Firefox protéxeo dos ataques bloqueando contido inseguro e potencialmente daniño en páxinas web que se supón que son seguras. Siga lendo para obter máis información sobre o contido mixto e como saber se Firefox o bloqueou.
Índice
Que é o contido mixto e cales son os riscos?
HTTP é un sistema para transmitir información desde un servidor web ao seu navegador. HTTP non é seguro, polo que cando visita unha páxina servida a través de HTTP, a súa conexión está aberta a escoitas e a ataques de intermediario (man-in-the-middle). A maioría dos sitios web sérvense a través de HTTP porque non implican o envío e recepción de información confidencial e non precisan estar protexidos.
Cando visita unha páxina transmitida totalmente a través de HTTPS, como o seu banco, verá unha icona dun cadeado
icona dun escudo
na barra de enderezos (para máis detalles, consulte Como podo saber se a miña conexión a un sitio web é segura?). Isto significa que a súa conexión está autenticada e cifrada e, polo tanto, protexida tanto de escoitas como de ataques de intermediario.
Non obstante, se a páxina HTTPS que visita inclúe contido HTTP, a parte HTTP pode ser lida ou modificada por atacantes, aínda que a páxina principal se sirva a través de HTTPS. Cando unha páxina HTTPS ten contido HTTP, chamámoslle a ese contido “mixto”. A páxina que está a visitar só está parcialmente cifrada e, aínda que pareza segura, non o é. Para obter máis información sobre o contido mixto (activo e pasivo), consulte este artigo do blog.
Como podo saber se unha páxina ten contido mixto?
Existen dous tipos de contido mixto: contido mixto pasivo/de visualización e contido mixto activo. A diferenza radica no nivel de ameaza. Busque unha icona dun cadeadoescudo na súa barra de enderezos para determinar se a páxina ten contido mixto.



na barra de enderezos tamén lle indica que rastrexadores foron bloqueados nun sitio web. Consulte Enhanced Tracking Protection in Firefox for desktop para obter máis información.Sen contido mixto: seguro
Verá un cadeado cando estea nunha páxina totalmente segura (HTTPS). Para ver se Firefox bloqueou partes da páxina que non son seguras, prema no cadeado. Para obter máis información, consulte a sección Desbloquear contido mixto a continuación.
Verá esta icona dun escudo cando estea nunha páxina totalmente segura (HTTPS). Para ver se Firefox bloqueou partes da páxina que non son seguras, prema no escudo.
O contido mixto non está bloqueado: non é seguro
Se ve un cadeado cunha liña vermella enriba, a páxina contén contido mixto activo e Firefox non está a bloquear os elementos inseguros. Esa páxina está aberta a escoitas e ataques nos que lle poderían roubar os seus datos persoais do sitio. Non debería ver esta icona nun sitio web seguro (HTTPS) a menos que desbloquease o contido mixto seguindo as instrucións da sección Desbloquear contido mixto a continuación. Nota: Tamén se mostra un cadeado cunha liña vermella nos sitios web non cifrados (HTTP).
Se ve un escudo cunha liña vermella enriba, a páxina contén contido mixto activo e Firefox non está a bloquear os elementos inseguros. Esa páxina está aberta a escoitas e ataques nos que lle poderían roubar os seus datos persoais do sitio. Non debería ver esta icona nun sitio web seguro (HTTPS). Nota: Tamén se mostra un escudo cunha liña vermella nos sitios web non cifrados (HTTP).
Firefox actualiza automaticamente o contido pasivo inseguro, como as imaxes, sempre que é posible, modificando a orixe de http a https. Se o contido inseguro non se pode actualizar, bloquearase. Para obter máis información sobre o contido mixto activo e pasivo, consulte este artigo de MDN Web Docs.