubjerće Awtomatiske wupjelnjenje a hesła.

   

4. Podótkńće so suwaka pódla Hesła składować, zo byšće to zmóžnił .

   

Kóždy raz, hdyž so pola webstrony přizjewjeće, budźe so was Firefox prašeć, hač chceće swoje wužiwarske mjeno a hesło składować:

Składowane hesła rjadować

1. Podótkńće so menijoweho tłóčatka deleka na wobrazowce (meni budźe horjeka naprawo, jeli iPad wužiwaće):
   

2. Podótkńće so Nastajenja w menijowym woknje.
3. Wubjerće Awtowupjelnjenje a hesła.

   

4. Wubjerće we wotrězku Składowane hesła mjeno websydła.

   

5. Podótkńće so Wobdźěłać horjeka naprawo, zo byšće wužiwarske mjeno abo hesło změnił (hdyž so tutoho pola we wobdźěłowanskim modusu podótkaće, so składowane hesło pokaza).
6. Wubjerće Zhašeć, zo byšće składowane hesłowe daty zhašał.

Składowane hesło awtomatisce wupjelnić

Dóstańće spěšny přistup k websydłam z pomocu swojich do toho składowanych přizjewjenskich datow:

1. Nawigěrujće k přizjewjenskej stronje websydła, k tutomu chceće přistup dóstać.
2. Podótkńće so přizjewjenskeho pola a Firefox was namołwi, Składowane hesło wužiwać.

   

3. Karta so deleka na stronje was zjewi, zo byšće přizjewjenske daty wubrał, kotrež chceće za tute posedźenje wužiwać.

   

4. Wubjerće požadane přizjewjenske daty a Firefox hnydom waše přizjewjenske pola wupjelni.

   

5. Jeli su wjacore składowane hesła za sydło, wubjerće přihódne z wuběranskeho menija.

   

6. Podótkńće so tež nastajenja „Nastajenja rjadować“ deleka na karće za wuběranje přizjewjenskich datow, zo byšće přistup k swojim składowanym hesłam dóstał a je rjadował.

   

Pokiwy

• Zo byšće swoje składowane hesło pokazał, podótkńće so hesłoweho pola a dźeržće jo, zo byšće meni pokazał.
• Podótkńće so pola websydła a dźeržće jo, zo byšće meni pokazał a podótkńće so Kopěrować, zo byšće wotkaz kopěrował abo Wočinić a wupjelnić, zo byšće websydło wočinił a so přizjewił.