Filelink za wulke datajowe přiwěški

Wjele e-mejlowych serwerow njeakceptuje powěsće z wulkimi datajowymi přiwěškami. Wobmjezowanje datajoweje wulkosće wariěruje po konfiguraciji e-mejloweho serwera. Samo hdyž móžeće powěsć z wulkim přiwěškom słać, móhł přijimacy e-mejlowy serwer powěsć z wulkim přiwěškim wotpokazać. Thunderbird na to žadyn wliw nima.

Thunderbird Filelink tutón problem přez to eliminuje, zo podpěru za składowanske słužby online k dispoziciji staja. Zmóžnja wam, přiwěški k składowanskej słužbje online nahrać a wuměnja přiwěški w powěsći přez wotkaz. Přijimar powěsće kliknje na wotkaz, zo by přiwěšk sćahnył. Jako přidatny wužitk so wulke dataje wo wjele spěšnišo sćelu a přijimaja, a wój z přijimarjom tačelowy rum zalutujetaj.

Móžeće tež Filelink Thunderbird přidatnje k zwučenym přiwěškam wužiwać. Móžeće na přikład małe dataje direktnje k powěsći připowěsnyć a Filelink za wulke přiwěški w samsnej powěsći wužiwać.

Slědowace instrukcije pokazuja, kak móžeće Filelink z poskićowarjom składowanskeje słužby online Box konfigurować a wužiwać. Mamy dojednanje z nimi, zo směmy jich słužby tež do Thunderbird integrować. (Prjedy mějachmy dojednanje z Hightail, něhdy YouSendIt). Zhromadźenstwo wšak je z pomocu přidatkow druhich poskićowarjow kaž Dropbox, FileRun, hubiC, Mega, słužby na zakładźe wot ownCloud, Pydio (prjedy AjaXplorer), Synnefo, a ~okeanos k dispoziciji stajiło.

Filelink konfigurować

Zo byšće Filelink wužiwał, dyrbiće najprjedy z poskićowarjom składowanskeje słužby online nowe konto załožić (abo eksistowace konto konfigurować).

  1. Klikńće horjeka we woknje Thunderbird na meni Nastroje (ALT + T) a wubjerće Nastajenja...Nastajenja Klikńće w menijowej lajsće na meni Thunderbird a wubjerće NastajenjaKlikńće horjeka we woknje Thunderbird na meni Wobdźěłać a wubjerće Nastajenja abo klikńće na menijowe tłóčatko New Fx Menu a wubjerće Nastajenja…NastajenjaNastajenja.
  2. Wubjerće wotrězk Přiwěški a wubjerće potom rajtark Wuchadźace.
Filelink poskićowarja přidać
  1. Klikńće na tłóčatko Přidać. Dialog „Filelink konfigurować“ so zjewi.
  2. Wubjerće požadaneho słužboweho poskićowarja z wuběranskeje lisćiny.
    • Wubjerće Box, klikńće na Konto konfigurować abo na wotkaz Konto Box załožić…, zo byšće nowe konto załožił.
Pokiw: Zo byšće druhe konto konfigurował, dyrbiće najprjedy přidatk za jeho poskićowarja instalować (hlejće deleka.)
  1. Klikńće na Konto konfigurować, zo byšće pokročował.
Filelink konfigurować

Jeli nowe konto załožeće, wokno wobhladowaka so wočini, kotrež registrowansku stronu słužboweho poskićowarja pokazuje. Załožće konto kaž wopisane. Poskićowar słužby budźe wam wobkrućensku e-mejlku słać. Klikńće na wobkrućenski wotkaz w powěsći, zo byšće swoje konto aktiwizował. Zapodajće swoje wužiwarske mjeno (swoju e-mejlowu adresu) w dialogu, kotrež so horjeka pokazuje, a zapodajće swoje hesło, hdyž so sej žada.

Stajće we hłownym konfiguraciskim dialogu hóčku pódla Poskićić, zo by dataje dźělił, kotrež su wjetše hač a podajće datajowu wulkosć (w megabajtach), jeli chceće, zo Thunderbird wam kaza, Filelink wužiwać, hdyž powěsćowy přiwěšk podatu wulkosć překročuje. Tb38.5.1 nastajenja přiwěški wuchadźace

Filelink wužiwać

Hdyž k powěsći dataju připowěšeće a datajowa wulkosć horjeka podatu wulkosć překročuje, budźe wam Thunderbird awtomatisce poskićeć, Filelink wužiwać:

FileLinkAsk

Zo byšće dataju nuzował, so z pomocu Filelink připowěsnyć (město toho, zo by Thunderbird přewostajiło, postajić, hač připowěsnjena dataja podatu wulkosć překročuje), móžeće na „šipk dele“ pódla tłóčatko Připowěsnyć w powěsćowej lajsće kliknyć, zo byšće přistup na menijowe nastajenje Filelink měł.

Klikńće na tłóčatko Zwjazać, zo byšće dataju k poskićowarjej składowanskeje słužby online nahrał. (Abo kliknjeće na Ignorować, zo byšće dataju jako zwučeny přiwěšk připowěsnył.)

Hdyž Zwjazać wuběraće, so zwobraznjena zdźělenka aktualizuje:

FileLinkLinkingMessage

Hdyž zwjazowanje je dokónčene – t. r. waš přiwěšk je so k poskićowarjej słužby nahrał – so waša e-mejlka změni a tekstowy blok a wotkaz so tekstej wašeje e-mejlki přidatej, kaž to so tu pokazuje:

FileLinkLinked

Kedźbu: Powěsć budźe so w lutym teksće pokazować, jeli nastajenje Powěsće we formaće HTML spisać je w kontowych nastajenjach znjemóžnjene.

Hdyž přijimarjo powěsć dóstawaja, budu samsnu informaciju widźeć a, hdyž na wotkaz kliknu, dóstanu so k sćehnjenskej stronje, zo bychu přiwěšk sćahnyli.

Huste prašenja Filelink

Přiwěški, kotrež přez Filelink sćeleće, so na serwerach Mozilla njeskładuja. Kóždy poskićowar słužby składowanja datajow ma swójske prawidła priwatnosće a wužiwanske wuměnjenja. Poskićowar słužby składowanja datajow je funkciju Filelink přepruwował, zo by zawěsćił, zo wona jeho prawidłam wotpowěduje.

P: Wě Mozilla, kotreho poskićowarja wužiwar je wubrał?

W: Ně. Mozilla njewě, kotreho poskićowarja wužiwar je wubrał. Poskićowarska konfiguracija so na lokalnym ličaku składuje.

P: Kotre składowanske słužby so tuchwilu podpěruja?

W: Mamy dojednanje z Box wo direktnej integraciji jich słužbow do Thunderbird. Dojednanje z Hightail hižo płaćiwe njeje. Móžeće z přidatkami podpěru za druhich poskićowarjow instalować kaž na přikład:

P: Móže sej poskićowar składowanskeje słužby moje přiwěški wobhladać?

W: Poskićowarjo składowanskeje słužby móža sej dataju wobhladać, kaž kóždy, kotryž wotkaz k přiwěškej dóstawa, chibazo zaklučujeće dataju, prjedy hač ju nahrawaće. Wužiwarjo sami dyrbja rozsudźić, kotremu słužbowemu poskićowarjej tu zamołwitosć dowěrjeće. (Słužbowi poskićowarjo zwjetša waše priwatnostne prawa w swojich wužiwanskich wuměnjenjach wujasnjeja.) Dźiwajće na to, zo standardna přiwěškowa funkcionalnosć ani zaklučowana njeje. Hdyž přiwěšk na „normalne“ wašnje sćeleće, ma kóždy přistup na dataju, kotryž ma přistup na powěsć mjez wašim systemom a systemom přijimarjow (na přikład poskićowarja e-mejloweje słužby). Filelink skići wěstu wěstotu, dokelž so datajowe nahraća k poskićowarjej składowanskeje słužby přez HTTPS, wěsty protokol, sćelu.

P: Kak dołho je moja dataja na sydle poskicówarja składowanskeje słužby k dispoziciji?

W: Dataja budźe na sydle poskićowarja składowanskeje słužby k dispoziciji, doniž wy ju njezhašeće. Přizjewće so pola websydła poskićowarja, zo byšće dataje w swojim składowanskim rumje sej wobhladał a zhašał.

P: Móžeće słužboweho poskićowarja X abo protokol Y podpěrować?

W: Planujemy SpiderOak podpěrować. Mamy tež projekt "Up-for-grabs", kotrež je k dispoziciji, jeli něchtó by rady podpěru za dalše słužby abo protokole přidał. Wobhladajće sej tež wuwiwarsku dokumentaciju za funkciju Filelink.

P: Njespodoba so mi, dataje pola třećich poskićowarjow kaž tutoho składować. Funguja hišće normalne přiwěški?

W: Normalne e-mejlowe přiwěški hišće na samsne wašnje funguja, kaž přeco. Smy wam jenož móžnosć dali, wulke přiwěški hdźežkuli składować, jeli to chceće. Po standardźe su dataje wot wulkosće 1 MB wulke dataje za Thunderbird, ale móžeće to w nastajenjach Thunderbird změnić:

  1. Klikńće horjeka we woknje Thunderbird na meni Nastroje (ALT + T) a wubjerće Nastajenja...Nastajenja Klikńće w menijowej lajsće na meni Thunderbird a wubjerće NastajenjaKlikńće horjeka we woknje Thunderbird na meni Wobdźěłać a wubjerće Nastajenja abo klikńće na menijowe tłóčatko New Fx Menu a wubjerće Nastajenja…NastajenjaNastajenja.
  2. Wubjerće wotrězk Přiwěški a wubjerće rajtark Wuchadźace.
  3. Nastajće datajowu wulkosć za warnowanje Filelink.

Móžnosć, přiwěški nahrać, da so tež dospołnje znjemóžnić, hdyž hóčku pódla Poskićić, zo by dataje dźělił, kotrež su wjetše hač wotstroniće.

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla