Posledni raz zaktualizowany:
Prěnje kroki:
Přidawanje eksistowaceho e-mejloweho konta wot najwjace poskićowarjow je maličkosć w Thunderbird! Zo byšće započał, trjebaće swoje e-mejlowe přizjewjenske daty: wužiwarske mjeno a hesło. Thunderbird spyta, waše zapodaće ze swojej nutřkownej datowej banku přirunać, zo by zwisk (protokol, serwerowe adresy, awtentifikacija) za wěsteho poskićowarja konfigurował. Jeli profil k dispoziciji njeje, žadyn problem! Móžeće tež manuelnje konfigurować!
Instrukcije krok po kroku
1. Přistup ke kontowej konfiguraciji
Móžeće proces přidawanja noweho konta na jedne z dweju wašnjow iniciěrować. Za nowu instalaciju awtomatisce namołwu dóstanjeće, zo byšće podrobnosće swojeho e-mejloweho konta zapodał, hdyž Thunderbird prěni raz startujeće.
Za eksistowacu instalaciju móžeće přez > > ke konfiguraciskej wobrazowce nawigěrować.
2. Kontowe podrobnosće zapodać
Móžeće nětko swoje wužiwarske mjeno a hesło w konfiguraciskej wobrazowce zapodać. Prašeja so was tež, waše mjeno podać, zo byšće jo z tutym specielnym kontom zwjazał.
Hdyž sće hotowy, klikńće na .
3. Přepruwować, hač profil poskićowarja eksistuje
Na tutym městnje budźe Thunderbird přepruwować, hač waš webmejlowy poskićowar je w datowej bance k dispoziciji a budźe konfiguraciske nastajenja k dispoziciji stajeć. W najwjace padach budźe IMAP (protokolowy typ) preferowane nastajenje.
Jeli Thunderbird njemóže wašeho e-mejloweho poskićowarja wotwołać, móžeće město toho manuelnje konfigurować. Dyrbiće so swojeho poskićowarja za jeho specifiskimi e-mejlowymi nastajenjemi woprašeć. Móžeće tutu stronu za wjace pomocy wopytać: Manuelna kontowa konfiguracija.
Maće móžnosć, pak IMAP pak POP jako protokol za swój dochadnu e-mejl wubrać. IMAP a POP stej standardnej protokolej za wotwołanje mejlkow. IMAP, moderniši protokol, wam zmóžnja, powěsće na e-mejlowym serwerje a na wašim lokalnym ličaku w samsnym času składować. Protokol POP jenož zmóžnja, powěsće lokalnje składować. E-mejlowi poskićowarjo móža přistup přez protokol IMAP abo přez protokol POP skićić, abo podpěruja wobaj. (Zo byšće techniske podrobnosće za wobaj protokolej lěpje rozumił, hlejće Glossary of Terms including types of Accounts a IMAP-synchronizacija.)
Hdyž sće swój protokol wubrał, klikńće na .
4. Kontowy přistup Thunderbird zaručić
Wotwisujo wot webmejloweho poskićowarja je móžno, zo nowe wokno Thunderbird was prosy, so přez websydło wašeho poskićowarja přizjewić, zo byšće přistup k Thunderbird dóstał
Zapodajće swoje přizjewjenske daty a klikńće na abo na runohódne.
5. Konfiguraciju dokónčić
Thunderbird nětko započnje, waše rjadowaki a powěsće wot wašeho poskićowarja wotwołować.
Prošu dźiwajće na to, zo to móže chwilku trać, postupowa lajsta so deleka naprawo na wašej wobrazowce zjewi.
Zbožopřeće, sće konfiguraciju zakónčił!
Wašu poskićowarja za webmejl zarjadować / ISP do Thunderbird
Team Thunderbird chce serwerowe informacije za tak wjele ISP a webmejlowych poskićowarjow kaž móžno hromadźić. Wy móžeće pomhać! Jeli so informacije wo wašim e-mejlowym serwerje njenamakaja, hdyž swoje konto załožujeće, dyrbiće swoje konto manuelnje konfigurować. Ale, prošće prošu swojeho e-mejloweho poskićowarja, zo by wón swoje zwiskowe informacije připósłał. Za podrobne techniske informacije wo ISPDB a awtomatiskej konfiguraciji, kak móžeće ju wužiwać a jej datowu sadźbu přidać, hlejće Awtomatiska konfiguracija w Thunderbird we wikiju Mozilla.
