Startowu wobrazowku Firefox přiměrić

Firefox for Android Firefox for Android Posledni raz zaktualizowany:

Startowa strona Firefox na wašim graće Android waše zwjazanja, njedawno wopytane rajtarki, njedawno składowane zapołožki a pytanja a zběrki pokazuje, a tež nastawki a temy, kotrež su so přez Firefox doporučili.

Startowa strona Firefox na wašim graće Android přihódnu desku skići, kotrež waše zwjazanja, njedawno wopytane rajtarki, zapołožki a zběrki kaž tež nastawki a temy pokazuje, kotrež Pocket doporučuje. To wam spěšny přistup k wašim najlubšim sydłam zmóžnja, njedawno wopytane strony znowa wopytać, zwjazane webstrony organizować a zajimawy wobsah wotkryć, kotryž wam Firefox namjetuje.

FIREFOX GIF

Zhońće, kak móžeće swoju startowu stronu Firefox za Android přiměrić.

Startowu stronu Firefox přiměrić

Móžeće wodźić, kotre wotrězki su widźomne na wašej startowej stronje Firefox za Android:

  1. Podótkńće so menijoweho tłóčatka android menu icon
    Menu button - Template:menupreview
  2. Podótkńće so Nastajenja.
  3. Podótkńće so Startowa strona.
  4. Podótkńće so suwaka pódla Zwjazanja, zo byšće jón zmóžnił (wioletny) abo znjemóžnił (šěry).
  5. Stajće abo wotstrońće hóčku pódla Sponsorowane zwjazanja, zo byšće tute nastajenje zmóžnił abo znjemóžnił.
  6. Podótkńće so suwaka Wróćo skočić, zo byšće jón zmóžnił (wioletny) abo znjemóžnił (šěry).
  7. Podótkńće so suwaka pódla Zapołožki, zo byšće jón zmóžnił (wioletny) abo znjemóžnił (šěry).
  8. Podótkńće so suwaka pódla Njedawno wopytane, zo byšće jón zmóžnił (wioletny) abo znjemóžnił (šěry).
  9. Podótkńće so suwaka pódla Stawiznički, zo byšće wobsah, kotryž team doporučenjow Firefox hlada, zmóžnił (wioletny) abo znjemóžnił (šěry).
  10. Stajće abo wotstrońce hóčku pódla Sponsorowane stawiznički, zo byšće je zmóžnił abo znjemóžnił.

Dopručene stawiznički na startowej stronje Firefox za Android je funkcija, kotraž je tuchwilu w USA, Kanadźe, UK, Irskej, Němskej, Awstriskej, Šwicarskej, Italskej, Francoskej a Španiskej k dispoziciji.

Móžeće tež pozadk startoweje strony přiměrić. Podótkńće so Pozadkowy wobraz a wubjerće potom pozadkowy wobraz, kotryž Firefox poskića.

Zwjazanja

Wašim zwjazanjam sydło přidać

Waše zwjazanja so jako symbole na wašej startowej stronje za lochki přistup nalistuja.

  1. Wopytajće stronu, kotruž chceće připjeć.
  2. Podótkńće so menijoweho tłóčatka android menu icon
    Menu button - Template:menupreview
  3. Podótkńće so Zwjazanjam přidać.

Hdyž nowy rajtark wočinjeće, so připjate websydło nětko we wašich zwjazanjach zjewi.

Sydła wot zwjazanjow wotpjeć

Tłóčće miniaturku, zo byšće ju wotpjał a wubjerće Wotstronić z menija.

Zběrki

Móžeće rajtarkowe skupiny za spěšny přistup jako zběrki organizować, zo byšće je přehladnje jako zběrki składował a na swojej startowej wobrazowce pokazał. Zběrki Firefox dadźa so lochko wutworić, hdyž je trjebaće a zhašeć, hdyž hižo njetrjebaće.

Nowu zběrku wutworić

Zo byšće zběrki wutworił:

  1. Wopytajće stronu, kotruž chceće nowej zběrce přidać.
  2. Podótkńće so menijoweho tłóčatka android menu icon
    Menu button - Template:menupreview
  3. Podótkńcé so Do zběrki składować.
  4. Podótkńće so Nowu zběrku přidać.
  5. Zapodajće mjeno za nowu zběrku do tekstoweho pola, kotrež so jewi.
  6. Podótkńće so Dokónčeny.
  7. Zběrka so nětko we wotrězku Zběrki na startowej wobrazowce pokazuje.

Wopytajće Zběrki w Firefox, zo byšće wjace wo tym zhonił, kak móžeće je rjadować.

Podobne nastawki

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije