Hdyž z Firefox za Android přehladujeće, móžeće strony abo wěsty wobsah z jenož mało podótkami dźělić. Pokazamy wam, kak to funguje.
Zapis wobsaha
Webstronu dźělić/pósłać
Zo byšće wočinjeny rajtark na druhi grat abo druhe nałoženje pósłał:
- Dźiće k stronje, kotruž chceće pósłać.
Podótkńće so menijoweho tłóčatka.
- Podótkńće so , zo byšće meni Dźělić wočinił.
- Zo byšće na grat pósłał, dyrbiće so pola Firefox Accounts přizjewić. Wubjerće pod Na grat pósłać grat, na kotryž chceće rajtark pósłać.
- Zo byšće na nałoženje, e-mejlowu adresu abo powěsć a wjace pósłał: Wubjerće pod Wšě akcije symbol akcije, kotruž chceće wuwjesć.
Jednotliwe foto abo jednotliwu dataju na webstronje dzělić
- Podótkńće so dołho zapiska, kotryž chceće dźělić, doniž kontekstowy meni njewuskakuje.
- Wubjerće Wotkaz dźělić a potom opciju z lisćiny dźělenskich opcijow.
Wubrany tekst na webstronje dźělić
- Podótkńće so dołho dźěla teksta, kotryž chceće dźělić a ćehńće kromy wuzběhnjenja, doniž so waš tekst njewuběra.
- Wubjerće Dźělić z menija a potom opciju z lisćiny dźělenskich opcijow.
Jeli husto něšto dźěliće, sej to Firefox za Android spomjatkuje a budźe wam waše najhusćiše dźělenske móžnosće namjetować a je naprawo w meniju za lóši přistup pokazować!
