Standardne pytawy w Firefox za Android rjadować

Firefox for Android Firefox for Android Posledni raz zaktualizowany:

Firefox za Android wam zmóžnja, standardnu pytawu přidać, wotstronić a změnić. Su wšelake pytawy, kotrež móžeće wubrać, na přikład Google a Bing. Móžeće tež druhe pytawy manuelnje přidać a jednu z nich jako standardnu pytawu nastajić.

Kedźbu: Někotre tu předstajenych pytawow su regionalnje wobmjezowane a njejsu přistupne wot kóždeho městna. Zo byšće hładke dožiwjenje zaručił, zawěsćće, zo pytawa, kotruž chceće přidać abo wužiwać, je ze swojim regionom kompatibelna.

Standardnu pytawu změnić

  1. Podótkńće so symbola pytawy w adresowym polu.
    Manage search engines Android 1
  2. TPodótkńće so Pytanske nastajenja.
    Manage search engines Android 2
  3. Podótkńće so Standardna pytawa.
    Manage search engines Android 3
  4. Wubjerće pytawu swojeje wólby.
    Manage search engines Android 4 edit

Pytawu za jednotliwe pytanje změnić

  1. Podótkńće so symbola pytawy w adresowym polu.
    Manage search engines Android 5
  2. Wubjerće pytawu, kotruž chceće za tute pytanje wužiwać.
    Manage search engines Android 6

To wašu standardnu pytawu njezměni.

Pytanske nastajenja wobdźěłać

  1. Podótkńće so symbola pytawy w adresowym polu.
    Manage search engines Android 7
  2. Podótkńće so Pytanske nastajenja.
    Manage search engines Android 8
  3. Přepinajće we wotrězku Namjety wot pytawow slědowace nastajenja:
    • Pytanske namjety pokazać: Pokazajće pytanske namjety wot swojeje standardneje pytawy, hdyž URL abo klučowe słowa do adresoweho pola zapodawaće.
    • W priwatnych posedźenjach pokazać: Pokazajće pytanske namjety, hdyž w posedźenjach priwatneho modusa z adresoweho pola pytaće.
      Kedźbu: Nastajenje „W priwatnych posedźenjach pokazać“ (kontrolny kašćik) je jenož aktiwny, jeli „Pytanske namjety pokazać“ je zmóžnjene.
    • Najnowše pytanja pokazać: Pokazuje najnowše pytanja wot wužiwarja, hdyž z adresowym polom pyta.
  4. Přepinajće slědowace nastajenja we wotrězku Adresowe polo – Firefox Suggest:
    • Přehladowansku historiju přepytać: Zapřijima tež přehladowansku historiju do pytanjow z adresoweho pola.
    • Zapołožki přepytać: Zapřijima zapołožki do pytanjow z adresoweho pola.
    • Synchronizowane rajtarki pytać: Pytajće rajtarki, kotrež sće z druheje kopije Firefox z pomocu Firefox Sync synchronizował.
    • Namjety z Firefox: Wobstarjaće sej namjety z weba nastupajo swoje pytanje.
    • Namjety wot sponsorow: Podpěrajće Firefox ze składnostnymi sponserowanymi namjetami.
  5. Přepinajće slědowace nastajenja we wotrězku Nastajenja adresoweho pola:
    • Namjety z mjezyskłada pokazać: Jeli posledni zapisk, kotryž sće do mjezyskłada kopěrował, wotkaz běše, so nastajenje „Wotkaz z mjezyskłada zasadźić“ zjewi, hdyž so adresoweho pola w nowym rajtarku dótkaće.
    • Rěčenske pytanje pokazać: Pokazajće mikrofonowy symbol, zo byšće rěčenske webpytanje přewjedł.
    • URL awtomatisce wudospołnić: Wudospołńće awtomatisce adresy websydłow, kotrež sće do adresoweho pola zapodał.
Manage search engines Android-14

Pytawu přidać

  1. Podótkńće so symbola pytawy w adresowym polu.
    Manage search engines Android 1
  2. Podótkńće so Pytanske nastajenja.
    Manage search engines Android 2
  3. Podótkńće so Standardna pytawa.
    Manage search engines Android 3
  4. Podótkńće so Pytawu přidać.
    Manage search engines Android 10
  5. Podajće mjeno za pytawu do tekstoweho pola Mjeno. Zapodajće ptom URL zpytanski znamješkowy rjećazk do pola URL pytanskeho znamješkoweho rjećazka. Móžeće tež URL za API pytanskich namjetow zapřijeć a so na Składować podótknyć.
    Manage search engines Android 9
  • Jeli URL pytanskeho znamješkoweho rjećazka je jako njepłaćiwy markěrowany, so zmylkowa zdźělenka pokaza, zo by wam pomhała, płaćiwy URL podać. Prošu wuměńće pytanski znamješkowy rjećazk z „%s“, na přikład: https://www.google.com/search?q=%s
  • Jeli njewěsće, kotry pytanski znamješkowy rjećazk dyrbiće za wěstu pytawu wužiwać, móžeće přistup k jeho websydłu w nowym rajtarku měć, přewjedźće pytanje a wužiwajće dóstany URL jako referencu. Jeli na přikład k ecosia.org dźiće a za firefox pytaće, budźe dóstany URL w adresowym polu https://www.ecosia.org/search?q=firefox. Pytanski znamješkowy rjećazk dyrbi potom https://www.ecosia.org/search?q=%s być, naprašowanje so tuž z „%s“ wuměni.

Pytawa so předdefinowanej lisćinje pytawow w alfabetiskim porjedźe přida.

Alternatiwne pytawy rjadować

  1. Podótkńće so symbola pytawy w adresowym polu.
    Manage search engines Android 5
    Podótkńće so Pytanske nastajenja.
    Manage search engines Android 2
  2. Podótkńće so Alternatiwne pytawy rjadować.
    Manage search engines Android 12
  3. Wubjerće pytawy, kotrež maja w pytanskim meniju widźomne być.
    Manage search engines Android 13

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije