Firefox za Android wam kontrolu nad wašimi wosobinskimi datami skići, na přikład nad přehladowanskej historiju, hesłami a wjace. Móžeće tute daty lochko do swojeho wobhladowaka składować a kóždy raz zhašeć, hdyž chceće:

Cyłu přehladowansku historiju zhašeć

1. Podótkńće so menijoweho tłóčatka
   
2. Podótkńće so Historija.
3. Podótkńće so symbola papjernika horjeka naprawo.
4. Podótkńće so Wšitko we wobłuku Časowy wotrězk za zhašenje panel.
5. Podótkńće so Zhašeć.

Placki, dataje a druhe přehladowanske daty zhašeć

1. Podótkńće so menijoweho tłóčatka
   
2. Podótkńće so Nastajenja.
3. Kulće dele k Priwatnosć a wěstota.
4. Podótkńće so Přehladowanske daty zhašeć.
5. Stajće hóčku pódla zapiskow, kotrež chceće zhašeć.
6. Podótkńće so tłóčatka Přehladowanske daty zhašeć.
7. Podótkńće so Zhašeć, zo byšće swój wuběr wobkrućił.

Daty při kónčenju zhašeć

Tute nastajenje awtomatisce waše wubrane daty (zapołožki, přehladowansku abo pytansku historiju, składowane hesła a wjace) kóždy raz zhaša, hdyž Firefox kónčiće:

1. Podótkńće so menijoweho tłóčatka
   
2. Wubjerće Nastajenja.
3. Kulće dele k Priwatnosć a wěstota.
4. Podótkńće so Přehladowanske daty při kónčenju zhašeć.
5. Podótkńće so suwaka pódla Přehladowanske daty při kónčenju zhašeć, zo byšće jón zmóžnił.
6. Wubjerće zapiski, kotrež chceće kóždy raz zhašeć, hdyž Firefox kónčiće.

Firefox waše informacije kóždy raz zhaša, hdyž jón přez nastajenje Skónčić w třidypkowym meniju začinjeće.