Wulki dźak, zo sće Firefox Klar za Android wupruwujeće. Tutón nastawk někotre znate problemy wopisuje, na kotrychž hižo dźěłamy, zo bychmy je rozrisali. Sćerpńće so trochu, zo byšće dalše polěpšenja dóstał.
Zapis wobsaha
Kak móžu fota wobrazowki činić?
Fota wobrazowki tuchwilu w Firefox Klar k dispoziciji njeje, ale najwjace wužiwarjow Android móže foto wobrazowki činić, hdyž zapinanske tłóčatko grata a tłóčatko sylnosće zwuka „-“ tłóča.
Čehodla njemóžu wideja na někotrych sydłach w modusu połneje wobrazowki wothrać?
Wideja so na někotrych sydłach w modusu połneje wobrazowki w Firefox Klar za Android njewothrawaja, ale smy tutón problem na Vimeo porjedźili. To je znaty problem, za kotrehož rozrisanje ćežko dźěłamy. Prošu wočakńće!
Njewidźu dialogowe wokna
Wužiwaće staršu wersiju Firefox Klar (wulki dźak, zo nam pomhaće jón polěpšić!), kotraž dialogowe wokna kaž wuskakowace wokna za prawa hišće njepodpěruje. Wudźěłujemy rozrisanje za to, prošu budźće sćerpliwy.
Blokuja so přesćěhowaki na sydło abo na posedźenje?
Indikator Přesćěhowaki zablokowane w meniju Firefox Klar wam zdźěla, kelko z nich je na wotpowědnym websydle zablokowane.
