Awtomatiske konwertowanje kontow Google mail do awtentifikacije OAuth 2.0

Započinajo wot wersije 91.8.0, Thunderbird, hdyž so wot wersije aktualizuje, kotraž je starša hač 91.8.0 awtentifikaciski metodu kontow Gmail do OAuth 2.0 konwertuje, zo by wužiwarjam pomhał, zo bychu žadanju Google za OAuth 2.0 za přizjewjenja Gmail wotpowědowali. Tute změny sej Google kaza.

Zawěsćće, zo waše konto Thunderbird Gmail je na OAuth2 nastajene

Wuchadny serwer (SMTP)

1. Dźiće k ≡ > Kontowe nastjenja
2. Wubjerće swoje konto (na př. julian@example.com) z kontoweje lisćiny nalěwo.
3. Pytajće deleka we woknje nastajenjow za Wuchadny serwer (SMTP).
4. Klikńće na tłóčatko Serwer SMTP wobdźěłać… naprawo.
5. Zawěsćće w dialogu serwera SMTP, zo Awtentifikaciska metoda je na OAuth2 nastajena.
6. Klikńće na tłóčatko W porjadku, zo byšće nastajenja swoheho serwera SMTP wobkrućił.

Dochadny serwer

1. Dźiće k ≡ > Kontowe nastjenja
2. Wubjerće swoje konto (na př. julian@example.com) z kontoweje lisćiny nalěwo.
3. Wubjerće pod swojim kontowym zapiskom podwotrězk Serwerowe nastajenja (jeli widźomny njeje, dyrbiće snano najprjedy tłóčatko > přepinać).
4. Zawěsćće, zo Wěstotne nastajenja > Awtentifikaciska metoda je na OAuth2 nastajena.

Kak da so nimokulenje OAuth wobeńć abo porjedźić, kotrež je so přez wotpokazane placki zawinowało

Přepruwujće najprjedy swoje powšitkowne nastajenje za placki w Thunderbird:

• Dźiće do ≡ > NastajenjaNastajenja > Priwatnosć a wěstota > Webwobsah.
• Pytajće za kontrolnym kašćikom Placki ze sydłow akceptować.

Jeli nastajenje Placki ze sydłow akceptować zmóžnjene njeje, přewjedźće jedyn ze slědowacych krokow a přeběžće přizjewjenski proces OAuth znowa:

• Wutworće wuwzaće, zo byšće placki wot Google akceptował:
  • Klikńće pódla tłóčatka Wuwzaća…, zo byšće dialog Wuwzaća - Placki wočinił.
  • Zapodajće https://accounts.google.com do zapodawanskeho pola Adresa websydła.
  • Wubjerće Dowolić a potom Změny składować.
• Abo akceptujće wšě placki:
  • Stajće hóčku před Placki ze sydłow akceptować.

Po tym zo sće proces OAuth přeběžał, móžeće, jeli chceće, placki zaso wotpokazać, dokelž přijimanje a słanje mejlkow z wotpokazanymi plackami fungujetej. Ale, hdyž wšě placki wotpokazujeće a wuwzaće wotstronjeće, ma to njelěpšinu, zo, hdyž token OAuth za proces Gmail spadnje, so dialog OAuth pokaza a so zaso nimokuli, doniž trěbne placki njeakceptujeće.

Za wjace podrobnosćow wo plackach, hlejće nastawk Privacy panel - Remote content and cookie settings in Thunderbird.

Kak móžeće nimokulenje OAuth wobeńć abo porjedźić, kotrež so přez znjemóžnjeny JavaScript zawinuje

• Dźiće k ≡ > NastajenjaNastajenja > Powšitkowne

1. Klikńće deleka naprawo we wobłuku Powšitkowne na Konfiguraciski editor.

• Kopěrujće abo zapodajće to do pytanskeho pola Mjeno nastajenja pytać: javascript.enabled.

1. Wy dyrbjał nětko jednotliwu linku pytanskeho wuslědka za nastajenje javascript.enabled widźeć.
   • Jeli javascript.enabled je true, změna trěbna njeje.
   • Jeli javascript.enabled' je false, dyrbiće nastajenje na true stajić, klikajo na tłóčatko Přepinać naprawo.

Přepruwować, hač su so prawe awtentifikaciske tokeny składowali

• Dźiće k ≡ > Nastajenja > Priwatnosć a wěstota > Hesła > Składowane hesła.
  • Jeli kontowa awtentifikacija je so na OAuth2 stajiła a přizjewjenje OAuth je wuspěšne było, měł wy zapiski za kóžde wužiwarske mjeno (konto Gmail) w slědowacej formje widźeć

oauth://accounts.google.com (https://mail.google.com/ …)

Kedźbu: Zapisk Oauth je awtentifikaciski token OAuth2, a nic hesło.

• Jeli kontowa awtentifikacija je so na OAuth2 stajiła a přizjewjenje OAuth njeje wuspěšne było, přepruwujće swoje hesłowe zapiski za poskićowarjow ze slědowacej formu a zhašejće je:

imap://imap.gmail.com (imap://imap.gmail.com)

smtp://smtp.gmail.com (smtp://smtp.gmail.com)

Jeli hišće problemy maće, móžeće w pomocy Thunderbird prašenje stajić.