Zhońće wjace wo tym, kak móžeće webstrony z pomocu ćišćerskich funkcijow Firefox ćišćeć.

• Za rozrisowanje ćišćerskich problemow hlejće Fix printing problems in Firefox.
• Zo byšće strony w zjednorjenej formaće ćišćał, hlejće Print simplified, clutter-free pages in Firefox.

Webstronu ćišćeć

1. Klikńće na menijowe tłóčatko a potom na Ćišćeć…
   • To ćišćerski přehlad za tu webstronu wočini.

   

2. Wubjerće swoje ćišćerske nastajenja:
   • Cil: Wužiwajće wuběranski meni, zo byšće grat wubrał, z kotrymž chceće ćišćeć a dokument, kotryž chceće ćišćeć abo składować. Wubjerće Do PDF składować we wuběranskim meniju, zo byšće pokazany přehlad jako PDF-dataju składował.
   • Kopije: Wubjerće ličbu kopijow, kotrež so maja ćišćeć (za ćišćaki a faksy k dispoziciji).
   • Wusměrjenje: Zmóžnja wam, mjez wusměrjenjomaj Wysoki format a Prěčny format wućišćaneje strony wubrać.
   • Strony: Zmóžnja wam wubrać, kotre strony chceće ćišćeć.
   • Barbny modus: To wam zmóžnja wubrać, hač so ma strona w modusu Barba abo Čorny a běły ćišćeć (to njeda so za někotre ćišćaki přiměrić).
   • Wjace nastajenjow: Pokazajće tutón wotrězk za dalše nastajenja, na přikład Wulkosć papjery, Skalowanje, Strony na łopjeno, Kromy, Format (Original abo Zjednorjeny, jeli k dispoziciji), Ćišćenje na woběmaj bokomaj, Hłowowe a nohowe linki ćišćeć a Pozadki ćišćeć. (Jeli Zjednorjeny pod Format wuběraće, njemóžeće Pozadki ćišćeeć wubrać.)
3. Klikńće po přiměrjenju nastajenjow na Ćišćeć, zo byšće započał ćišćeć.

Rozšěrjene pokiwy

• Jeli chceće wobsah webstrony wobdźěłać, prjedy ćišćiće, móžeće rozšěrjenje z přidatkow Firefox wužiwać, na přikład Print Edit WE.
• Zo byšće jednotliwy wobraz ze strony ćišćał, móžeće zwjetša z prawej tastu kliknyć a Wobraz w nowym rajtarku abo Pozadkowy wobraz pokazać wubrać a potom z pomocu instrukcijow horjeka ćišćeć.
• Webstrony móža so tak konfigurować, zo na papjerje hinak hač na wobrazowce wupadaja. Njebudźće tuž překwapjeny, hdyž někotre změny widźiće.