Digitalne rjadowanje prawow (jendźelsce: Digital Rights Management, skrótka DRM) je technologija, kotraž widejo- a awdiosłužbam zmóžnja wunuzować, zo so wobsah, kotryž k dispoziciji stajeja, wotpowědujo jich potrěbnosćam wužiwa. Tuta technologija móže wěste wěcy wobmjezować, kotrež hewak móžeće we wobhladowaku činić. Wjele słužbow HTML5-widejo wužiwa, kotrež druhi DRM-mechanizm z mjenom Content Decryption Module (CDM) trjebaja.

DRM-wodźeny wobsah w Firefox wothrać

Firefox za desktop Google Widevine CDM wothrawanje přez DRM wodźeneho wobsaha podpěruje. Firefox Google Widevine CDM po standardźe sćahuje a zmóžnja, zo by wužiwarjam běžne dožiwjenje na sydłach skićił, kotrež sej DRM wužaduja. Firefox Google Widevine CDM, je-li trjeba, sćahuje a zmóžnja, z dowolnosću wužiwarja, zo by wužiwarjam běžne dožiwjenje na sydłach zmóžnił, kotrež sej DRM wužaduja. CDM w separatnym kontejnerje z mjenom „pěskowy kašćik“ (sandbox) běži a dóstanjeće zdźělenku, hdyž so CDM runje wužiwa. Móžeće tež CDM znjemóžnić a přichodne aktualizacije wotpokazać, hdyž slědowacym kročelam slěduja. Hdyž wšak CDM znjemóžnjeće, snano sydła, kotrež tutón typ wužiwaja, hižo porjadnje njefunguja.

Google Widevine CDM bjez wotinstalowanja znjemóžnić

Hdyž Google Widevine w zrjadowaku přidatkow znjemóžnjeće, njeběži hižo na wašim ličaku a přichodne aktualizacije njedadźa so hižo sćahnyć. Zo byšće tutón CDM-tykač znjemóžnił:

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Tykače.
2. Klikńće we woknje „Tykače“ na třidypkowy symbol zrjadowaka přidatkow pódla Widevine Content Decryption Module provided by Google Inc. a wubjerće Ženje njeaktiwizować z wuběranskeho menija.

   

Storčiće snano na sydła, hdźež wothrawanje wobsaha bjez zmóžnjeneho Google Widevine móžne njeje. Móžeće Google Widevine přeco zaso zmóžnić, hdyž Přeco aktiwizować w meniju pódla Widevine Content Decryption Module provided by Google Inc wuběraće.

CDM-wothrawanje wupinać, CDM wotinstalować a wšě CDM-sćehnjenja zastajić

Móžeće DRM-wothrawanje přez HTML5 globalnje wupinać. Hdyž to činiće, zhaša Firefox wšě sćehnjene DRM z kruteje tačele, skónči wšě přichodne CDM-sćehnjenja a znjemóžni DRM-wothrawanje. To płaći jenož za přez DRM wodźene awdio- a widejodataje za HTML5. Zo byšće DRM-wothrawanje za HTML5 dospołnje wupinał, wuwjedźće slědowace kroki:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Dźiće we woknje Powšitkowny k wotrězkej Wobsah Digital Right Management (DRM).
3. Wotstrońće hóčku pódla Wobsah wodźeny přez DRM wothrać.

Storčiće snano na sydła, hdźež wothrawanje wobsaha bjez DRM móžne njeje. Móžeće DRM přeco zaso aktiwizować, hdyž wokno NastajenjaNastajenjaNastajenja Powšitkowny a pod Wobsah Digital Rights Management (DRM) hóčku pódla Wobsah wodźeny přez DRM wothrać zasadźeće. Potom je wothrawanje DRM za HTML5 zaso zmóžnjene a Google Widevine CDM so awtomatisce sćehnje.

Podpěrane platformy

Google Widevine

• Windows Vista a nowši
• Mac OS X 10.11 a nowši
• x64 Linux

Podobne móžnosće za wupinanje su na wšěch platformach k dispoziciji, na kotrychž Firefox CDM podpěruje.